ନୂଆଦିଲ୍ଲୀ,୦୧/୦୨: ସଂସଦରେ ବଜେଟ୍ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଲଗାତାର ଅଷ୍ଟମ ଥର ପାଇଁ ବଜେଟ୍ ଆଗତ କରିଛନ୍ତି ଅର୍ଥମନ୍ତ୍ରୀ । ମହିଳା, କୃଷି ଓ ମଧ୍ୟବିତଙ୍କୁ ଗୁରୁତ୍ବ ଦିଆଯାଇଛି । ମୋଟ୍ ୫୦,୬୫,୩୪୫ କୋଟି ବ୍ୟୟ ଅଟକଳ ହୋଇଛି । ସେଥିରୁ କୃଷି ପାଇଁ ୧, ୭୧, ୪୩୭ କୋଟି ବ୍ୟୟ ବରାଦ ହୋଇଛି । ବଜେଟରେ କୃଷକଙ୍କୁ ବଡ ଭେଟି ଦେଇଛନ୍ତି କେନ୍ଦ୍ର ସରକାର । କିସାନ କ୍ରେଡିଟ୍ କାର୍ଡ ଲିମିଟକୁ ବୃଦ୍ଧି କରାଯାଇଛି । ୩ ଲକ୍ଷ ଟଙ୍କାରୁ ୫ ଲକ୍ଷ ଟଙ୍କା ବୃଦ୍ଧି ହୋଇଛି । ଆଗକୁ ପ୍ରଧାନମନ୍ତ୍ରୀ ଧନଧାନ୍ୟ ଯୋଜନା ଆରମ୍ଭ ହେବ । ଯେଉଁଥିରେ ୧.୭ କୋଟି କୃଷକ ଉପକୃତ ହେବେ ବୋଲି ବଜେଟରେ ଘୋଷଣା ହୋଇଛି ।
ବଜେଟରେ ଚାଷୀଙ୍କ ପାଇଁ ବଡ ଘୋଷଣା ହୋଇଛି । ପ୍ରଧାନମନ୍ତ୍ରୀ କୃଷି ଧନ ଜନ ଯୋଜନାକୁ ପ୍ରାଥମିକତା ଦିଆଯାଇଛି । ବଜେଟରେ କୃଷକ, ମହିଳା ଓ ଗରିବଙ୍କୁ ଗୁରୁତ୍ବ ଦିଆଯାଉଛି । କୃଷି ଉତ୍ପାଦନ ବୃଦ୍ଧି ଉପରେ ଗୁରୁତ୍ବ ରହିଛି । କିସାନ କ୍ରେଡିଟ୍ କାର୍ଡ ଋଣ ଲିମିଟକୁ ୩ ଲକ୍ଷ ଟଙ୍କାରୁ ୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । ଆରମ୍ଭ ହେବ ପ୍ରଧାନମନ୍ତ୍ରୀ ଧନଧାନ୍ୟ ଯୋଜନା । ଏହା ଦ୍ବାରା ୧.୭ କୋଟି କୃଷକ ଉପକୃତ ହେବେ । ଏହା ସହିତ ଏମଏସଏମଇ ବିକାଶର ଦ୍ବିତୀୟ ଇଞ୍ଜିନ ହେବ । ୭.୫ କୋଟି ଏମଏସଏମଇ କର୍ମଚାରୀଙ୍କ ଉପରେ ଫୋକସ ରହିଛି । ଏମଏସଏମଇ କ୍ଷେତ୍ର ପାଇଁ ଅଧିକ ଋଣ ମଞ୍ଜୁରୀ ହେବ । ଅଣଚମଡା ଶିଳ୍ପ ଦ୍ବାରା ୨୨ ଲକ୍ଷ ଉପକୃତ ହେବେ ।
ଏହା ବି ପଢନ୍ତୁ...ଆଗତ ହେଲା ୨୦୨୫-୨୬ ପୂର୍ଣ୍ଣାଙ୍ଗ ବଜେଟ୍, ଉପସ୍ଥାପନ କଲେ ଅର୍ଥମନ୍ତ୍ରୀ
ପିଏମ୍ ଧନଧାନ୍ୟ ଯୋଜନା-ସମସ୍ତଙ୍କ ବିକାଶ,ମଧ୍ୟବିତଙ୍କ କ୍ଷମତା ବୃଦ୍ଧି କରିବାକୁ ଏହି ବଜେଟ୍ ସମର୍ପିତ । ଯୁବ ଚାଷୀ, ଗ୍ରାମୀଣ ମହିଳା ଏବଂ ଛୋଟ ଛୋଟ ଚାଶୀଙ୍କ ଉପରେ ବଜେଟରେ ଫୋକସ କରାଯାଇଛି । ପ୍ରଧାନମନ୍ତ୍ରୀ ଧନଧାନ୍ୟ ଯୋଜନାକୁ ରାଜ୍ୟ ସରକାରଙ୍କ ସହ ମିଳି କେନ୍ଦ୍ର ସରକାର କାର୍ଯ୍ୟକାରୀ କରିବେ । ଯାହାର ଫାଇଦା ୧.୭ କୋଟି ଚାଷୀଙ୍କୁ ମିଳିବ । ପ୍ରଥମ ପର୍ଯ୍ୟାୟରେ ୧୦୦ଟି ବିକାଶଶୀଳ କୃଷି ଜିଲ୍ଲାକୁ ଏଥିରେ ସାମିଲ କାରାଯିବ । ଏହା ସହିତ ଖାଇବା ତେଳରେ ଆତ୍ମନିର୍ଭର କରିବାକୁ ୬ ବର୍ଷିୟା ସ୍କିମ ଘୋଷଣା ଆରମ୍ଭ ହେବ । ଫଳ ଓ ପରିବା ନେଇ ବ୍ୟାପକ କାର୍ଯ୍ୟକ୍ରମ ଆୟୋଜନ ହେବ ।
