ବାଲିଗୁଡା,୨୧/୫- ବାଲିଗୁଡା ଥାନା ଅନ୍ତର୍ଗତ ସିତାପୋଡି ଦେଇ ଯାଇଥିବା ୫୯ ନଂ ଜାତୀୟ ରାଜପଥରେ ଏକ ବାଇକ ପିଟି ହୋଇ ଦୁଇ ଜଣଙ୍କ ମୃତ୍ୟୁ ଘଟିଛି। ଏଥିସହ ଜଣେ ଗୁରୁତର ହୋଇଛନ୍ତି । ମୃତକମାନେ ହେଲେ ଫ୍ରାନଚାଇଜ ମଲିକ ଓ ଅଜୁ ମଲିକ। ଏମାନଙ୍କ ଘର ବାଟାଗୁଡା ପଂଚାୟତର ଡୁକଲାମିଲା ଗ୍ରାମରେ।
ବାଟାଗୁଡା ପଂଚାୟତର ତିନିଜଣ ଯୁବକ ଗୋଟିଏ ବାଇକରେ ବିନ୍ଦୁପଦର ଯାଇଥିଲେ। ଭୋଜିଖାଇ ଫେରିବା ବେଳେ ସିତାପୋଡି ନିକଟ ଏକ ବୁଲାନ୍ତିରେ ଭାରସାମ୍ୟ ହରାଇ ଗଛରେ ପିଟି ହୋଇଯାଇଥିଲା । ଘଟଣା ସ୍ଥଳରେ ଜଣଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ତାଙ୍କୁ ବାଲିଗୁଡା ମେଡିକାଲରେ ଭର୍ତ୍ତି କରାଯାଇଥିଲା। ସେଠାରୁ ଗୁରୁତର ଅବସ୍ଥାରେ ଜିଲ୍ଲା ଚିକିତ୍ସାଳୟକୁ ନିଆଯାଉଥିବା ବେଳେ ବାଟରେ ମୃତ୍ୟୁ ଘଟିଥିଲା। ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଗସ୍ତ ଗାଡିକୁ ଜବତ କରି ତଦନ୍ତ କରୁଛି।
