ନୂଆଦିଲ୍ଲୀ,୨୬।୪: ଆମେରିକା ରାଷ୍ଟ୍ରପତି ଡୋନାଲ୍ହୋ ଟ୍ରମ୍ପ ଓ ୟୁକ୍ରେନ୍ ରାଷ୍ଟ୍ରପତି ଭୋଲ୍ଡିମିର ଜେଲେନସ୍କିଙ୍କ ମଧ୍ୟରେ ପୁଣି ସାକ୍ଷାତ। ତେବେ ଏହା କୌଣସି ରାଜନୈତିକ ସାକ୍ଷାତ ନଥିଲା। ଶୁକ୍ରବାର ଇଶାଇ ଧର୍ମଗୁରୁ ପୋପ୍ ଫ୍ରାସିସ୍ଙ୍କ ଅନ୍ତିମ ସଂସ୍କାରରେ ଦୁହେଁ ଯୋଗ ଦେଇଥିଲେ। ଏହି ସମୟରେ ଟ୍ରମ୍ପ-ଜେଲେନସ୍କିଙ୍କ ମଧ୍ୟ ଔପଚାରିକ ସାକ୍ଷାତ ହୋଇଥିଲା। ହ୍ବାଇଟ ହାଉସରେ ଦୁଇ ନେତାଙ୍କ ମଧ୍ୟରେ ଯୁକ୍ତିତର୍କ ପରେ ଏହା ପ୍ରଥମ ସାକ୍ଷାତ ଥିଲା। ହ୍ବାଇଟ ହାଉସ ଅଧିକାରୀଙ୍କ କହିବା ଅନୁସାରେ, ରୋମରେ ଟ୍ରମ୍ପ-ଜେଲେନସ୍କିଙ୍କ ସାକ୍ଷାତ ହୋଇଥିଲା। ଜେଲେନସ୍କିଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ସେଣ୍ଟ ପିଟର ବୋସାଲିକାରେ ପ୍ରାୟ ୧୫ ମିନିଟ୍ ପର୍ଯ୍ୟନ୍ତ ଦୁହିଁଙ୍କର ଆଲୋଚନା ହୋଇଥିଲା। ଏହି ସମୟରେ ଦୁଇ ନେତା ଆଉ ଏକ ବୈଠକ କରିବା ନେଇ ସହମତି ପ୍ରକାଶ କରିଛନ୍ତି। ଏଥିପାଇଁ ସବୁ ପ୍ରକାର ପ୍ରସ୍ତୁତି ଚାଲିଛି।
ଜେଲେନସ୍କିଙ୍କ ଚିଫ୍ ଅଫ୍ ଷ୍ଟାଫ୍ ଆଣ୍ଡ୍ରେ ୟେରମାକ୍, ସୋସିଆଲ ମିଡିଆରେ ଏହାକୁ ଏକ ‘ରଚନାତ୍ମକ’ ବୈଠକ କହିଛନ୍ତି। ଜେଲେନସ୍କିଙ୍କ କାର୍ଯ୍ୟାଳୟ ରୋମାନ ବୈଠକର କିଛି ଫଟୋ ଜାରି କରିଛି। ଫଟୋରେ, ଆମେରିକୀୟ ଏବଂ ୟୁକ୍ରେନୀୟ ଏକ ବଡ଼ ମାର୍ବଲ ହଲରେ ପରସ୍ପରର ସାମନାରେ ବସିଥିବାର ଦେଖିବାକୁ ମିଳୁଛି। ଦୁଇ ନେତାଙ୍କ ମଧ୍ୟରେ ପ୍ରାୟ ଦୁଇ ଫୁଟ ଦୂରତା ଅଛି, କିନ୍ତୁ ସେମାନେ ପରସ୍ପର ଆଡ଼କୁ ଝୁଙ୍କି ଆଲୋଚନା କରୁଛନ୍ତି।
ୟୁକ୍ରେନୀୟ ରାଷ୍ଟ୍ରପତି ଜେଲେନ୍ସକିଙ୍କ କାର୍ଯ୍ୟାଳୟର ଜଣେ ମୁଖପାତ୍ରଙ୍କ ଅନୁଯାୟୀ, ଦୁଇ ନେତା ଶନିବାର ପରେ ଆଉ ଏକ ବୈଠକ କରିବାକୁ ନିଷ୍ପତ୍ତି ନେଇଛନ୍ତି। ସେମାନଙ୍କର ଦଳ ଏହାକୁ ଆୟୋଜନ କରିବା ପାଇଁ କାମ କରୁଛନ୍ତି। ଏହି ବୈଠକ ଏପରି ଏକ ସମୟରେ ହେଉଛି ଯେତେବେଳେ ୟୁକ୍ରେନ ଏବଂ ରୁଷ ମଧ୍ୟରେ ବିବାଦର ଅନ୍ତ ପାଇଁ ଆଲୋଚନା ଚାଲିଛି। ଏହି ବୈଠକକୁ ବହୁତ ଗୁରୁତ୍ୱପୂର୍ଣ୍ଣ ବୋଲି ମନେକରା କରାଯାଉଛି।
ଫେବୃଆରୀରେ ୱାଶିଂଟନର ଓଭାଲ ଅଫିସରେ ହୋଇଥିବା ବିତର୍କ ପରେ ଏହି ବୈଠକ ସେମାନଙ୍କର ପ୍ରଥମ ବୈଠକ ଥିଲା। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହି ଆଲୋଚନା ରୁଷ-ୟୁକ୍ରେନ ବିବାଦର ଅନ୍ତ ଘଟାଇବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହୋଇପାରେ। ରୋମରେ ଅନୁଷ୍ଠିତ ଏହି ବୈଠକ ଦୁଇ ଦେଶ ମଧ୍ୟରେ ସହଯୋଗ ଏବଂ ବିବାଦର ଶାନ୍ତିପୂର୍ଣ୍ଣ ସମାଧାନ ଦିଗରେ ଗୁରୁତ୍ୱପୂର୍ଣ୍ଣ ପ୍ରମାଣିତ ହୋଇପାରେ। ଏହାକୁ ଅନ୍ତର୍ଜାତୀୟ ରାଜନୀତି ପାଇଁ ଏକ ସକାରାତ୍ମକ ସଙ୍କେତ ଭାବରେ ମଧ୍ୟ ଦେଖାଯାଉଛି।
