କଣିହାଁ,୦୧/୦୬(ଜ୍ୟୋତିରଞ୍ଜନ ଧର): ଅନୁଗୁଳ ଜିଲ୍ଲା କଣିହାଁ ଥାନା ମସୁଣିହତା ଗ୍ରାମରେ ଯୁବକଙ୍କୁ ଗଳା କାଟି ହତ୍ୟା କରାଯାଇଛି । ମୃତକ ହେଲେ ମସୁଣିହତା ଗ୍ରାମର ବାବାଜୀ ନାଏକ(୨୫) ଏବଂ ହତ୍ୟାକାରୀ କଣିହାଁ କାକୁଡ଼ିଆ ଗ୍ରାମର ବିଭୂତି ନାଏକ(୩୫) ବୋଲି ଜଣାପଡ଼ିଛି ।
ସୂଚନା ମୁତାବକ, କାକୁଡ଼ିଆ ଗ୍ରାମର ବିଭୂତି ନାଏକର ସ୍ତ୍ରୀକୁ ସାତ ମାସ ତଳେ ବାବାଜୀ ନାଏକ ପ୍ରେମ ବିବାହ କରିଥିଲେ । ସେହି ଦିନଠାରୁ ବାବାଜୀଙ୍କୁ ହତ୍ୟା କରିବା ନେଇ ଧମକ ଦେଇ ଆସୁଥିଲା ବିଭୂତି । ତେବେ ଶନିବାର ବିଳମ୍ୱିତ ରାତି ପ୍ରାୟ ୨ଟା ବେଳେ ଘର ବାରଣ୍ଡାରେ ବାବାଜୀ ଶୋଇଥିଲେ । ତାଙ୍କୁ ଶୋଇଥିବାର ଦେଖି ବିଭୂତି ଏକ ଧାରୁଆ ଅସ୍ତ୍ରରେ ତାଙ୍କ ଗଳା କାଟି ଦେଇଥିଲା । ଘଟଣା ସମ୍ପର୍କରେ ଜାଣିବା ପରେ ଶନିବାର ବିଳମ୍ବିତ ରାତିରେ ପୁଲିସ ଘଟଣାସ୍ଥଳକୁ ଯାଇ ତଦନ୍ତ କରିଥିଲା। କଣିହାଁ ପୁଲିସ ଘଟଣାସ୍ଥଳରେ ପହଞ୍ଚି ଅନୁସନ୍ଧାନ ଚଳାଇଥିବାବେଳେ ରବିବାର ସକାଳୁ ଅଭିଯୁକ୍ତକୁ କାକୁଡ଼ିଆ ଗାଁରୁ ଗିରଫ କରିଛି । ଅଭିଯୁକ୍ତକୁ ଜେରା କରି ଘଟଣାର ତଦନ୍ତ ଚଳାଇଛି ପୁଲିସ।
