ନୂଆଦିଲ୍ଲୀ,୦୬/୦୫ : ପହଲଗାମ ଆତଙ୍କୀ ଆକ୍ରମଣ ପରେ ଭାରତ-ପାକିସ୍ତାନ ମଧ୍ୟରେ ସମ୍ପର୍କ ଆହୁରି ବିଗିଡ଼ିଛି । ଯାହା ଉପରେ ସାରା ବିଶ୍ୱର ନଜର ରହିଛି । ଭାରତର ଆକ୍ସନକୁ ନେଇ ଭୟଭୀତ ହୋଇଛି ପାକିସ୍ତାନ । ଏ ନେଇ ଜାତିସଂଘ ଶରଣରେ ପଶିଥିଲା । ଏହାରି ଭିତରେ ଜାତିସଂଘ ସୁରକ୍ଷା ପରିଷଦ ବୈଠକ ବସିଛି । ପ୍ରାୟ ଦେଢ ଘଣ୍ଟା ଧରି ରୁଦ୍ଧ ଦ୍ୱାର ବୈଠକ ଚାଲିଥିଲା । ଆଲୋଚନାରେ ଯଦିଓ କୌଣସି ନିଷ୍କର୍ସ ବାହାରିନାହିଁ ମାତ୍ର ପାକିସ୍ତାନକୁ ଧୋଇ ଦେଇଛନ୍ତି ୟୁଏନଏସସିର ସ୍ଥାୟୀ ସଦସ୍ୟ । ଚାଲି ପାରିଲାନି ପାକିସ୍ତାନ ଚାଲ୍‌ କାମ ଦେଲାନି ଡ୍ରାମା । ପ୍ରଶ୍ନବାଣରେ ପାକିସ୍ତାନକୁ ଘେରିଗଲେ ଆମେରିକା, ଫ୍ରାନ୍ସ, ଋଷ ଓ ବ୍ରିଟେନ୍ ।

UNSC ବୈଠକ- ଭାରତ-ପାକିସ୍ତାନ ମଧ୍ୟରେ ଚାଲିଥିବା ଉତ୍ତେଜନାକୁ ନେଇ ୟୁଏନ୍ଏସରେ ରୁଦ୍ଧଦ୍ୱାର ବୈଠକ ବସିଛି । ବୈଠକରେ ପାକିସ୍ତାନକୁ କଡ଼ା ପ୍ରଶ୍ନ ପଚରାଯାଇଥିଲା । ୧୦ ଅସ୍ଥାୟୀ ଓ ୫ ସ୍ଥାୟୀ ସମେତ ୧୫ ୟୁଏନଏସସି ସଦସ୍ୟ ଉପସ୍ଥିତ ଥିଲେ । ପହଲଗାମ ଆତଙ୍କୀ ଆକ୍ରମଣରେ ଲସ୍କର-ଏ-ତୋଏବା ସାମିଲ ଥିଲା କି ବୋଲି ପାକିସ୍ତାନକୁ ପ୍ରଶ୍ନ କରାଯାଇଥିଲା । ସବୁଥର ପରି ପାକିସ୍ତାନ ଉପରେ ବର୍ଷିଥିଲେ ୟୁଏନଏସସି । ଅନ୍ତର୍ଜାତୀୟ ମଞ୍ଚରେ ପାକିସ୍ତାନରେ ମୁଥ୍ୟା ପ୍ରୋପାଗଣ୍ଡା କରିବାକୁ ପ୍ରୟାସ କରିଥିଲା । ମାତ୍ର ତାହା କାମ କଲାନାହିଁ ।

ଅଧିକ ପଢନ୍ତୁ...ଆତଙ୍କବାଦ ବିରୋଧୀ ଲଢେଇ : ଭାରତକୁ ଋଷ, ପାକ୍‌କୁ ଚୀନର ସମର୍ଥନ

୩ ପ୍ରଶ୍ନର ଉତ୍ତର ପାଇଲାନି ପାକିସ୍ତାନ- ୟୁଏନଏସସି ଶରଣରେ ପଶିବା ପାକିସ୍ତାନ ପାଇଁ ମହଙ୍ଗା ପଡିଛି । ବୈଠକରେ ବ୍ୟାକଫୁଟରେ ପଡିଥିଲା ପାକିସ୍ତାନ । ଚୀନ ବି ହାତ ଛାଡି ଦେଲା । ବିଶେଷ ସୁତ୍ରରୁ ମିଳିଥିବା ସୂଚନା ଅନୁସାରେ ବୈଠକରେ ପଚରା ଯାଇଥିଲା ୩ ପ୍ରଶ୍ନର ଉତ୍ତର ଦେଇ ପାରିନଥିଲା ପାକିସ୍ତାନ ।

୧. ଆତଙ୍କବାତୀ ଧର୍ମ ପଚାରି ଲୋକଙ୍କୁ କାହିଁକି ହତ୍ୟା କଲେ ?

୨. କଣ ପହଲଗାମ ଆତଙ୍କୀ ଆକ୍ରମଣରେ ଲସ୍କର-ଏ- ତୋଏବାର ହାତ ଅଛି କି  ? ଯଦି ଅଛି କଣ ଆକ୍ସନ ନିଆଯାଇଛି  ?

୩. ପାକିସ୍ତାନ ବାରମ୍ବାର କାହିଁକି ପରମାଣୁ ଆକ୍ରମଣ ଧମକ ଦେଉଛି ? ଏହାକୁ ନେଇ ଉତ୍ତେଜନା ଆହୁରି ବଢୁଛି ।