ରାଇରଙ୍ଗପୁର,୦୫/୧୦: ନକଲି ବିଦେଶୀ ମଦ କାରଖାନାରେ ଅବକାରୀ ବିଭାଗର ଅଚାନକ ଚଢାଉ । ହିଞ୍ଜିଳି ଗ୍ରାମ ନିକଟରୁ ବିପୁଳ ପରିମାଣର ନକଲି ବିଦେଶୀ ମଦ, ଠିପି ,ଲେବୁଲ ସହିତ ଏହି କାର୍ଯ୍ୟରେ ବ୍ୟବହୃତ ବୋଲେରୋ ଗାଡ଼ି ଜବତ ହୋଇଛି । ଏହି ଘଟଣାରେ ଜଣେ ଅଭିଯୁକ୍ତ ଗିରଫ ହୋଇଥିବାବେଳେ ମୟୂରଭଞ୍ଜ ଜିଲ୍ଲା ବିଶୋଇ ଥାନା ହିଞ୍ଜିଳି ଗ୍ରାମ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ହିଞ୍ଜଳି ଗ୍ରାମ ନିକଟରେ ନକଲି ବିଦେଶୀ ମଦ, ଠିପି ,ଲେବୁଲ ଅତ୍ୟାଦି ତିଆରି ହେଉଥିବା ନେଇ ପୂର୍ବରୁ ଖବର ପାଇଥିଲା ଅବକାରୀ ବିଭାଗ । ଖବର ପାଇ ଅଚାନକ ଉକ୍ତ ସ୍ଥାନରେ ଚଢାଉ କରିଥିଲା । ସେଠାରେ ନକଲି ବିଦେଶୀ ମଦ, ଠିପି ,ଲେବୁଲ ତିଆରି ପ୍ରସ୍ତୁତ କରାଯାଉଥିବାର ଦେଖିଥିଲା । ଉକ୍ତ ସ୍ଥାନରେ ଚଢାଉ କରି ସମସ୍ତ ନକଲି ଦ୍ରବ୍ୟ ଜବତ କରିବା ସହ ଏକ ବୋଲେରୋ ଗାଡ଼ି ମଧ୍ୟ ଜବତ କରିଛି ଅବକାରୀ ବିଭାଗ । ଘଟଣାରେ ସମ୍ପୃକ୍ତ ଜଣେ ବ୍ୟକ୍ତିଙ୍କୁ ଗିରଫ କରି ଘଟଣାର ତଦନ୍ତ ଚଳାଇଛି ଟିମ୍ ।
