ନଆଦିଲ୍ଲୀ,୦୩/୦୩: ଭାରତର ୟୁନିଫାଏଡ୍ ପେମେଣ୍ଟ୍ସ ଇଣ୍ଟରଫେସ୍ (ୟୁପିଆଇ) ଖୁବ୍ ଶୀଘ୍ର କତାରରେ ଆରମ୍ଭ ହେବ। ଗତ ସପ୍ତାହରେ ଦୋହାରେ ଅନୁଷ୍ଠିତ ଏକ ୱେବ୍ ସମ୍ମିଳନୀ ସମୟରେ କତାରରେ ଭାରତର ରାଷ୍ଟ୍ରଦୂତ ବିପୁଲ ଏହି ସୂଚନା ଦେଇଥିଲେ। ଜୁଲାଇ ୨୦୨୪ ରେ କତାର ନ୍ୟାସନାଲ ବ୍ୟାଙ୍କ (କ୍ୟୁଏନ୍‌ବି) ର ପଏଣ୍ଟ-ଅଫ୍-ସେଲ୍ ସିଷ୍ଟମ ସହିତ ସଫଳ ସମନ୍ୱୟ ସହିତ ଦୁଇ ଦେଶ ମଧ୍ୟରେ ଡିଜିଟାଲ୍ କାରବାର ଏବେ ସମ୍ପୂର୍ଣ୍ଣ ପରିବର୍ତ୍ତନ ହେବାକୁ ଯାଉଛି।

ମନିକଣ୍ଟ୍ରୋଲକୁ ଦେଇଥିବା ଏକ ସାକ୍ଷାତକାରରେ ବିପୁଲ କହିଛନ୍ତି, "କତାରରେ ଖୁବ୍ ଶୀଘ୍ର ୟୁପିଆଇ କାରବାର ଆରମ୍ଭ ହେବ।" କତାର ନ୍ୟାସନାଲ୍ ବ୍ୟାଙ୍କ ସହିତ ସମନ୍ୱୟ, ପରୀକ୍ଷଣ ସରିଥିବା ବେଳେ ଏହାର ଶୁଭାରମ୍ଭ ମଧ୍ୟ ହୋଇଛି। ଏହା ଦୁଇ ଦେଶ ମଧ୍ୟରେ ଡିଜିଟାଲ ପେମେଣ୍ଟ ବୃଦ୍ଧି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।'' UPI କତାରରେ ରହୁଥିବା ବହୁ ସଂଖ୍ୟକ ଭାରତୀୟଙ୍କ ପାଇଁ ଆର୍ଥିକ କାରବାରକୁ ସହଜ କରିବ ଏବଂ ଫିନଟେକ୍ ସହଯୋଗକୁ ମଧ୍ୟ ଗଭିର କରିବ। ଆର୍ଥିକ ପ୍ରଯୁକ୍ତିବିଦ୍ୟା ବ୍ୟତୀତ, ଭାରତ ଏବଂ କତାର ଷ୍ଟାର୍ଟଅପ୍ ଏବଂ ଇନୋଭେସନ କ୍ଷେତ୍ରରେ ମଧ୍ୟ ସେମାନଙ୍କର ସହଭାଗୀତାକୁ ମଜବୁତ କରୁଛନ୍ତି।

ଭାରତର ଷ୍ଟାଟ୍‌ଅପ୍‌ ପାଇଁ ଉନ୍ନତ ଇକୋସିଷ୍ଟମ ରହିଛି:

ବିପୁଲ କହିଛନ୍ତି, “ଭାରତରେ ପ୍ରତିଭାର ଏକ ଭଣ୍ଡାର ଅଛି, ପ୍ରଯୁକ୍ତିବିଦ୍ୟା ଉପରେ ଧ୍ୟାନ ଦିଆଯାଉଛି, ଏବଂ ଦେଢ଼ ଲକ୍ଷରୁ ଅଧିକ ଷ୍ଟାର୍ଟଅପ୍ ସହିତ, ଏହାର ପରିସର ମଧ୍ୟ ବହୁତ ବଡ଼। କତାରରେ ଷ୍ଟାର୍ଟଅପ୍ ପାଇଁ ଆର୍ଥିକ ସହାୟତା ଏବଂ ଏକ ଉନ୍ନତ ଇକୋସିଷ୍ଟମ ରହିଛି। "ଭାରତୀୟ ଷ୍ଟାର୍ଟଅପ୍‌ଗୁଡ଼ିକ କତାରରେ ମିଳୁଥିବା ସୁବିଧା ସହିତ ସେମାନଙ୍କର ବ୍ୟବସାୟିକ ମଡେଲଗୁଡ଼ିକୁ ପୂରା କରିପାରିବେ।" ଦୁଇ ଦେଶ ସେମାନଙ୍କର ଆର୍ଥିକ ସମ୍ପର୍କକୁ ମଜବୁତ କରୁଛନ୍ତି, ଯାହା କତାର ଆମୀର ଶେଖ୍ ତାମିମ୍ ବିନ୍ ହମାଦ୍ ଅଲ୍ ଥାନିଙ୍କ ସମ୍ପ୍ରତି ଭାରତ ଗସ୍ତ ପରେ ଆହୁରି ମଜବୁତ ହୋଇଥିଲା। ଫେବୃଆରୀରେ ଆମୀରଙ୍କ ଦୁଇ ଦିନିଆ ଭାରତ ଗସ୍ତ ସମୟରେ, କତାର ବିଭିନ୍ନ କ୍ଷେତ୍ରରେ ୧୦ ବିଲିୟନ ଡଲାରର ନିବେଶ ପ୍ରତିଶ୍ରୁତି ଦେଇଥିଲା।

ଭାରତରେ ବୃଦ୍ଧି ପାଉଛି କତାରର ନିବେଶ ପରିସର:

ବିପୁଲ କହିଛନ୍ତି, "କତାର ଭାରତରେ ଖୁଚୁରା, ନବୀକରଣଯୋଗ୍ୟ ଶକ୍ତି, ଆଇଟି ଏବଂ ଶିକ୍ଷା ଭଳି କ୍ଷେତ୍ରରେ ଦେଢ଼ ବିଲିୟନ ଡଲାର ନିବେଶ କରିସାରିଛି।" ବର୍ତ୍ତମାନ ୧୦ ବିଲିୟନ ଡଲାରର ପ୍ରତିଶ୍ରୁତି ସହିତ, ଭିତ୍ତିଭୂମି, ଫିନଟେକ୍, ମହାକାଶ ଏବଂ ଅନ୍ୟାନ୍ୟ କ୍ଷେତ୍ରରେ ମଧ୍ୟ ନିବେଶର ପରିସର ବୃଦ୍ଧି ପାଇପାରିବ। ସୂଚନାଥାଉକି, ବର୍ତ୍ତମାନ କତାରରେ ଆଠ ଲକ୍ଷରୁ ଅଧିକ ଭାରତୀୟ ରହୁଛନ୍ତି। ସେ କହିଥିଲେ, “କତାର ଭାରତୀୟଙ୍କ ଅବଦାନକୁ ପ୍ରଶଂସା କରେ। ଆମେ ଆଆଇଟି, ଆଇଆଇଏସ୍‌ସି ଏବଂ କତାରର ପ୍ରଯୁକ୍ତିବିଦ୍ୟା ପ୍ରତିଷ୍ଠାନ ମଧ୍ୟରେ ସହଭାଗୀତା ଏବଂ ପ୍ରତିଭା ଆଦାନପ୍ରଦାନକୁ ପ୍ରୋତ୍ସାହିତ କରିବା ଉଚିତ।