ନୂଆଦିଲ୍ଲୀ,୨।୫: ହାସନ ଲୋକସଭା ଆସନରୁ ବିଜେପି ଏବଂ ଜନତା ଦଳ ସେକୁଲାର ମେଣ୍ଟ ପ୍ରାର୍ଥୀ ପ୍ରଜ୍ଜ୍ୱଳ ରେଭନ୍ନାଙ୍କୁ ନେଇ ବୈଦେଶିକ ମନ୍ତ୍ରଣାଳୟ ଦେଇଛି ବଡ ଅପଡେଟ୍। ସେ କହିଛନ୍ତି, ଜର୍ମାନୀ ଯିବା ପାଇଁ ପ୍ରଜ୍ଜଳ ରେଭେନ୍ନା ବୈଦେଶିକ ମନ୍ତ୍ରଣାଳୟରୁ ’କୌଣସି ରାଜନୈତିକ ମଞ୍ଜୁରୀ’ ମାଗିନଥିଲେ କିମ୍ବା ବୈଦେଶିକ ମନ୍ତ୍ରଣାଳୟ ପକ୍ଷରୁ ଏଭଳି କୌଣସି ମଞ୍ଜୁରୀ ଦିଆଯାଇଥିଲା।

ପ୍ରଜ୍ଜ୍ୱଳ ରେଭନ୍ନା ବିଦେଶ ଯାତ୍ରାକୁ ନେଇ ବୈଦେଶିକ ମନ୍ତ୍ରଣାଳୟ କହିଛନ୍ତି, ସାଂସଦଙ୍କ ଜର୍ମାନୀ ଯାତ୍ରା ସମ୍ପର୍କରେ ଆମକୁ କୌଣସି ରାଜନୈତିକ ମଞ୍ଜୁରୀ ନା ସେ ମାଗିଛନ୍ତି କିମ୍ବା ଆମେ ତାଙ୍କୁ ଦେଇଛୁ। ରାଜନେତା ପାସପୋର୍ଟଧାରୀଙ୍କୁ ଜର୍ମାନୀ ଯାତ୍ରା ପାଇଁ କୌଣସି ଭିସାର ଆବଶ୍ୟକତା ନଥାଏ।’ ଏହା ପୂର୍ବରୁ କର୍ଣ୍ଣାଟକର ମୁଖ୍ୟମନ୍ତ୍ରୀ ସିଦ୍ଧରମୈୟା ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖି ତାଙ୍କୁ ତୁରନ୍ତ ହସ୍ତକ୍ଷେପ କରିବାକୁ କହିଥିଲେ ଓ ବୈଦେଶିକ ଏବଂ ଗୃହମନ୍ତ୍ରଣାଳୟରୁ ସାଂସଦଙ୍କ ରାଜନୈତିକ ପାସପୋର୍ଟ ରଦ୍ଦ କରିବା ପାଇଁ ତୁରନ୍ତ ପଦକ୍ଷେପ ଉଠାଇବାକୁ କହିଛନ୍ତି।

ଉଲ୍ଲେଖନୀୟ ‌ଯେ, ପ୍ରଜ୍ଜ୍ୱଳ ରେଭନ୍ନା ହେଉଛନ୍ତି ପୂର୍ବତନ ପ୍ରଧାନମନ୍ତ୍ରୀ ଏଚ୍‌ଡି ଦେବେଗୌଡାଙ୍କ ନାତି। ତାଙ୍କ ଦାଦା ହେଉଛନ୍ତି ଏଚ୍‌ଡି କୁମାରସ୍ବାମୀ, ଯିଏକି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ରହିସାରିଛନ୍ତି। ତାଙ୍କ ବାପା ହେଉଛନ୍ତି ଏଚ୍‌ଡି ରେଭନ୍ନା,ସେ ମଧ୍ୟ ଜେଡିଏସ୍‌ରୁ ବିଧାୟକ ଅଛନ୍ତି। ଏବେ ପ୍ରଜ୍ଜ୍ୱଳ  ବର୍ତ୍ତମାନ ହାସନରୁ ସାଂସଦ ଅଛନ୍ତି। ହାସନରୁ ମତଦାନ ହେବାର ତୁରନ୍ତ ପରେ ବିଦେଶ ଯାଇଥିବା ରେଭନ୍ନା ଏହି ମାମଲାର ତଦନ୍ତ କରୁଥିବା ସ୍ବତନ୍ତ୍ର ତଦନ୍ତକାରୀ ଟିମ୍(ଏସଆଇଟି) ନିକଟରେ ଉପସ୍ଥିତ ହେବା ପାଇଁ ୭ ଦିନର ସମୟ ମାଗିଥିଲେ। ପ୍ରଜ୍ଜ୍ୱଳ ରେଭନ୍ନାଙ୍କ ବିରୋଧରେ ମହିଳାଙ୍କୁ ଯୌନ ଶୋଷଣ ଅଭିଯୋଗ ରହିଛି।   ଯୌନ ଶୋଷଣ କରିବା ସହ ସେ  ମହିଳାଙ୍କୁ ତାଙ୍କର ଅଶ୍ଲୀଳ ଭିଡିଓ ଏବଂ ଫଟୋ ଭାଇରାଲ କରିବାର ଧମକ ଦେଉଥିଲେ। ପ୍ରାୟ ୩୦୦୦ ରୁ ଅଧିକ ଅଶ୍ଲୀଳ ଭିଡିଓ ଏବଂ ଫଟୋ ଭାଇରାଲ ହେବାପରେ କର୍ଣ୍ଣାଟକ ପୋଲିସ ଏହି ମାମଲାର ତଦନ୍ତ ପାଇଁ ଏସଆଇଟି ଗଠନ କରିଛି। ଏଭଳି କୁହାଯାଉଛି ଯେ, ୩୩ ବର୍ଷୀୟ ସାଂସଦ ଏବେ ଜର୍ମାନୀରେ ଅଛନ୍ତି। ସେ ୨୬ ଏପ୍ରିଲରେ ଭାରତ ଛାଡି ଦେଇଥିଲେ।