ନୂଆଦିଲ୍ଲୀ – ନୂଆ ଫ୍ୟାଶନ ଲୋକପ୍ରିୟ ସାଜିଛି ଜେନ-ଜିଙ୍କ ମଧ୍ୟରେ , ସେମାନେ ନିଜ କପଡ଼ା ଆଇରନ ବା ଇସ୍ତ୍ରୀ କରିବାକୁ ଭଲ ପାଆନ୍ତି ନାହିଁ। ସେମାନେ ଜିନ୍ସ ଓ ଟି-ସାର୍ଟକୁ ଫୋଲ୍ଡ କରି ପିନ୍ଧି ବାହାରକୁ ଯାଆନ୍ତି। ଏହା ତାଙ୍କର ଫ୍ୟାଶନ , କିନ୍ତୁ କିଛି ଲୋକ ବିନା ଆଇରନ ବା ଇସ୍ତ୍ରୀରେ ପୋଷାକ ପିନ୍ଧନ୍ତି ନାହିଁ। ଯଦି ସେମାନେ ଘର ବାହାରକୁ କି ଅଫିସକୁ ଯାଇଥାନ୍ତି ତ ଇସ୍ତ୍ରୀ କରା ଡ୍ରେସ୍ ପିନ୍ଧି ଯାଆନ୍ତି। ବୋଧହୁଏ ଆଜିକା ଦିନରେ କୌଣସି ଘର ଏମିତି ନାହିଁ , ଯେଉଁଠି ଇସ୍ତ୍ରୀ ନଥିବ। ପ୍ରଥମେ ଭାରତରେ କୋଇଲାର ଇସ୍ତ୍ରୀ ଚାଲୁଥିଲା। ଏବେ ଇଲେକ୍ଟ୍ରିକ୍ ପ୍ରେସ୍ ଆସି ସାରିଛି।
ପୋଷାକରୁ ଭାଙ୍ଗ ବା ଫୋଲ୍ଡ ହଟେଇବା କାମ ହଜାର ହଜାର ବର୍ଷର ପୁରୁଣା ଏବଂ ଖୁବ୍ ହୃଦୟସ୍ପର୍ଶୀ ମଧ୍ୟ। ଉଲ୍ଲେଖନୀୟ ଯେ, କପଡ଼ାରୁ ଫୋଲ୍ଡ ହଟେଇବା ଏବଂ ଏହାକୁ ଉପଯୁକ୍ତ ଆଇରନିଂ କରିବାର କାମ ଖ୍ରୀଷ୍ଟପୂର୍ବରୁ ହୋଇ ଆସୁଛି। ଏହା ବିଶ୍ୱାସ କରାଯାଏ ଯେ, ପ୍ରାଚୀନ ଗ୍ରୀସରେ ଗରମ ଆଇରନ ସିଲିଣ୍ଡରକୁ ବୁଲାଇ ଅନେକ ପ୍ଲେଟ୍ ପୋଷାକ ଉପରେ କରାଯାଏ। ପ୍ରାଚୀନ ଚୀନ୍ରେ ଲୋକେ ପୋଷାକକୁ ନରମ କରିବା ପାଇଁ ଗରମ କୋଇଲାକୁ ଧାତୁର ପ୍ଲେଟ୍ରେ ବ୍ୟବହାର କରୁଥିଲେ।
ଭାରତରେ ମଧ୍ୟ ଇସ୍ତ୍ରୀର ବ୍ୟବହାର କାହାଣୀ ଖୁବ୍ ହୃଦୟସ୍ପର୍ଶୀ। ବ୍ରିଟିଶ ଶାସନ ପୂର୍ବରୁ ଭାରତରେ ପୋଷାକକୁ ଫୋଲ୍ଡ ହଟେଇବା ପାଇଁ ନିଜସ୍ୱ ଉପାୟ ଥିଲା। ଯାହା ସ୍ଥାନୀୟ ସାଧନ ଉପରେ ଆଧାରିତ ଥିଲା। କେରଳରେ ପାରମ୍ପରିକ ଭାବେ ଇସ୍ତ୍ରୀ କରିବା ପାଇଁ ଜଳନ୍ତା ନଡ଼ିଆ ଖୋଳର ବ୍ୟବହାର କରାଯାଉ ଥିଲା। ଏହି ଉପାୟ କୋଇଲାରେ ପୂର୍ଣ୍ଣ ବାକ୍ସ ଭଳି କାମ କରୁଥିଲା। ଆଜି ମଧ୍ୟ କେବେ କେବେ ବିଦ୍ୟୁତ୍ ନଥିଲେ ଏହାକୁ ବ୍ୟାକଅପ୍ ଭାବେ ବ୍ୟବହାର କରାଯାଏ।
ଆଧୁନିକ ଇସ୍ତ୍ରୀ ଇଂରାଜୀମାନେ ଭାରତକୁ ଆଣି ଥିଲେ। ଏକ ରିପୋର୍ଟ ମୁତାବିକ , ଇଂରେଜ ଇସ୍ତ୍ରୀକୁ ନେଇ ବହୁତ ଦୃଢ ଥିଲେ। ତାଙ୍କୁ ଷ୍ଟାର୍ଚ ଅର୍ଥାତ୍ ପୋଷାକକୁ ଦୃଢ କରୁଥିବା ଲେପ ବହୁତ ପସନ୍ଦ ଥିଲା। ତାଙ୍କର ପୋଷାକକୁ ଦୁଇ ତିନି ଥର ପ୍ରେସ୍ କରାଯାଉ ଥିଲା।
ଭାରତରେ ଇସ୍ତ୍ରୀର ଇତିହାସ ସହ ଯୋଡ଼ି ହୋଇଥିବା ରୋଚକ କଥା ଏହାର ନାମ। ଇସ୍ତ୍ରୀ ଶବ୍ଦ ମୂଳରୂପେ ଭାରତୀୟ ନୁହେଁ। ଏହା ପର୍ତ୍ତୃଗାଲୀ ଭାଷାର ଶବ୍ଦ ଏଷ୍ଟିକରରୁ ତିଆରି,ଯାହାର ଅର୍ଥ ପୁଲ୍ କିମ୍ୱା ଷ୍ଟ୍ରେଚ୍ । କୁହାଯାଏ ପର୍ତ୍ତୃଗାଲ ବ୍ୟବସାୟୀମାନେ ଭାରତକୁ ଏହି ଉପକରଣ ନିଜ ସହ ନେଇ ଆସିଥିଲେ।
ଏବେ ନୂଆ ଟ୍ରେଣ୍ଡ ଗାରମେଣ୍ଟ ଷ୍ଟିମରର । ପୋଷାକକୁ ହ୍ୟାଙ୍ଗରରେ ଟାଙ୍ଗି ଦିଆଯାଏ, ମେସିନରୁ ନିର୍ଗତ ବାଷ୍ପ ଦ୍ୱାରା କୁଞ୍ଚ ବା ଫୋଲ୍ଡ ହଟି ଯାଏ। ଆଉ ଇସ୍ତ୍ରୀ ବୋର୍ଡର ଆବଶ୍ୟକ ପଡ଼େନାହିଁ। ଆଧୁନିକ ଇସ୍ତ୍ରୀରେ ନୂଆ ଟକ୍ନୋଲଜି ଅଟୋ ସଟ୍ ଅଫ୍ ଇସ୍ତ୍ରୀ। ଯଦି ଇସ୍ତ୍ରୀ କିଛି ସମୟ ଯାଏ ବ୍ୟବହୃତ ହୁଏ ନାହିଁ ତ ଏହା ଆପେ ଆପେ ବନ୍ଦ ହୋଇଯାଏ। ଏଥିରେ ନିଆଁ ଲାଗିବାର ବିପଦ ହ୍ରାସ ପାଏ।
