ନୂଆଦିଲ୍ଲୀ – ଜଣେ ପାକିସ୍ତାନୀ ସାଂସଦ ତାଙ୍କ ଦେଶର ନେତୃତ୍ୱଙ୍କର କପଟତାକୁ ପ୍ରକାଶ କରି ଦେଇଛନ୍ତି। ସେ ଇସଲାମାବାଦର କାବୁଲ ବିରୁଦ୍ଧରେ ସାମରିକ କାର୍ଯ୍ୟାନୁଷ୍ଠାନ ଏବଂ ଭାରତର ଅପରେସନ ସିନ୍ଦୁର ମଧ୍ୟରେ ସମାନତା ଦର୍ଶାଇବା ପରି ମନେ ହୋଇଛି। ଜମିଆତ ଉଲେମା-ଏ-ଇସଲାମ-ଏଫ୍ (ଜେୟୁଆଇ-ଏଫ୍) ମୁଖ୍ୟ ମୌଲାନା ଫଜଲୁର ରେହମାନ କହିଛନ୍ତି , ଯଦି ପାକିସ୍ତାନର ସୀମା ପାର ଆକ୍ରମଣ ଯଥାର୍ଥ ମନେକରାଯାଏ , ତେବେ ଦେଶ ନିକଟରେ ଭାରତ ନିକଟରେ ଭାରତ ପକ୍ଷରୁ ପାକିସ୍ତାନୀ ଅଞ୍ଚଳରେ ଆତଙ୍କବାଦୀଙ୍କୁ ନିପାତ କରିବା ଉପରେ ଅଭିଯୋଗ କରିବାର କୌଣସି ଆଧାର ନାହିଁ। ଜେୟୁଆଇ-ଏଫ୍ ମୁଖ୍ୟଙ୍କ ବିବୃତ୍ତିରେ ଅପରେସନ ସିନ୍ଦୁରକୁ ଉଲ୍ଲେଖ କରାଯାଇ ଥିଲା।
ଫଜଲୁର ରେହମାନ କରାଚୀର ଲ୍ୟାରିରେ ସୋମବାର ମଜଲିସ-ଏ-ଇତ୍ତେହାଦ-ଏ-ଉମ୍ମତ ସମ୍ମିଳନୀରେ ଉଦବୋଧନ ଦେଉଥିଲେ । ଏହି ଅଞ୍ଚଳ ନିକଟରେ ରଣବୀର ସିଂହଙ୍କ ଅଭିନୀତ ଫିଲ୍ମ ‘ଧୁରନ୍ଧର’ ସହ ଜଡିତ ଥିବାରୁ ଚର୍ଚ୍ଚାରେ ରହିଛି, ଯେଉଁଥିରେ ଲ୍ୟାରୀ ଅଣ୍ଡରୱାର୍ଲ୍ଡରେ ସୂଚନାଦାତା ଏବଂ କାର୍ଯ୍ୟକର୍ତ୍ତାଙ୍କ କାର୍ଯ୍ୟକଳାପକୁ ଦର୍ଶା ଯାଇଛି। ରେହମାନ କହିଛନ୍ତି - ଯଦି ଆପଣ କହୁଛନ୍ତି ଯେ , ଆମେ ଆଫଗାନିସ୍ତାନରେ ଆମର ଶତ୍ରୁ ଉପରେ ଆକ୍ରମଣ କରିଛୁ ଏବଂ ଏହାକୁ ଯଥାର୍ଥ ବୋଲି ପ୍ରମାଣିତ କରିଛୁ, ତେବେ ଭାରତ ମଧ୍ କହିପାରିବ ଯେ,ସେ ବହାବଲପୁର ଓ ମୁରିଦକେରେ କାଶ୍ମୀର ଠାରେ ଆକ୍ରମଣ ପାଇଁ ଦାୟୀ ଗୋଷ୍ଠୀଗୁଡ଼ିକର ମୁଖ୍ୟାଳୟ ଗୁଡ଼ିକୁ ଟାର୍ଗେଟ କରିଥିଲା। ଆପଣ ଉଭୟ ସ୍ଥିତିକୁ କିପରି ଯଥାର୍ଥ କହି ପାରିବେ ?
୭ ମେ’ ରେ, ଭାରତୀୟ ସଶସ୍ତ୍ର ବାହିନୀ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (ପିଓକେ)ରେ ନଅଟି ଆତଙ୍କବାଦୀ ସ୍ଥଳୀ ଉପରେ ମିସାଇଲ ଆକ୍ରମଣ କରିଥିଲା। ଏଥିରେ ଜୈଶ-ଏ-ମହମ୍ମଦର ଗଡ଼ ବହାବଲପୁର ଓ ଲସ୍କର-ଏ-ତୈୟବାର ଏକ ଆଡ୍ଡାସ୍ଥଳୀ ମୁରିଦକେ ଅନ୍ତର୍ଭୁକ୍ତ ଥିଲା । ଏହି ମିଶନକୁ ଅପରେସନ୍ ସିନ୍ଦୂର ନାମ ଦିଆଯାଇ ଥିଲା,ଯାହା ୨୨ ଅପ୍ରେଲ ଆକ୍ରମଣର ବିଧବା ପତ୍ନୀଙ୍କ ପ୍ରତିଶୋଧ ନେବା ପାଇଁ ଥିଲା। ଲସ୍କର-ଏ-ତୈୟବାର ଏକ ଶାଖା ସହ ଜଡ଼ିତ ଆତଙ୍କବାଦୀମାନେ ୨୬ ଜଣ ସାଧାରଣ ନାଗରିକଙ୍କୁ ନିର୍ମମ ଭାବରେ ହତ୍ୟା କରିଥିଲେ। ଅପରେସନ୍ ସିନ୍ଦୂର ସମୟରେ, ପାକିସ୍ତାନୀ ସେନା ଡ୍ରୋନ୍ ଏବଂ ଅସ୍ତ୍ରଶସ୍ତ୍ର ସହିତ ଅନେକ ଭାରତୀୟ ସହରକୁ ଟାର୍ଗେଟ କରିବାକୁ ଚେଷ୍ଟା କରିଥିଲା, କିନ୍ତୁ ଭାରତୀୟ ସେନା ସେମାନଙ୍କୁ ପ୍ରତିହତ କରିଥିଲା ।
