ଦାରିଙ୍ଗବାଡି,୧୪/୧(ଆପ୍ର): ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ପୁଲିସ । ୨୧ କିଲୋ ଗଞ୍ଜେଇ ସହ ସ୍କୁଟି ଜବତ କରି ଚାଲାଣକାରିଙ୍କୁ ଗିରଫ କରିଛି ଦାରିଙ୍ଗବାଡି ପୁଲିସ । ଗିରଫ ଅଭିଯୁକ୍ତ ଜଣଙ୍କ ହେଲେ ବ୍ରହ୍ମପୁର ସ୍ଥିତ କବିସୂର୍ଯ୍ୟନଗର ଅଞ୍ଚଳର ଜ୍ଞାନଚାନ୍ଦ ମହାପାତ୍ର (୨୨) ।
ଏକ ସ୍କୁଟି ଯୋଗେ ରବିବାର ଦଣ୍ଡିମାହା ଅଞ୍ଚଳରୁ ବ୍ରହ୍ମପୁର ଅଞ୍ଚଳକୁ ଗଞ୍ଜେଇ ଚୋରା ଚାଲାଣ ହେଉଥିଲା। ପୁଲିସ କୌଣସି ସୂତ୍ର ରୁ ଖବର ପାଇ ଦାରିଙ୍ଗବାଡି ଥାନା ଅଧିକାରୀ କନକ ମାଝୀ ଙ୍କ ନେତୃତ୍ୱ କ୍ରମେ ଏସଆଇ ଜୟନ୍ତ ସେଠୀ, ଲକ୍ଷ୍ମୀ ମାଝୀ, ଏଏସଆଇ ଅର୍ଜୁନ ଶବର, ପି ଶ୍ରୀନିବାସ ରାଓ ପ୍ରମୁଖ ୫୯ ନମ୍ୱର ଜାତୀୟ ରାଜପଥ ପଞ୍ଚୁପଲ୍ହି ନିକଟରେ ଛକି ବସି ଚଢାଉ କରିଥିଲେ । ଚଢାଉ ବେଳେ ୨୧ କେଜି ୪୦୦ ଗ୍ରାମ ବେଆଇନ ଗଞ୍ଜେଇ ସହ ସ୍କୁଟି ଜବତ ହୋଇଥିବା ବେଳେ ଚାଲାଣକାରିଙ୍କୁ ପୁଲିସ ଗିରଫ କରିଥିଲା । ଅଭିଯୁକ୍ତ ଙ୍କୁ ସୋମବାର ଦିନ କୋର୍ଟ ଚାଲାଣ କରାଯାଇଥିବା ବେଳେ ପୁଲିସ ଏନେଇ ଅଧିକ ତଦନ୍ତ କରୁଥିବା ତଦନ୍ତକାରୀ ଅଧିକାରୀ ଏସଆଇ ଜୟନ୍ତ ସେଠୀ ସୂଚନା ଦେଇଛନ୍ତି ।
