ପୁରୀ,୨୧/୦୯: ଶ୍ରୀକ୍ଷେତ୍ରରେ କାର୍ତ୍ତିକ ବ୍ରତ ପାଳନ ନିମନ୍ତେ ପ୍ରଶାସନ ପାଖରେ ୨୬୪୪ଟି ଆବେଦନ ପଞ୍ଜିକୃତ ହୋଇଛି । ଏହାକୁ ଆସନ୍ତା ୩ ଦିନ ଭିତରେ ଯାଞ୍ଚ କରାଯିବ ଓ ଯୋଗ୍ୟ ହବିଷ୍ୟାଳିଙ୍କୁ ପୁରୀରେ ବ୍ରତ ପାଳନ ନିମନ୍ତେ ନିର୍ଦ୍ଧାରିତ ସମୟରେ ପହଞ୍ଚିବାକୁ ବାର୍ତ୍ତା ପଠାଯିବ । ଏନେଇ ଶନିବାର ଜିଲ୍ଲାପାଳ ଦିବ୍ୟଜ୍ୟାତି ପରିଡ଼ାଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ହୋଇଯାଇଛି । ଚଳିତ ମାସ ଶେଷ ସୁଦ୍ଧା ପ୍ରାଶାସନିକ ଅଧିକାରୀମାନେ ବଣ୍ଟନ ହୋଇଥିବା କାମ ଶେଷ କରିବାକୁ ସେ ନିର୍ଦ୍ଦେଶ ଦେଇଛନ୍ତି । ଆଶାୟୀ ହବିଷ୍ୟାଳିଙ୍କୁ ଆବେଦନର ଆଉ ସୁଯୋଗ ଦେବା ନେଇ ବୈଠକରେ କୌଣସି ଠୋସ ପଦକ୍ଷେପ ନିଆଯାଇନି ।
ସୂଚନାଯୋଗ୍ୟ, ୧୯ ତାରିଖ ଦିନ ୧୦ଟା ପରଠାରୁ ବ୍ରତ ପାଳନ ଆଶାୟୀଙ୍କୁ ଅନ୍ଲାଇନ୍ରେ ଆବେଦନ କରିବାକୁ ବିଜ୍ଞାପନ ଯୋଗେ ସୂଚନା ଦେଇଥିଲା ପ୍ରଶାସନ । ହେଲେ ମାତ୍ର ଘଣ୍ଟାଏ ପରେ ଆବେଦନ ପଞ୍ଜୀକରଣ ପୋର୍ଟାଲ ବନ୍ଦ ହୋଇଯାଇଥିଲା । ଫଳରେ ବହୁ ଆଶାୟୀ ନିରାଶ ହୋଇଛନ୍ତି।
