ନୂଆଦିଲ୍ଲୀ – ଦିଲ୍ଲୀ କ୍ୟାପିଟାଲ୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଆଇପିଏଲ ୨୦୨୪ର ୩୫ତମ ମୁକାବିଲା ଖେଳା ଯାଉଛି। ସନରାଇଜର୍ସ ହାଇଦ୍ରାବାଦ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ ୱିକେଟ୍ ହରାଇ ୨୬୬ ରନ୍ କରିଛି। ବିପକ୍ଷ ଦଳକୁ ୨୬୭ରନ୍ର ଟାର୍ଗେଟ୍ ଦେଇଛି।
ଆଇପିଏଲ ୨୦୨୪ରେ ୩ୟ ଥର ସନରାଇଜର୍ସ ହାଇଦ୍ରାବାଦ ୨୫୦ରୁ ଅଧିକ ସ୍କୋର କରିଛି। ଚଳିତ ସିଜନରେ ହାଇଦ୍ରାବାଦର ଟିମ୍ ଆଇପିଏଲର ଇତିହାସର ସବୁଠୁ ବଡ଼ ସ୍କୋର ( ୨୮୭/୩) ମଧ୍ୟ କରି ପାରିଛି। ଦିଲ୍ଲୀ କ୍ୟାପିଟାଲ୍ସ ବିରୋଧରେ ମଧ୍ୟ ସନରାଇଜର୍ସ ହାଇଦ୍ରାବାଦର ଓପନର ବ୍ୟାଟ୍ସମ୍ୟାନ ଧମାକାଦାର ଆରମ୍ଭ ଦେଇ ଥିଲେ। ଟ୍ରେଭିସ ହେଡ୍ ଓ ଅଭିଷେକ ଶର୍ମାଙ୍କ ମଧ୍ୟରେ ପ୍ରଥମ ୱିକେଟ୍ ପାଇଁ ୧୩୧ ରନ୍ର ପାର୍ଟନରସିପ୍ ହୋଇଛି। ଟ୍ରେଭିସ ହେଡ୍ ୮୯ ରନ୍ କରିଥିବା ବେଳେ ଶାହବାଦ ଅହମ୍ମଦ ଅପରାଜିତ ଭାବେ ୫୯ ରନ୍ର ପାଳି ଖେଳିଛନ୍ତି।
ସନରାଇଜର୍ସ ହାଇଦ୍ରାବାଦର ଆରମ୍ଭ ଖୁବ୍ ଦ୍ରୁତ ଭାବେ ରହିଥିଲା। ୫ ଓଭରରେ ସେ ୧୦୦ରୁ ଅଧିକ କରିଥିଲେ। ଆଇପିଏଲର ଇତିହାସରେ ଓଭର ହିସାବରେ ଏହା ସବୁଠୁ ଦ୍ରୁତ ଟିମ୍ ଶତକ ହୋଇପାରିଛି। ଟ୍ରେଭିସ ହେଡ୍ କେବଳ ୧୬ ଟି ବଲରେ ଫିଫ୍ଟି ପୂରା କରିଥିଲେ।
ଦିଲ୍ଲୀ କ୍ୟାପିଟାଲ୍ସର ପ୍ଲେଇଂ -୧୧ : ଡେଭିଡ୍ ୱାର୍ନର, ଜେକ ଫ୍ରେଜର-ମ୍ୟାକଗର୍କ , ଅଭିଷେକ ପୋରେଲ ,ଋଷଭ ପନ୍ତ ( ୱିକେଟ୍ କିପର / ଅଧିନାୟକ) , ଟ୍ରିଷ୍ଟନ ଷ୍ଟବ୍ସ, ଅକ୍ଷର ପଟେଲ, ଲଳିତ ଯାଦବ , କୁଳଦୀପ ଯାଦବ , ଏନରିକ ନାର୍କିଆ , ଖଲିଲ ଅହମ୍ମଦ , ମୁକେଶ କୁମାର
ସନରାଇଜର୍ସ ହାଇଦ୍ରାବାଦ ପ୍ଲେଇଂ -୧୧ : ଅଭିଷେକ ଶର୍ମା , ଟ୍ରେଭିସ ହେଡ୍ , ଏଡେନ ମାର୍କରନ, ହେନରିକ କ୍ଲାସେନ (ୱିକେଟ କିପର) , ଅବଦୁଲ ସମଦ , ନୀତୀଶ ରେଡ୍ଡି , ଶାହବାଜ ଅହମ୍ମଦ , ପ୍ୟାଟ୍ କମିନ୍ସ (ଅଧିନାୟକ) ଭୁବନେଶ୍ୱର କୁମାର , ମୟଙ୍କ ମାର୍କଣ୍ଡେ , ଟି ନଟରାଜନ।