ନୂଆଦିଲ୍ଲୀ: ଗତକାଲି ଅର୍ଥାତ ମଙ୍ଗଳବାର ଦିନ ଆମେରିକୀୟ ରାଷ୍ଟ୍ରପତି ଡୋନାଲ୍ଡଟ୍ରମ୍ପ ପୁଟିନଙ୍କ ସହ କଥାବାର୍ତ୍ତା ହବା ୨୪ ଘଣ୍ଟା ନପୁରୁଣୁ ଏନେଇ ଆଜି ଆଉ ଏକ ବଡ ଖବର ଶୁଣିବାକୁ ମିଳିଛି। ବୁଧବାର ୟୁକ୍ରେନ ରାଷ୍ଟ୍ରପତି ଜେଲେନ୍ସି ଆଜି ଫୋନ ଯୋଗେ ଟ୍ରମ୍ପଙ୍କ ସହ କଥା ହୋଇଥିବା ଜଣାପଡିଛି। ହ୍ୱାଇଟ ହାଉସର ଡେପୁଟି ଚିଫ୍ ଅଫ ଷ୍ଟାଫ ଡାନ ଷ୍କାଭିନୋ ଏନେଇ ଟୁଇଟ କରିଛନ୍ତି। ଓଭାଲ ହାଉସରେ, ଡୋନାଲ୍ଡ ଟ୍ରମ୍ପ ଜେଲେନ୍ସିଙ୍କ ସହ ଫୋନ ଯୋଗେ କଥାବର୍ତ୍ତା ହୋଇଛନ୍ତି ବୋଲି ଏହି ଟୁଇଟରେ ଉଲ୍ଲେଖ ଥିବା ଜଣାପଡିଛି।
ଏହା ସହ ହ୍ୱାଇଟ ହାଉସର ମୁଖପାତ୍ର ସେର୍ଗି ନିକିଫୋରଭ ଏକ ସାମ୍ୱାଦିକ ସମ୍ମିଳନିରେ ଯୋଗଦେଇ କହିଛନ୍ତି ଯେ ୟୁକ୍ରେନର ରାଷ୍ଟ୍ରପତି ଟ୍ରମ୍ଫଙ୍କ ସହ ଦୀର୍ଘ ସମୟ ଧରି ଫୋନରେ କଥା ହୋଇଥିବା ସମ୍ପର୍କରେ ସୂଚନା ପ୍ରଦାନ କରିଛନ୍ତି। ତେବେ ମଙ୍ଗଳବାର ହୋଇଥିବା କଥାବାର୍ତ୍ତାରେ ଋଷିଆର ରାଷ୍ଟ୍ରପତି ପୁଟିନ ୟୁକ୍ରେନର ଶକ୍ତି କେନ୍ଦ୍ର ଗୁଡିକ ଉପରେ ଅସ୍ଥାୟି ରୁପେ ଆକ୍ରମଣ ବନ୍ଦ କରିବାକୁ ରାଜି ହୋଇଛନ୍ତି। କିନ୍ତୁ ୩୦ ଦିନିଆ ଅସ୍ତ୍ରବିରତି ନିୟମକୁ ସେ ମାନିବାକୁ ପ୍ରସ୍ତୁତ ନାହାନ୍ତି ବୋଲି ସିଧାସଳଖ ଶୁଣାଇଦେଇଛନ୍ତି ବୋଲି ଜଣାପଡିଛି। ତେବେ ଏହା ଶାନ୍ତି ବୁଝାମଣା ଆଡକୁ ଉଭୟ ଦେଶକୁ ଆଉ ଏକ ପାଦ ଆଗକୁ ନେଇଯିବ ବୋଲି ଟ୍ରମ୍ପ ସୂଚନା ପ୍ରଦାନ କରିଛନ୍ତି।
ତେବେ ସୀମିତ ସମୟ ପାଇଁ ଅସ୍ତ୍ରବିରତି ଗ୍ରହଣ କରିବାକୁ ଋଷିଆ ରାଜି ଅଛି ବୋଲି ଘୋଷଣା କରିବାର କିଛି ସମୟ ପରେ ଉଭୟ ମସ୍କୋ ଓ କିଭ୍ ପରସ୍ପର ଉପରେ ଆକ୍ରମଣ କରିଛନ୍ତି। ବୁଧବାର ହୋଇଥିବା ଏହି ଏୟାରଷ୍ଟ୍ରାଇକ ଆକ୍ରମଣରେ ଉଭୟ ଦେଶର ଭିତ୍ତିଭୂମି କ୍ଷତିଗ୍ରସ୍ତ ହୋଇଥିବା ଜଣାପଡିଛି।
ହ୍ୱାଇଟ୍ ହାଉସ୍ ଜାତୀୟ ସୁରକ୍ଷା ପରାମର୍ଶଦାତା ମାଇକ୍ ୱାଲ୍ଟ୍ଜ ସୋସିଆଲ ମିଡିଆରେ ଏକ ବଡ ଘୋଷଣା କରିଛନ୍ତି। ଆଗକୁ ହେବାକୁ ଥିବା ଯୁଦ୍ଧବିରତିକୁ କାର୍ଯ୍ୟକାରୀ କରିବା ଏବଂ ସମ୍ଭାବ୍ୟ ଦିଗ ବିଷୟରେ ଆଲୋଚନା କରିବା ପାଇଁ ଆମେରିକା ଏବଂ ରୁଷିଆ ବୈଷୟିକ ଦଳ ଖୁବ୍ ଶୀଘ୍ର ସାଉଦି ଆରବର ରିୟାଦରେ ବୈଠକ କରିବେ। ଅନ୍ୟପଟେ ଋଷ ୟୁକ୍ରେନ ଉପରେ ରାତିସାରା ପ୍ରବଳ ଡ୍ରୋନ ଆକ୍ରମଣ ପରେ, ଜେଲେନସ୍କି ବୁଧବାର ଏହାକୁ ନେଇ ପ୍ରତିକ୍ରିୟା ଦେଇଛନ୍ତି। ଟ୍ରମ୍ଫଙ୍କ ପୁଟିନଙ୍କ ଶକ୍ତି ଭିତ୍ତିଭୂମିକୁ ଟାର୍ଗେଟ ନକରିବାରୁ ନିବୃତ୍ତ ରହିବାର ପ୍ରତିଶ୍ରୁତି ଦେଇଥିଲେ ହେଁ ଏହା "ବାସ୍ତବତାଠୁ ବହୁତ ବିପରୀତ" ଥିଲା ବୋଲି ଅଭିଯୋଗ ଆଣିଛନ୍ତି।
ତେବେ ଋଷ ଏହି ଅଭିଯୋଗକୁ ଖଣ୍ଡନ କରିବା ସହ ଏହାକୁ ଭିତ୍ତିହିନ ବୋଲି କହିଛି। କିଭ୍ ନିଜ ଆଢୁ ପ୍ରାଥମିକ ସ୍ତରରେ ଆକ୍ରମଣ କରିଥିଲା। ଯାହାର ଜବାବରେ ଆମ ସୌନ୍ୟ କୌଣସି ଆକ୍ସନ ନେଇଥିବେ ବୋଲି କ୍ରେମଲିନର ପ୍ରବକ୍ତା ଦିମିତ୍ରି ପେସକୋଭ ଘୋଷଣା କରିଛନ୍ତି।
