ଭୁବନେଶ୍ଵର, ୦୫/୧୨ : ରାଜ୍ୟରେ ବିଗତ ୩ ବର୍ଷରେ ବ୍ରଜପାତରେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ବଢିଛି। ଏହି ସଂଖ୍ୟା ବର୍ତ୍ତମାନ ୧୦୫୭ରେ ପହଞ୍ଚିଛି। ଚଳିତ ବର୍ଷ ୭ ମାସ ମଧ୍ୟରେ ୨୦୧ ଲୋକଙ୍କ ଜୀବନ ଗଲାଣି। ସେହିପରି ୨୦୨୩-୨୪ ରେ ବଜ୍ରପାତରେ ୨୭୨ ଜଣ ପ୍ରାଣ ହରାଇଥିଲେ। ୨୦୨୨-୨୩ ରେ ମଧ୍ୟ ୩୦୬ ଜଣଙ୍କ ଜୀବନ ଯାଇଥିଲା। ବଜ୍ରପାତ ଦ୍ୱାରା ସର୍ବାଧିକ ମୟୁରଭଞ୍ଜ, ବାଲେଶ୍ଵର ଏବଂ ଗଞ୍ଜାମ ଜିଲ୍ଲାରେ ମୃତ୍ୟୁ ହୋଇଛି। ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ବିଧାନସଭାରେ ଏନେଇ ଲିଖିତ ଉତ୍ତର ରଖିଛନ୍ତି।
ଓଡ଼ିଶାରେ ବଜ୍ରପାତ ଜନିତ ମୃତ୍ୟୁ ସଂଖ୍ୟା ଅନ୍ୟ ରାଜ୍ୟ ତୁଳନାରେ ବେଶୀ। ମୃତ୍ୟୁ ସଂଖ୍ୟା ରୋକିବାକୁ କୌଣସି ସ୍ଥାୟୀ ନିରାକରଣ ନାହିଁ। ଏହାକୁ ରୋକିବାକୁ ଗବେଷଣା ଜାରି ରହିଛି। ବଜ୍ରପାତ ରୋକିବାକୁ ତାଳ ଗଛ ରୋପଣ ଉପରେ ଗୁରୁତ୍ଵ ଦିଆଯାଇଛି। ନିକଟରେ ରାଜସ୍ଵ ବିଭାଗ ଜଙ୍ଗଲ ବିଭାଗକୁ ୭ କୋଟି ଟଙ୍କା ପ୍ରଦାନ କରିଛି।
