ନୂଆଦିଲ୍ଲୀ,୦୫/୧୧: ଖୁବ ଶୀଘ୍ର ଓଡିଶାରେ ଆରମ୍ଭ ହେବାକୁ ଯାଉଛି ହକି ଇଣ୍ଡିଆ ଲିଗ୍ । ଏ ନେଇ ଆଜି ଏଚଆଇଏଲ ତାର ଅଫିସିଆଲ ୱେବସାଇଟ୍ ଓ ମ୍ୟାଚ ସୂଚୀ ଜାରି କରିଛି । ୨୦୨୪-୨୦୨୫ ସିଜନକୁ ନେଇ ହକି ପ୍ରେମୀଙ୍କ ମଧ୍ୟରେ ନାହିଁ ନଥିବା ଉତ୍ସାହ ଦେଖିବାକୁ ମିଳିଛି । ଡିସେମ୍ବର ୨୮ ତାରିଖରୁ ଓଡିଶା ରାଉରକେଲା ବିର୍ସାମୁଣ୍ଡା ହକି ଷ୍ଟାଡିୟମରେ ଆରମ୍ଭ ହେବ ହକି ଇଣ୍ଡିଆ ଲିଗ୍ ।

ପ୍ରଥମ ମ୍ୟାଚ ଦିଲ୍ଲୀ ଏସଜି ପିପର ଓ ଗୋନାସିକା ମଧ୍ୟରେ ଖେଳାଯିବ । ନୂଆ କରି ଲଞ୍ଚ ହୋଇଥିହବା ହିଲ ୱେବସାଇଟ ହେଉଛି ହକିଇଣ୍ଡିଆଲିଗ.କମ (hockeyindialeague.com) । ଏହା ସାଇଟରୁ ହକି ପ୍ରେମୀ ମ୍ୟାଚ ବିଷୟରେ ସମସ୍ତ ତଥ୍ୟ ଜାଣିପାରିବେ । ଡିସେମ୍ବର ୨୮ରୁ ଜାନୁୟାରୀ ୧୮ ତାରିଖ ଯାଏ ପ୍ରଥମ ପର୍ଯ୍ୟାୟରେ ରାଉରକେଲା ବିର୍ସାମୁଣ୍ଡା ହକି ଷ୍ଟାଡିୟମରେ ମ୍ୟାଚ ଖେଳାଯିବ । ଏଠାରେ ସମସ୍ତ ୮ଟି ଦଳ ପରସ୍ପରକୁ ଭେଟିବେ । ଜାନୁୟାରୀ ୧୮ ତାରିଖରୁ ଦ୍ବିତୀୟ ପର୍ଯ୍ୟାୟ ଆରମ୍ଭ ହେବ । ଏଠାରେ ଦଳକୁ ୨ଟି ପୁଲରେ ଭାଗ କରାଯିବ । ପ୍ରତି ଦଳ ବିପରୀତ ପୁଲରେ ଦଳକୁ ଭେଟିବ । ଜାନୁଆରୀ ୩୧ରେ ସେମିଫାଇନାଲ ଖେଳାଯିବ । ଏଥିରେ ୪ଟି ଟପ୍ ଟିମ ଖେଳିବେ । ୨୦୨୫ ଫେବୃଆରୀ ୧ରେ ଫାଇନାଲ ମ୍ୟାଚ ଖେଳାଯିବ ।

ଏହା ସହିତ ରାଞ୍ଚିରେ ମହିଳା ହକି ଇଣ୍ଡିଆ ଲିଗ୍ ୧୨ ଜାନୁଆରୀ ୨୦୨୫ରେ ଆରମ୍ଭ ହେବ । ୨୬ ଜାନୁଆରୀରେ ଫାଇନାଲ ଖେଳାଯିବ । ଦୀର୍ଘ ଦିନ ଅପେକ୍ଷା ପରେ  ହକି ଇଣ୍ଡିଆ ଲିଗ୍ ହେବାକୁ ଯାଉଛୁ । ଏହାକୁ ନେଇ ଖୁସି ବ୍ୟକ୍ତି କରିଛନ୍ତି ହକି ଇଣ୍ଡିଆ ସଭାପତି ଦିଲ୍ଲୀପ ତିର୍କୀ  ।