ଜହ୍ନ।ପଙ୍କ, ୨୭/୫: ମନରେଗା ଯୋଜନାରେ ଅନିୟମିତତା ଅଭିଯୋଗ । ମେସିନରେ କାମ କରି ଶ୍ରମିକଙ୍କ ଗୋଟିଏ ନାଁରେ ଟଙ୍କା ହଡପ କରିବାକୁ ଯୋଜନା କରାଯାଇଛି। ଖାଲି ଏତିକି ନୁହେଁ ସୂଚନାଫଳକ ଟାପି ଦେଇ ସୂଚନା ଲୁଚେଇବାକୁ ଚାଲିଛି ପ୍ରୟାସ। ଶ୍ରମିକ ବଦଳରେ ଦିନ ରାତି ମେସିନ ଲଗାଇ ନିର୍ମାଣ କାମ ଚାଲିଛି । ବାସ୍ତବରେ ମୁଲ ଲାଗି ଗୁଜୁରାଣ ମେଣ୍ଟାଇଥିବା ଶ୍ରମିକଙ୍କୁ କାମ ନଦେଇ ଜାଗଜପତ୍ରରେ କିଛି ଶ୍ରମିକଙ୍କୁ ଢାଲ କରି ବିଭାଗୀୟ ଅଧିକାରୀ ନିଜ ପକେଟ ଗରମ କରୁଥିବା ଅଭିଯୋଗ ହୋଇଛି । ବୌଦ୍ଧ ବ୍ଲକ ତ।ଳସରଡ଼ା ପଞ୍ଚାୟତ ଅନ୍ତର୍ଗତ ସ୍ଥାନୀୟ ଗ୍ରାମରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ମନରେଗା) ରେ ଏଭଳି ଦୁର୍ନୀତି ଅଭିଯୋଗ ସାମ୍ନାରୁ ଆସିଛି ।
ସୂଚନା ଅନୁସାରେ, ତାଳସରଡ଼ା ଗ୍ରାମରେ ଗ୍ରଡାମୁଣ୍ଡା ବନ୍ଧ ଉନ୍ନତିକରଣ ପାଇଁ ମନରେଗା ଯୋଜନାରୁ ଏକ ପୋଖରୀ ଖୋଳାଯାଇଛି । ଉକ୍ତ ପୋଖରୀର ସମସ୍ତ ମାଟି ପୋଖରୀ ହିଡ଼ରେ ନପକାଇ ନିକଟସ୍ଥ ରାସ୍ତା ଉପରେ ପକାଯିବା ସହିତ ମାଟିକୁ ଟ୍ରିପ ୨୦୦ ଟଙ୍କାରେ ବିକ୍ରି କରା ଯାଇଛି । ଉକ୍ତ ପୋଖରୀ ଓ ରାସ୍ତା ମନରେଗା ଯୋଜନାରୁ ନିର୍ମାଣ ହୋଇଥିବା ଦର୍ଶାଇ ଲକ୍ଷ ଲକ୍ଷ ଟଙ୍କା ଆତ୍ମସାତ କରିବା ପଇଁ ବିଭାଗୀୟ ଯନ୍ତ୍ରୀ ଓ ଅସାଧୁ କର୍ମଚାରୀ ଏକ ସୁନ୍ଦର ଯୋଜନା ରଚିଥିବା ଜଣାପଡୁଛି । ପ୍ରାୟ ସପ୍ତାହେରୁ ଅଧିକ ଦିନ ହେଲା ଜେସିବି ଏବଂ ଟ୍ରାକ୍ଟର ଲଗାଇ କାମ ଚାଲିଥିବା ବେଳେ ବିଭାଗୀୟ ଅଧିକାରୀଙ୍କ ଭୂମିକା ସନ୍ଦେହ ଜନକ ରହିଛି । କେବଳ ଏତିକି ନୁହେଁ, ପ୍ରକଳ୍ପର ଅଧାରୁ ଅଧିକ ନିର୍ମାଣ କାର୍ଯ୍ୟ ସରିଥିଲେ ମଧ୍ୟ କାଳେ ସାମ୍ବାଦିକଙ୍କ ଆଗରେ ଧରାପଡ଼ିଯିବ ଭାବି ସୂଚନାଫଳକକୁ ମାଟି ପୋତିଦେଇଥିବା ଦେଖାଯାଇଛି । ଅନ୍ୟପଟେ ଭକ୍ତ ପ୍ରଳଳ୍ପ ପାଇଁ କାର୍ଯ୍ୟାଦେଶ ବାହାରିଥିଲେ ମଧ୍ୟ ଜଣେ ହେଲେ ଶ୍ରମିକଙ୍କ ନାଁରେ ମଷ୍ଟର୍ ରେଲ୍ ବାହାର କର।ନଯାଇ ଯେଉଁମାନେ ଶ୍ରମିକ ଶ୍ରେଣୀର ନୁହନ୍ତି କିଭଳି ତାଙ୍କ ନାମ ଏଣ୍ଟ୍ରି କରାଯାଇଛି ତାହାକୁ ନେଇ ପ୍ରଶ୍ନ ଉଠୁଛି ।
ଶ୍ରମିକଙ୍କୁ କର୍ମ ନିଯୁକ୍ତି ଯୋଗ।ଇ ଦେବା ପାଇଁ ସରକାର ମନରେଗା ଯୋଜନା କାର୍ଯ୍ୟକରୁଥିବା ବେଳେ ବିଭାଗୀୟ ଯନ୍ତ୍ରୀ ଓ ଏଡିଇଓଙ୍କ ବେପରୁଆ ମନୋଭାବ ଯୋଗୁଁ ଯୋଜନା ବାଟବଣା ହେଇଥିବା ଦେଖାଯାଇଛି । ଏନେଇ ପିଇଓ ସୌଦାମିନୀ ନାଏକଙ୍କୁ ପଚାରିବାରୁ ଏ କାମ ସମ୍ପର୍କରେ ମୁଁ ଜାଣିନାହିଁ ଏଡିଇଓଙ୍କୁ ପାଚାରନ୍ତୁ ବୋଲି କହିଥିଲେ। ଏଡିଇଓ ସ୍ୱରଜିତ ମହାପାତ୍ରଙ୍କୁ ପଚାରିବାରୁ ଯଦି ମେସିନରେ ହୋଇଛି ତ୍ୱରିତ ପଦକ୍ଷେପ ନିଆଯିବ ବୋଲି କହିଥିଲେ । ତେବେ ସ୍ଥାନୀୟ ଅଞ୍ଚଳରେ ଜିଲାପାଳ ଓ ଭିଜିଲାନ୍ସ ଏହାର ତଦନ୍ତ କରିବାକୁ ଦାବି ହେଉଛି ।
