ସାଲେପୁର, ୨୨/୦୮ : ଏକତରଫା ପ୍ରେମ କରି ବିଫଳ ହେବାରୁ ରକ୍ତମୁଖା ପାଲଟିଲା ପ୍ରେମିକ। କଲେଜ ଛାତ୍ରୀଙ୍କ ଚୁଟି ଘୋଷାଡ଼ି ମାଡ଼ ମାରିବା ସହ ମୁଣ୍ଡରେ ଇଟା ଛେଚି ଦେଲା ଯୁବକ। କଟକ ଜଗତପୁର ଥାନା ଅଞ୍ଚଳରେ ଏଭଳି ଏକ ଚାଞ୍ଚଲ୍ୟକର ଘଟଣା ଘଟିଛି। ଛାତ୍ରୀଙ୍କ ବାପା ଏନେଇ ଜଗତପୁର ଥାନାରେ ଅଭିଯୋଗ କରିଛନ୍ତି।
ସୂଚନାନୁଯାୟୀ, କଟକ ଜଗତପୁର ଥାନା ଅଞ୍ଚଳର ଜଣେ କଲେଜ ଛାତ୍ରୀଙ୍କୁ ମଳୟ ସାମଲ ନାମକ ଜଣେ ଯୁବକ ପ୍ରେମ ନିବେଦନ କରିଥିଲା। ଛାତ୍ରୀଙ୍କ ମୋବାଇଲ୍ ନଂ ସଂଗ୍ରହ କରି ତାଙ୍କୁ ବାରମ୍ବାର ଫୋନ୍ କରୁଥିଲା। ହେଲେ ଛାତ୍ରୀ ଏହାକୁ ପ୍ରତ୍ୟାଖାନ କରିଥିଲେ। ଶେଷରେ ପ୍ରେମରେ ବିଫଳ ହେବାରୁ ଯୁବକ ଜଣଙ୍କ ରକ୍ତମୁଖା ପାଲଟିଥିଲା। ଛାତ୍ରୀ ଜଣଙ୍କ କଲେଜରେ ସାଙ୍ଗମାନଙ୍କ ସହ ଯାଉଥିବା ବେଳେ ମଳୟ ତାଙ୍କ ଚୁଟି ଘୋଷାଡ଼ି ମାଡ଼ ମାରିବା ସହ ମୁଣ୍ଡରେ ଇଟା ଛେଚି ଦେଇଥିଲା। ଏନେଇ ଛାତ୍ରୀଙ୍କ ବାପା ଜଗତପୁର ଥାନାରେ ଅଭିଯୋଗ କରିଛନ୍ତି। ଛାତ୍ରୀଙ୍କ ମୁଣ୍ଡ, ବେକ, ଓ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ହୋଇଛି।
