କୋଲାବିରା,୧୩/୦୬: କାର୍-ମୋପେଡ୍ ମୁହାଁମୁହିଁ ଧକ୍କା। ଘଟଣାସ୍ଥଳରେ ୨ ମୋପେଡ୍ ଆରୋହୀଙ୍କ ମୃତ୍ୟୁ ହୋଇଥିବା ଅଭିଯୋଗ । ଝାରସୁଗୁଡ଼ା ଜିଲ୍ଲା କୋଲାବିରା ଥାନା ସମାସିଂହା-ସୋଡାମାଳ ରାସ୍ତାରେ ଏହି ଘଟଣା ଘଟିଥିବା ସୂଚନା ମିଳିଛି। ମୃତକମାନେ ହେଲେ କୋଲାବିରା ଥାନା ଲୁଡୁଙ୍ଗ ଗ୍ରାମର ରବି ଭୋଇ ଓ ସମାସିଂହା ଗ୍ରାମର ଗଣେଶ ଜୟପୂରିୟା ।
ସୂଚନା ମୁତାବକ,ମୋପେଡ଼୍ଟି ସୋଡ଼ାମାଲରୁ ସମାସିଂହ ଆଡକୁ ଆସୁଥିବା ବେଳେ କାରଟି ସୋଡାମାଳ ଆଡ଼କୁ ଯାଉଥିଲା। ସେହି ସମୟରେ କାର୍-ମୋପେଡ୍ ମଧ୍ୟରେ ମୁହାଁମହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ମୋପେଡ୍ ଚାଳକ ଓ ତାଙ୍କୁ ଲିଫ୍ଟ ମାଗି ଆସୁଥିବା ସମାସିଂହର ଗଣେଶଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଦୁର୍ଘଟଣା ପରେ ଉଭୟଙ୍କୁ ଝାରସୁଗୁଡ଼ା ମୁଖ୍ୟ ଚିକିତ୍ସାଲୟକୁ ନିଆଯାଇଥିଲା । ଏନେଇ ଖବର ପାଇ ପୁଲିସ କାର୍ ଓ ମୋପେଡକୁ ଜବତ କରିବା ସହ ଘଟଣାର ତଦନ୍ତ କରୁଛି ।
