ଭୁବନେଶ୍ୱର,୧୦/୦୭: ଓଡ଼ିଶା ଯାତ୍ରା ପ୍ରେମୀଙ୍କ ପାଇଁ ଖୁସି ଖବର । ଏବେ ଯାତ୍ରାରେ ଗୀତ ଗାଇବେ ବଲିଉଡର ଖ୍ୟାତିନାମା କଣ୍ଠଶିଳ୍ପୀ ସୋନୁ ନିଗମ। ଚର୍ଚ୍ଚିତ ଯାତ୍ରା ଅଭିନେତ୍ରୀ ରାଣୀ ପଣ୍ଡାଙ୍କ ପାର୍ଟିନାଟ୍ୟ ମଣ୍ଡପ ମଞ୍ଚରେ ଶୁଣିବାକୁ ମିଳିବ ସୋନୁଙ୍କ ହୃଦୟଛୁଆଁ ସ୍ୱର । ଖୋଦ୍ ନାଟ୍ୟମଣ୍ଡପର ମାଲିକାଣୀ ରାଣୀ ଏହି ସୂଚନା ଦେଇଛନ୍ତି । ରାଣୀ କହିଛନ୍ତି, ସେ ମୁମ୍ବାଇ ଯାଇ ସୋନୁଙ୍କୁ ଭେଟିଛନ୍ତି । ଭେଟିବା ସମୟରେ ସୋନୁଙ୍କୁ ଶ୍ରୀଜଗନ୍ନାଥଙ୍କ ପ୍ରତିମୂର୍ତ୍ତି ପ୍ରଦାନ କରିଛନ୍ତି ।
ଏକ ରୋମାଣ୍ଟିକ ଗୀତ ସୋନୁ ନିଜ ସ୍ୱରରେ ରେକର୍ଡ କରିଛନ୍ତି । ଏହା ଏକ କଷ୍ଟକର କାମ ଥିଲା। ହେଲେ ସଙ୍ଗୀତ ଜାପାନୀ ନିର୍ଦ୍ଦେଶକଙ୍କ ସହଯୋଗରେ ଏହା ସମ୍ଭବ ହୋଇଛି । ଖୁବଶୀଘ୍ର ଯାତ୍ରା ମଞ୍ଚରେ ଏହା ପରିବେଷଣ ହେବ । କେବଳ ସେତିକି ନୁହେଁ, ସୋନୁ ଗାଇଥିବା ଗୀତ ଆଗାମୀ ଦିନରେ ସିନେମାରେ ମଧ୍ୟ ବ୍ୟବହାର ହେବ । ଯେଉଁ ସିନେମାକୁ ରାଣୀ ନିର୍ମାଣ କରିବେ ବୋଲି ସୂଚନା ଦେଇଛନ୍ତି ।
