ମାର୍ଶାଘାଇ ,୧।୫ ; ବେଆଇନ ମାଟି ଉଠାଇବାକୁ ନେଇ କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ବଡ଼କୂଳ ଗାଁରେ ଜଣେ ଯୁବକକୁ ମରଣାନ୍ତକ ଆକ୍ରମଣ। ଆହତ ଯୁଵକ ବଡ଼କୂଳ ଗାଁର ରାଜା ଲେଙ୍କା । ସ୍ଥାନୀୟ ଗାଁର ଆଉ ଜଣେ ଯୁବକ ଛୁରୀରେ ଆକ୍ରମଣ କରି ଫେରାର୍ ହୋଇଯାଇଛି ।
ଘଟଣା ଅନୁଯାୟୀ ଲୁଣା ନଦୀ ବନ୍ଧ କାମ ଚାଲୁଥିବା ବେଳେ ଆକ୍ରମଣକାରୀ ଯୁବକକୁ ବିରୋଧ କରି ରାଜା ସେହି କାମ ପାଇଁ ମାଟି ଯୋଗାଉଥିଲା । ଏନେଇ ଦୁଇଜଣଙ୍କ ମଧ୍ୟରେ ଶତ୍ରୁତା ଥିଲା । ରାଜା ବଡ଼କୂଳ ଗାଁର ମାଉଣ୍ଟ ନିକଟରେ ନିଜ ସ୍କୁଟି ଉପରେ ବସି ଗୁରୁବାର ମୋବାଇଲ ଦେଖୁଥିଲା। ଏହି ସମୟରେ ନିକଟସ୍ଥ ଗାଁର ଆଉ ଦୁଇ ଜଣ ଯୁବକ ବାଇକ୍ ରେ ଆସି ତାଙ୍କ ପାଖରେ ପହଞ୍ଚିଥିଲା। ଜଣେ ଯୁବକ ହଠାତ ଏକ ଧାରୁଆ ଛୁରୀରେ ରାଜାକୁ ଆକ୍ରମଣ କରିଥିଲା । ରାଜା ଖସି ପଳେଇବା ପାଇଁ ଚେଷ୍ଟା କରିଥିଲା। ସେହି ଯୁବକ ତାଙ୍କୁ ଗୋଡାଇ ଗୋଡାଇ ଏକ ପାଚେରୀ ନିକଟରେ ତାଙ୍କ ବେକକୁ କାଟି ମାରିଦେବାକୁ ଉଦ୍ୟମ କରିଥିଲେ । ସ୍ଥାନୀୟ ଲୋକମାନେ ଦୌଡି ଆସିବାରୁ ସଂପୃକ୍ତ ଯୁବକ ସାଙ୍ଗରେ ଆସିଥିବା ଅନ୍ୟ ଜଣେ ଯୁବକ ସହିତ ଏକ ପଲସର ଗାଡିରେ ଫେରାର୍ ହୋଇଯାଇଥିଲେ । ସ୍ଥାନୀୟ ଲୋକମାନେ ରାଜାଙ୍କୁ ୧୦୮ ଆମ୍ବୁଲାନ୍ସ ଯୋଗେଁ ପ୍ରଥମେ କେନ୍ଦ୍ରାପଡା ଜିଲ୍ଲା ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ । ଅବସ୍ଥା ଗୁରୁତର ଥିବାରୁ ଡାକ୍ତର ତାଙ୍କୁ କଟକ ସ୍ଥାନାନ୍ତର କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
