ଭୁବନେଶ୍ୱର,୦୫/୦୧: ରାଜ୍ୟବାସୀଙ୍କ ସ୍ୱାସ୍ଥ୍ୟସେବାକୁ ଦୃଷ୍ଟିରେ ରଖି ରାଜ୍ୟ ସରକାର ନୂଆବର୍ଷ ଭେଟି ଦେବାକୁ ଯାଉଛନ୍ତି । ରାଜ୍ୟରେ ଆହୁରି ୧୪୭ଟି ‘ଆମ ହସ୍ପିଟାଲ୍’ ପ୍ରତିଷ୍ଠା ହେବ । ଏନେଇ ଜିଲ୍ଲା ଅଧିକାରୀମାନଙ୍କୁ ଦାୟିତ୍ୱ ଦିଆଯାଇଛି ।
କେଉଁ ହସ୍ପିଟାଲ୍ରେ ‘ଆମ ହସ୍ପିଟାଲ୍’ ପ୍ରତିଷ୍ଠା ହେଲେ ଅଧିକ ଲୋକ ଉପକୃତ ହେବେ, ତଜର୍ମା ଚାଲିଛି । ଜନସାଧାରଣଙ୍କ ଆବଶ୍ୟକତାକୁ ଉପଲବ୍ଧ କରି ପ୍ରତି ନିର୍ବାଚନମଣ୍ଡଳୀରେ ଏକାଧିକ ‘ଆମ ହସ୍ପିଟାଲ’ ମଧ୍ୟ ପ୍ରତିଷ୍ଠା କରିବାକୁ ଲକ୍ଷ୍ୟ ରହିଛି । ଏନେଇ ଜିଲ୍ଲାପାଳ ଓ ଜିଲ୍ଲା ସ୍ୱାସ୍ଥ୍ୟ ଅଧିକାରୀଙ୍କ ସହ ଆଲୋଚନା ଚାଲିଛି । ଜିଲ୍ଲାପାଳମାନେ ଯେଉଁ ତାଲିକା ସ୍ୱାସ୍ଥ୍ୟ ବିଭାଗକୁ ଦେବେ, ସେହି ଅନୁସାରେ ‘ଆମ ହସ୍ପିଟାଲ୍’ ପ୍ରତିଷ୍ଠା ହେବ । ଏହି ଦ୍ୱିତୀୟ ପର୍ଯ୍ୟାୟ ‘ଆମ ହସ୍ପିଟାଲ୍’ ପାଇଁ ୧ ହଜାର କୋଟି ଟଙ୍କା ଖର୍ଚ୍ଚ ଆକଳନ କରାଯାଇଛି । ଏହାଦ୍ୱାରା ରୋଗୀଙ୍କୁ ତୃଣମୂଳସ୍ତରରେ ଅତ୍ୟାଧୁନିକ ସେବା ମିଳିବ ବୋଲି ସ୍ୱାସ୍ଥ୍ୟ ବିଭାଗ କହିଛି ।
୨୦୨୩ ମସିହାରେ ରାଜ୍ୟରେ ୧୪୭ଟି ‘ଆମ ହସ୍ପିଟାଲ୍’ ପ୍ରତିଷ୍ଠା ପାଇଁ ନିଷ୍ପତ୍ତି ହୋଇଥିଲା । ସେଥିପାଇଁ ୭୫୦କୋଟି ବଜେଟ୍ ରଖାଯାଇଥିଲା । ବର୍ତ୍ତମାନ ୧୪୭ଟି ଆମ ହସ୍ପିଟାଲ କାର୍ଯ୍ୟକ୍ଷମ ହେଉଥିବା ବେଳେ ନୂଆ କରି ଆଉ ୧୪୭ଟି ଆମ ହସ୍ପିଟାଲ୍ ପ୍ରତିଷ୍ଠା କରାଯିବ।
