ବେଙ୍ଗାଲୁରୁ – ସ୍ୱଦେଶୀ ତେଜସ ଏମକେ ୧ଏ ବିମାନ ସଂସ୍କରଣର ପ୍ରଥମ ବିମାନ ଏଲ ଏ ୫୦୩୩ ଗୁରୁବାର ବେଙ୍ଗାଲୁରୁର ଏଚଏଏଲ ଫେସିଲିଟିରୁ ସଫଳତାପୂର୍ବକ ଉଡ଼ାଣ ଭରିଛି। ଭୌଗୋଳିକ-ରାଜନୀତିକ କାରଣରୁ ବିଶ୍ୱସ୍ତରୀୟ ସପ୍ଲାଇ ସଂସ୍କରଣରେ ଚ୍ୟାଲେଞ୍ଜର ସାମନା କରିବା ସତ୍ତ୍ୱେ , ଏଚଏଏଲ ବିମାନର ଡିଜାଇନ ଓ ବିକାଶ ସହ ଏହାକୁ ହାସଲ କରିବାରେ ସଫଳ ହୋଇଛି। ଭାରତର ଏହି ପଦକ୍ଷେପରେ ଶତ୍ରୁ ଦେଶର ଛାତି ଥରହର ହେବାକୁ ଯାଉଛି। ତେଜସ ଭଳି ହାଲକା ଲଢୁଆ ବିମାନର ଲଗାତାର ଟେଷ୍ଟିଂ ଓ ଏହାକୁ ସେନାରେ ସାମିଲ କରାଯିବାରେ ଦେଶର ସୁରକ୍ଷାରେ ଅପୂର୍ବ ବୃଦ୍ଧି ଘଟିବ।
ଏଚଏଏଲର ସିଏମଡି ସିବି ଅନନ୍ତକୃଷ୍ଣନ ସବୁ ଚ୍ୟାଲେଞ୍ଜ ଗୁଡ଼ିକୁ ନଜରରେ ରଖି ଏହି ଉପଲବ୍ଧିର ମହତ୍ତ୍ୱ ଉପରେ ଜୋର ଦେଇଛନ୍ତି। ସେ କହିଛନ୍ତି , ଏଚଏଏଲ ଫେବ୍ରୁଆରୀ ୨୦୨୧ରେ ଏଗ୍ରିମେଣ୍ଟ ଉପରେ ହସ୍ତାକ୍ଷର ପରେ ବୈଶ୍ୱିକ ଭୌଗୋଳିକ-ରାଜନୀତିକ ମାହୋଲରେ, ପ୍ରମୁଖ ସପ୍ଲାଇ ସଂସ୍କରଣ ଚ୍ୟାଲେଞ୍ଜ ଗୁଡ଼ିକ ମଧ୍ୟରେ ସମବର୍ତ୍ତି ଡିଜାଇନ ଓ ବିକାଶ ସହ ଏହି ମହତ୍ତ୍ୱପୂର୍ଣ୍ଣ ଉତ୍ପାଦନର ଏକ ମହତ୍ତ୍ୱପୂର୍ଣ୍ଣ ସଫଳତା ହାସଲ କରିଛି।
ଉଲ୍ଲେଖନୀୟ ଯେ, ଏହି ୧୮ ମିନିଟ୍ର ଉଡ଼ାଣର ସଞ୍ଚାଳନ ମୁଖ୍ୟ ପରୀକ୍ଷଣ ପାଇଲଟ , ଗ୍ରୁପ୍ କ୍ୟାପଟେନ କେକେ ଭେଣୁଗୋପାଳ (ସେବାନିବୃତ୍ତ) କରିଛନ୍ତି। ଏଚଏଏଲ ତେଜସ ଏମକେ ୧ ଏ କାର୍ଯ୍ୟକ୍ରମର ସଫଳତାରେ ଯୋଗଦାନ ପାଇଁ ପ୍ରତିରକ୍ଷା ମନ୍ତ୍ରଣାଳୟ , ଭାରତୀୟ ବାୟୁ ସେନା , ଡିଆରଡିଓ / ଏଡିଏ, ସିଇଏମଆଇଏଲଏସି, ଡିଜିଏକ୍ୟୁଏ ଓ ଏମଏସଏମଇଙ୍କ ସହ ବିଭିନ୍ନ ହିତଧାରକଙ୍କ ପ୍ରତି କୃତଜ୍ଞତା ବ୍ୟକ୍ତି କରାଯାଇଛି । କୁହାଯାଉଛି , ତେଜସ ଏମକେ ୧ଏରେ ଉନ୍ନତ ଇଲେକ୍ଟ୍ରନିକ ରାଡାର ,ଯୁଦ୍ଧକଳା , ସଞ୍ଚାର ପ୍ରଣାଳୀ , ଅତିରିକ୍ତ ଲଢୁଆ କ୍ଷମତା ଓ ଭଲ ରକ୍ଷଣାବେକ୍ଷଣ ସୁବିଧା ହେବ, ଯେଉଁଥିରେ ଏହାର ସମଗ୍ର ପ୍ରଦର୍ଶନ ଓ ପ୍ରଭାବଶୀଳତାରେ ବୃଦ୍ଧି ହେବ।