ଠାକୁରମୁଣ୍ଡା,୦୧/୦୪:  ଚୋରା ଶାଳ ଚୌକାଠ ବୋଝେଇ ପିକଅପ୍ ଗାଡ଼ି ଜବତ । ରୁଗୁଡିଵେଡା ଲଷ୍ମୀ ନାରାୟଣ ମନ୍ଦିର ନିକଟରେ ଜବତ ହୋଇଛି ଚୌକାଠ ବୋଝେଇ ପିକଅପ୍ ଗାଡ଼ି। ତେବେ ଠାକୁରମୁଣ୍ଡା ବନାଞ୍ଚଳ ଅଧିକାରୀ ଉମାକାନ୍ତ ବେହେରା ବିଶେଷ ସୁତ୍ରରୁ ଖବର ପାଇ କୁରମୁଣ୍ଡା ବନାଞ୍ଚଳ ଅଧିକାରୀ ଉମାକାନ୍ତ ବେହେରା ଠାକୁରମୁଣ୍ଡା ବଜାର ନିକଟ ରୁଗୁଡିଵେଡା ଗ୍ରାମର ଲଷ୍ମୀ ନାରାୟଣ ମନ୍ଦିର ନିକଟରେ ସକାଳ ୯.୩୦ ସମୟରେ ଜଗି ରହିଥିଲେ। ସନ୍ଦିଗ୍ଧ ପିକଅପ ଗାଡ଼ି ପହଞ୍ଚିବା ପରେ ଗାଡ଼ିକୁ ଅଟକାଇ ତଦନ୍ତ କରିବାରୁ ୩୪ ପିସ୍ ଶାଳ ଚୌକାଠ ପାଇଥିଲେ। 

ଲୋକଙ୍କ ଭିଡ଼ର ସୁଯୋଗ ନେଇ ପିକଅପର ଡ୍ରାଇଭର ଚମ୍ପଟ ମାରିଥିଲା। ଘଟଣାସ୍ଥଳରୁ ବନବିଭାଗ ଓଡି 09 AB 4761 ନଂ ଗାଡ଼ିକୁ ଜଵତ କରି ଵନାଞ୍ଚଳ କାର୍ଯ୍ୟାଳୟକୁ ଆଣି ତଦନ୍ତ ଜାରି ରଖିଛନ୍ତି।ଏହି ଚଢ଼ଉ ସମୟରେ ଠାକୁରମୁଣ୍ଡା ଫରେଷ୍ଟର ବିଦ୍ୟାଧର ମହାନ୍ତ, ପ୍ରଦୀପ କିଶୋର ହାଇଵୁରୁ, ଚନ୍ଦ୍ରଭାନୁ ମହାନ୍ତ , ବନରକ୍ଷୀ ବିକାଶ ମହାନ୍ତ, ଗାୟତ୍ରୀ ମହାନ୍ତ, ଏଵଂ ଅନ୍ୟ କର୍ମଚାରୀ ସାମିଲ ଥିଲେ। ୩୪ ପିସ୍ ଶାଳ କାଠ  ୧୪.୭୪୫ ସିଫଟ ଏବଂ ଆନୁମାନିକ ମୁଲ୍ୟ ୩୫ ହଜାର ଟଙ୍କା ହେବ ବୋଲି ବନବିଭାଗ ସୁଚନା ଦେଇଛି। ଦିନ ବେଳେ ସର୍ବସାଧାରଣରେ କାଠ ଗାଡି ଯିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।