ସମ୍ବଲପୁର, ୦୬/୧୨ : ଭିଜିଲାନ୍ସ ଜାଲରେ ଏସିଏଫ୍। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ରେଡ୍। ହୀରାକୁଦ ବନ୍ୟପ୍ରାଣୀ ଡିଭିଜନର ଏସିଏଫ୍ ରେବତୀ ରମଣ ଯୋଶୀଙ୍କ ଘରେ ଭିଜିଲାନ୍ସ ଚଢାଉ କରିଛି। ସମ୍ବଲପୁର ଏବଂ ବରଗଡ଼ର ୯ଟି ସ୍ଥାନରେ ରେଡ୍ କରାଯାଉଛି।
ସୂଚନାନୁଯାୟୀ, ଏହି ଚଢାଉରେ ୩ ଜଣ ଡିଏସପି, ୧୦ ଜଣ ଇନ୍ସପେକ୍ଟର ଏବଂ ଅନ୍ୟ ଅଧିକାରୀମାନେ ସାମିଲ ଅଛନ୍ତି। ଏସିଏଫ୍ଙ୍କ ସମ୍ଵଲପୁର ଡିଅର୍ ପାର୍କ ସ୍ଥିତ ସରକାରୀ ବାସଭବନ, କାର୍ଯ୍ୟାଳୟ, ଅଁଇଠାପାଲି ସ୍ଥିତ ୩ ମହଲା କୋଠା, ଚର୍ଚ୍ଚ ଛକ ସ୍ଥିତ ବ୍ରିଜଧାମ ହାଉସିଂ ସୋସାଇଟିର ୨ଟି ଫ୍ଲାଟ୍, ଫାର୍ମ ରୋଡ୍ରେ ଥିବା ସିଟି ପ୍ରାଇଡ୍ ଆପାର୍ଟମେଣ୍ଟର ଗୋଟିଏ ଫ୍ଲାଟ୍, ପଲ୍ଲିପାଲିରେ ଥିବା କୋଠା, ବରଗଡ଼ ପଦ୍ମପୁରରେ ଥିବା କୋଠା ଏବଂ ବିଜେପୁର ସ୍ଥିତ ପୈତୃକ ଘରେ ରେଡ୍ ଚାଲିଛି।
