ପ୍ରମୂଖ ଖବର
  • ଅମୃତସର ବାସିନ୍ଦାଙ୍କୁ ଘରେ ରହିବାକୁ ନିର୍ଦ୍ଦେଶ, ଝରକା ଠାରୁ ଦୂରରେ ଏବଂ ଲାଇଟ୍ ବନ୍ଦ ରଖିବାକୁ ନିର୍ଦ୍ଦେଶାବଳୀ ଜାରି
  • ||
  • ଭାରତୀୟ ସେନାକୁ ସଫଳତା , ଧରାପଡିଲା ପାକିସ୍ତାନୀ ପାଇଲଟ୍
  • ||
  • ସମୀକ୍ଷା କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, CDS ଏବଂ ୩ ସେନା ମୁଖ୍ୟଙ୍କ ସହ ଯୁଦ୍ଧ ସ୍ଥିତି ନେଇ କରିବେ ଆଲୋଚନା
  • ||
  • ଭାରତ-ପାକ୍ ଯୁଦ୍ଧ ନେଇ ସସପେନ୍ସ: ଆଇପିଏଲ୍‌ ଆୟୋଜନ ଉପରେ ହୋଇପାରେ ବଡ଼ ନିଷ୍ପତ୍ତି
  • ||
  • ବାଲେଶ୍ବର ଚାନ୍ଦିପୁର କ୍ଷେପଣାସ୍ତ୍ର ଘାଟିରେ ବଢ଼ିଲା ସୁରକ୍ଷା, ଅପରାହ୍ନ ୨ଟାରେ ବସିବ ଗୁରୁତ୍ୱପୂର୍ଣ୍ଣ ବୈଠକ
  • ||
  • ପାକିସ୍ତାନ ଉପରେ ଆକ୍ରମଣକୁ ନେଇ ବିସ୍ତୃତ ତଥ୍ୟ ଦେବ ବୈଦେଶିକ ମନ୍ତ୍ରଣାଳୟ,ସକାଳ ୯ଟାରେ ପ୍ରେସ ମିଟ୍
  • ||
  • ରାଜ୍ୟରେ ଆହୁରି ବଢ଼ିବ ଗରମ ପ୍ରକୋପ, ୧୦ରୁ ୧୪ ପ୍ରଚଣ୍ଡ ତାତି,ପଶ୍ଚିମରେ ହିଟ୍‌ୱେଭ୍‌, ଉପକୂଳରେ ଗୁଳୁଗୁଳି ଆଶଙ୍କା
  • ||

‘ ଏହି ଘଟଣାକୁ କେବେ ଭୁଲି ପାରିବି ନାହିଁ ’ ; ବିଦ୍ୟା ବାଲନ କହିଲେ ନିଜ ଜୀବନର ଏକ ଅଭୁଲା କଥା

Published By : Prameya | March 16, 2025 4:59 PM

ମୁମ୍ୱାଇ : ବିଦ୍ୟା ବାଲନ ବଲିଉଡ୍‌ଙ୍କୁ ଗୋଟିଏ ପରେ ଗୋଟିଏ ଆଇକନିକ୍‌ ଫିଲ୍ମ ଦେଇଛନ୍ତି। ‘କହାନୀ’ , ‘ଦ ଡର୍ଟି ଫିକ୍ଚର’ ଓ ‘ଇଶ୍କିୟା’ ଭଳି ଫିଲ୍ମ ସହ ସେ ପ୍ରତିଥର ନିଜର ଆକ୍ଟିଂ ଦକ୍ଷତାକୁ ପ୍ରତିପାଦିତ କରିଛନ୍ତି। ଅଭିନେତ୍ରୀ ୧୭ ବର୍ଷ ପରେ ଯେବେ ‘ ଭୂଲ ଭୁଲୈୟା-୩ ’ରେ ପୁଣି ଥରେ ମଞ୍ଜୁଲିକାର ଚରିତ୍ରରେ ଫେରି ଥିଲେ, ସମସ୍ତେ ଆଶ୍ଚର୍ଯ୍ୟ ହୋଇ ଯାଇ ଥିଲେ। ବିଦ୍ୟା ବାଲନ ଆଜି ଆକ୍ଟିଂର ଦୁନିଆରେ ଏକ ଜଣାଶୁଣା ନାଁ , କିନ୍ତୁ ବଲିଉଡ୍‌ରେ ତାଙ୍କର ଯାତ୍ରା ସହଜ ହୋଇ ନାହିଁ। ବିଦ୍ୟା ବାଲନଙ୍କୁ ଗୋଟେ ସମୟରେ ଇଣ୍ଡଷ୍ଟ୍ରୀରେ ବ୍ୟାଡ୍‌ ଲକ୍‌  ଜଣାଯାଉ ଥିଲା ଏବଂ ତାଙ୍କୁ ଫିଲ୍ମରୁ ଅନେକ ଥର ରିପ୍ଲେସ୍‌ କରାଯାଇଛି। ସାଇନ୍‌ କରାଯିବା ପରେ ମଧ୍ୟ ମେକର୍ସ ତାଙ୍କର ରୋଲ୍‌ ଅନ୍ୟ ଅଭିନେତ୍ରୀଙ୍କୁ ଦେଇ ଦେଉଥିଲେ।

ବିଦ୍ୟା ବାଲନ ଗଲାତା ଇଣ୍ଡିଆ ସହ କଥାବାର୍ତ୍ତା ବେଳେ କହିଛନ୍ତି ଯେ , ସେ କିଛି ଦିନ ଯାଏ ଏକ ତାମିଲ ଫିଲ୍ମର ସୁଟିଂ କରିଥିଲେ ,ଏବଂ ତାଙ୍କୁ ରିପ୍ଲେସ୍‌ କରିଦିଆ ଯାଇଥିଲା । ସେ ଫିଲ୍ମମେକରଙ୍କୁ କଲ୍ କଲେ ଏବଂ କହିଲେ କି ସେ ତାଙ୍କୁ ଭେଟିବାକୁ ଚାହାନ୍ତି। ଅଭିନେତ୍ରୀ କହିଛନ୍ତି ଯେ ସେ ନିଜର ମାତାପିତାଙ୍କ ସହ ଚେନ୍ନାଇରେ ପହଞ୍ଚିଲେ। ଅଭିନେତ୍ରୀ କହିଥିଲେ କି ଯେବେ ସେ ଏହି ଫିଲ୍ମ ମେକରଙ୍କ ଅଫିସରେ ବସି ଥିଲେ , ସେତେବେଳେ ତାଙ୍କର ମାତାପିତାଙ୍କ ସାମ୍ନାରେ ଫିଲ୍ମମେକର ତାଙ୍କୁ ସେହି ଫୁଟେଜ୍‌ ଦେଖାଇଲେ ଯାହା ବିଦ୍ୟାଙ୍କ ସହ ରେକର୍ଡ କରାଯାଇ ଥିଲା। ସେ ଅଭିନେତ୍ରୀଙ୍କ ମାତା ପିତାଙ୍କୁ କହିଲେ – କେଉଁଆଡୁ ହିରୋଇନ ଲାଗୁଛନ୍ତି , ତାଙ୍କୁ ଏହା ବି ଜଣାନାହିଁ ଆକ୍ଟିଂ କେମିତି କରାଯାଏ, ତାଙ୍କୁ ଜଣା ନାହିଁ ଡ୍ୟାନ୍ସ କେମିତି କରି ହୁଏ। 

ବିଦ୍ୟା ବାଲନ କହିଛନ୍ତି , ଏହି ଘଟଣା ପରେ ସେ ମାସ ମାସ ଯାଏ ଆଇନାରେ ନିଜ ମୁହଁ ଦେଖିପାରି ନଥିଲେ। ତାଙ୍କୁ ମନେହେଲା ଯେ , ସେ ବହୁତ ଅସୁନ୍ଦର । ଅଭିନେତ୍ରୀ କହିଛନ୍ତି , କାହାକୁ କାହାକୁ ରିପ୍ଲେସ୍‌ କରିବା ବା ପୁଣି ରୋଲ୍‌ରୁ ହଟେଇ ଦେବା ପୂରା ଅଧିକାର ଅଛି। କିନ୍ତୁ ନିଜ ଶବ୍ଦ ସହ ବହୁତ କେୟାରଫୁଲ ରହିବା ଉଚିତ୍‌, କାରଣ ଆପଣଙ୍କ ଶବ୍ଦରେ କାହାକୁ ଶକ୍ତି ଦେବା ବା ତାଙ୍କୁ ଭାଙ୍ଗି ଦେବାର କ୍ଷମତା ଥାଏ । ବିଦ୍ୟା କହିଛନ୍ତି କି ସେ ଏହି ଘଟଣାକୁ କେବେ ଭୁଲି ପାରିବେ ନାହିଁ। କାରଣ ଏହା ସେହି ଶିକ୍ଷା ଥିଲା ଯାହା ତାଙ୍କୁ ଶିଖାଇଲା କି ଲୋକଙ୍କ ସହ ନମ୍ର ହେବା କେତେ ଜରୁରୀ । 

ବିଦ୍ୟାଙ୍କୁ ଏହା କଥା ଜଣାଗଲା , କାରଣ ତାଙ୍କ ନିଜର ସାହସ ଓ ଆତ୍ମସମ୍ମାନ ଶେଷ ହୋଇ ଯାଇ ଥିଲା। ବିଦ୍ୟା ବାଲନଙ୍କ ୱାର୍କ ଫ୍ରଣ୍ଟର କଥା ଯଦି କହିବା ତ ସେ ପୁଣି ଥରେ ପରଦାକୁ ଫେରିବାର ପ୍ରସ୍ତୁତିରେ। ବିଦ୍ୟା ବାଲନ କହିଛନ୍ତି କି କେମିତି ପେଣ୍ଡେମିକ୍ ପରେ ୱିମେନ୍‌ ସେଣ୍ଟ୍ରିକ୍‌ ଫିଲ୍ମ କରିବା ବହୁତ ଚ୍ୟାଲେଞ୍ଜକର ହୋଇ ଯାଇଛ।    

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.