ନୂଆଦିଲ୍ଲୀ,୧୧/୦୪: ବିଜୟ ଟ୍ରାକ୍କୁ ଫେରିବ କି ଚେନ୍ନାଇ ? ବଦଳିବ କି ସୁପରକିଙ୍ଗସ୍ ଭାଗ୍ୟ ? ମହେନ୍ଦ୍ର ସିଂହ ଧୋନୀ..ଥାଲା..ମାହି ପୁଣିଥରେ ଚେନ୍ନାଇ ସୁପରକିଙ୍ଗସ୍ ଅଧିନାୟକ ଭାବେ ଫେରିଛନ୍ତି । କାରଣ ଧୋନୀ ଏବଂ ତାଙ୍କ କ୍ୟାପ୍ଟଟେନ୍ସି କରିବାର ଷ୍ଟାଇଲ ଟିକେ ଅଲଗା । ସେଥିପାଇଁ ତ ତାଙ୍କୁ 'କ୍ୟାପ୍ଟେନ୍ କୁଲ'ର ଟାଇଟଲ ମିଳିଛି । ୨ ବର୍ଷ ହେବ ଚେନ୍ନାଇର ଅଧିନାୟକ ପଦ ଛାଡିଛନ୍ତି ଧୋନୀ । କିନ୍ତୁ କିଛି ନା କିଛି ଏମିତି ପରିସ୍ଥିତି ଉପୁଜୁଛି ଯାହା ଫଳରେ ସେ ପୁଣି କ୍ୟାପ୍ଟେନ୍ସି କରିବାକୁ ବାଧ୍ୟ ହେଉଛନ୍ତି । ପାଖାପାଖି ୬୦୦ ଦିନ ପରେ ପୁଣି ମୈଦାନରେ ଧୋନୀଙ୍କ ନେତୃତ୍ବରେ ଖେଳିବ ଚେନ୍ନାଇ ।
ଧୋନୀଙ୍କ ନେତୃତ୍ବରେ ଖେଳିବ ସିଏସକେ- ଚଳିତ ସିଜନ୍ରେ ଚେନ୍ନାଇ ସୁପରକିଙ୍ଗସ୍ ବିଜୟରୁ ଅଭିଯାନ ଆରମ୍ଭ କରିଥିଲା । ମୁମ୍ବାଇ ବିପକ୍ଷରେ ପ୍ରଥମ ମ୍ୟାଚ ଜିତିଥିଲା । ଏହାପରେ ଦଳ ସବୁ ମ୍ୟାଚରେ ପରାସ୍ତ ହୋଇଛି । ଏଯାବତ୍ ଦଳ ୫ଟି ମ୍ୟାଚ ଖେଳିସାରିଛି । ୪ଟି ମ୍ୟାଚରେ ପରାସ୍ତ ହୋଇଛି । ଆଜି କୋଲକାତା ନାଇଟ୍ ରାଇଡ଼ର୍ସ ବିପକ୍ଷରେ ଖେଳିବ ଚେନ୍ନାଇ । ୪ଟି ମ୍ୟାଚ ହାରିବା ପରେ ଚେନ୍ନାଇ କମବ୍ୟାକ୍ କରୁଛି ନା ନାହିଁ ତାହା ଉପରେ ସମସ୍ତଙ୍କ ନଜର ରହିଛି । ଧୋନୀଙ୍କ ପାଇଁ ଏହା ଏକ ବଡ଼ ଚ୍ୟାଲେଞ୍ଜ ହେବ । ଆଇପିଏଲ ଇତିହାସରେ ସବୁଠୁ ସଫଳ ଦଳ କଥା କହିଲେ ମନକୁ ଚେନ୍ନାଇ ସୁପରକିଙ୍ଗସ୍ର ନାମ ଆସେ । ମହେନ୍ଦ୍ର ସିହଂ ଧୋନୀଙ୍କ ନେତୃତ୍ବରେ ଦଳ ୫ ଥର ଆଇପିଏଲ ଟ୍ରଫି ହାତେଇଛି ।
🚨 OFFICIAL STATEMENT 🚨
— Chennai Super Kings (@ChennaiIPL) April 10, 2025
Ruturaj Gaikwad ruled out of the season due to a hairline fracture of the elbow.
MS DHONI TO LEAD. 🦁
GET WELL SOON, RUTU ! ✨ 💛#WhistlePodu #Yellove🦁💛 pic.twitter.com/U0NsVhKlny
ଅଧିକ ପଢ଼ନ୍ତୁ...IPL 2025: ଆଜି ସୁପରକିଙ୍ଗ୍ସ-ନାଇଟ ରାଇଡର୍ସ ଲଢ଼େଇ, କ୍ୟାପ୍ଟେନ ଧୋନୀ ଧରିବେ CSK ମଙ୍ଗ
ଋତୁରାଜ ବାଦ୍- ଚେନ୍ନାଇ ସୁପରକିଙ୍ଗ୍ସ ଅଧିନାୟକ ଋତୁରାଜ ଗାଏକୱାଡ଼ ଆହତ ହୋଇ ଚଳିତ ଆଇପିଏଲ୍ରୁ ବାଦ ପଡ଼ିଛନ୍ତି । ତାଙ୍କ ସ୍ଥାନରେ ମହେନ୍ଦ୍ର ସିଂହ ଧୋନିଙ୍କୁ ପୁନର୍ବାର ନେତୃତ୍ୱ ପ୍ରଦାନ କରାଯାଇଛି । ଗତ ୩୦ ତାରିଖରେ ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ରେ ଗାଏକୱାଡ୍ ଆହତ ହୋଇଥିଲେ । ଧୋନୀ ୨୦୦୮ରୁ ୨୦୨୩ ସିଜନ ପର୍ଯ୍ୟନ୍ତ ଚେନ୍ନାଇ ସୁପରକିଙ୍ଗ୍ସର ନେତୃତ୍ୱ ନେଇଥିଲେ । ତାଙ୍କ ନେତୃତ୍ୱରେ ସୁପରକିଙ୍ଗ୍ସ ୨୦୧୦, ୨୦୧୧, ୨୦୧୮,୨୦୨୧, ୨୦୨୩ ସିଜନରେ ଚାମ୍ପିଅନ୍ ହୋଇଥିଲା । ୨୦୨୨ ସିଜନରେ ରବିନ୍ଦ୍ର ଜାଡ଼େଜାଙ୍କୁ ଅଧିନାୟକ ନିଯୁକ୍ତ କରାଯାଇଥିଲା । ମାତ୍ର ଦଳର ଦୁର୍ବଳ ପ୍ରଦର୍ଶନ ପରେ ଧୋନୀ ସିଜନ ଅଧାରୁ ପୁନର୍ବାର ଅଧିନାୟକ ନିଯୁକ୍ତ ହୋଇଥିଲେ । ଏଥର ଗାଏକୱାଡଙ୍କ ନେତୃତ୍ୱରେ ସୁପରକିଙ୍ଗ୍ସର ପ୍ରଦର୍ଶନ ମଧ୍ୟ ନୈରାଶ୍ୟଜନକ ରହିଛି । ତେଣୁ ଧୋନୀ ଦଳର ଭାଗ୍ୟ ବଦଳାଇବେ ବୋଲି ଆଶା ରଖିଛନ୍ତି ଫ୍ୟାନ୍ସ ।
