ଫିରିଙ୍ଗିଆ, ୧୨/୫ କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ରତଙ୍ଗ ପଞ୍ଚାୟତ ଲଦା ଗାଁ ରାସ୍ତାରେ ଅଜଣା ଗାଡି ଧକ୍କାରେ ୭ ଟି ଗାଈ ଓ ବାଛୁରୀ ମୃତ୍ୟୁ ହୋଇଛି। ସମସ୍ତ ଗାଈ ଓ ବାଛୁରୀ ପବିଙ୍ଗିଆ ଓ ଡେଲରପଡା ଗାଁର ବୋଲି ଜଣାପଡିଛି। 

ରତଙ୍ଗ ପଞ୍ଚାୟତର ଲଦା ଗାଁ ଫୁଲବାଣୀ ବାଲିଗୁଡା ମୁଖ୍ୟ ରାସ୍ତା ଉପରେ ଗୋଠ କଲା ଭଳି ୧୫ ରୁ ଉର୍ଦ୍ଧ ଗାଈ ବାଛୁରୀ ଶୋଇଥିଲେ l ରାତିରେ କୌଣସି ଏକ ଅଜଣା ଗାଡି ଆସି ୭ ଟି ଗାଈ, ବଳଦ ଓ ବାଛୁରୀ କୁ ଉପରେ ମାଡି ଯାଇଥିଲା।  ଘଟଣା ସ୍ଥଳରେ ହିଁ ସମସ୍ତ ଗାଈ ବାଛୁରୀ ଓ ବଳଦର ମୃତ୍ୟୁ ଘଟିଥିଲା l ସୋମବାର ସକାଳୁ ରତଙ୍ଗ ପଞ୍ଚାୟତର ସରପଞ୍ଚ ପାର୍ବତୀ ମଲିକ ଓ ବିଜେଡି ବ୍ଲକ ସଭାପତି ତଥା ପୂର୍ବତନ ରତଙ୍ଗ ସରପଞ୍ଚ ରଜନୀ ମଲିକ ପହଞ୍ଚି ସମସ୍ତ ମୃତ ଗାଈ ବାଛୁରୀ ଓ ବଳଦ କୁ ଲୋକଙ୍କ ସାହାଯ୍ୟରେ ନେଇଁ ଗାତ ଖୋଳି ପୋତି ଦେଇଥିଲେ। l 

ଅନ୍ୟପଟେ ଦୁର୍ଘଟଣା ଘଟିଥିବା ସ୍ଥାନ ପାଖରେ ଜଣକ ଘରେ ସିସି ଟିଭି କ୍ୟାମେରା ଲାଗିଥିବାରୁ ଦୁର୍ଘଟଣା ଘଟାଇଥିବା ଗାଡିକୁ ଖୋଜା ଚାଲିଥିବା କହିଛନ୍ତି ବିଜେଡି ବ୍ଲକ ସଭାପତି ରଜନୀ କହଁର l ଏହି ସମସ୍ତ ଗାଈ ବାଛୁରୀ ପବିଙ୍ଗିଆର ଭାଗ୍ୟବାନ ଦିଗାଲ ଓ ଡେଲର ପଡା ର ଦୁର୍ଯ୍ୟୋଧନ କହଁର ର ବୋଲି ଜଣା ପଡିଛି l ଏହି ସ୍ଥାନରେ ବାରମ୍ବାର ବାଇକ, କାର ବସ ଦୁର୍ଘଟଣା ଘଟି ସାଧାରଣ ଲୋକେ ମୃତ୍ୟୁ ଘଟୁଛି।  ଅଧିକାଂଶ ସମୟରେ ପ୍ରତିବର୍ଷ ଏହି ସ୍ଥାନରେ ଏକାଧିକ ଗାଈ ମଇଁଷି  ଦୁର୍ଘଟଣାରେ ମୃତ୍ୟୁ ଘଟୁଛି । ତେଣୁ ଏହି ରାସ୍ତାରେ ଦୁର୍ଘଟଣା ରୋକିବାକୁ ବ୍ୟବସ୍ଥା କରି ବାକୁ ଅଞ୍ଚଳବାସୀ ଦାବୀ କରିଛନ୍ତି l