ବରଗଡ,୨୫/୦୫: କିନ୍ନରଙ୍କ ଆକ୍ରମଣରେ ପୋଲିସ ଆହତ। ଟଙ୍କା ମାଗିବାକୁ ମନା କରିବାରୁ ପୋଲିସକୁ ପାଲଟା ଆକ୍ରମଣ କରିଥିବା ଅଭିଯୋଗ ହୋଇଛି। ତେବେ ବରଗଡ଼ରେ କିନ୍ନରଙ୍କ ଦୌରାତ୍ମ୍ୟ ବୃଦ୍ଧି ପାଇଥିବା ବେଳେ ଜବରଦସ୍ତି ଅର୍ଥାଦାୟ, ଲୁଟପାଟ୍ ଏକ ସାଧାରଣ ଘଟଣାରେ ପରିଣତ ହୋଇଛି । ବିଭିନ୍ନ ପ୍ରକାର ନିଶା ଦ୍ରବ୍ୟ ବିକ୍ରିରେ ସାମିଲ ଥିବା କିନ୍ନରମାନେ ଗତ ଦୁଇବର୍ଷ ହେଲା ସହର ବାହାରେ ବିଭିନ୍ନ ଛକରେ ଛିଡା ହୋଇ ଅନୈତିକ କାର୍ଯ୍ୟରେ ଲିପ୍ତ ଥିବା ଅଭିଯୋଗ ହେଉଛି। ହେଲେ ପୁଲିସ ପ୍ରଶାସନର ଢିଲାପଣ ଯୋଗୁଁ ଏହା ବଢ଼ିବାରେ ଲାଗିଛି ବୋଲି ଅଭିଯୋଗ ହୋଇଛି। 

ସୂଚନା ମୁତାବକ, ଦୁଇଜଣ କିନ୍ନର ଆଜି ଗାନ୍ଧୀ ଛକରେ ଟଙ୍କା ମାଗୁଥିବା ବେଳେ ଟ୍ରାଫିକ ଇନଚାର୍ଜ ଏସ ଆଇ ମଙ୍ଗଳ କିସକୁ ଷ୍ଟାଫଙ୍କ ସହ ପହଞ୍ଚି ସେମାନଙ୍କୁ ମନା କରିଥିଲେ । ମାତ୍ର କିନ୍ନରମାନେ ଓଲଟା ପୁଲିସଙ୍କୁ ଆକ୍ରମଣ କରିଥିଲେ । ଏସ ଆଇ କିସ୍କୁଙ୍କ ହାତରେ ଆଘାତ ଲାଗିଥିଲେ ବି ଉଭୟଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଏଥିସହ ପୋଲିସ ଫୋର୍ସ ପହଞ୍ଚି ଉଭୟ କିନ୍ନରଙ୍କୁ ଭିଡି ଥାନାକୁ ଆଣିଥିବା ଜଣାପଡିଛି । ଅପରପକ୍ଷେ ଏସ ଆଇ  କିସ୍କୁଙ୍କ ହାତର ଆଙ୍ଗୁଳି ଭାଙ୍ଗି ଥିବା ସହ ଆଘାତ ହୋଇଥିବା ବେଳେ  ଟାଉନ ଥାନା ପୁଲିସ ଯାଞ୍ଚ ଜାରି ରଖିଥିବା ସୂଚନା ମିଳିଛି ।