ଭୁବନେଶ୍ୱର, ୨୬/୦୧: ଆଜି ୭୬ ତମ ସାଧାରଣତନ୍ତ୍ର ଦିବସ । ସଜେଇ ହୋଇଛି ଭୁବନେଶ୍ଵରର ମହାତ୍ମା ଗାନ୍ଧୀ ମାର୍ଗ । ମୁଖ୍ୟ ଅତିଥି ଭାବେ ଯୋଗ ଦେଇ ଅଭିବାଦନ ଗ୍ରହଣ କରିବେ ରାଜ୍ୟପାଳ ଡ. ହରି ବାବୁ କମ୍ଭମ୍ପତି । ରାଜ୍ୟ ସ୍ତରୀୟ ସାଧାରଣତନ୍ତର ଦିବସରେ ଜାତୀୟ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରିବେ ରାଜ୍ୟପାଳ।
ଜୟହିନ୍ଦ ଧ୍ବନିରେ ପ୍ରକମ୍ପିତ ହେବ ରାଜଧାନୀର ମହାତ୍ମାଗାନ୍ଧୀ ମାର୍ଗ। କଦମ ତାଲ ସାଙ୍ଗକୁ ଦେଶାତ୍ମକ ବୋଧ ସଙ୍ଗୀତ ଓ ପୋଲିସ ବ୍ୟାଣ୍ଡ ସହ ଚଳିତ ବର୍ଷ ପ୍ରାୟ ୫୦ ଟି ଗ୍ରୁପ୍ ଭାଗ ନେବେ । ଚଳିତ ବର୍ଷ ପ୍ୟାରେଡ୍ କମାଣ୍ଡର ଭାବେ ଶୁଭମ୍ ସଞ୍ଜୟଙ୍କୁ ଦାୟିତ୍ଵ ଦିଆଯାଇଛି । ସିଆର୍ପିଏଫ୍, ବିଏସ୍ଏଫ୍,୧୨୦ ବାଟାଲିୟନ, ଆଇଟିବିପି, ଏସ୍ଏସ୍ବି ସୈନିକ ସ୍କୁଲ ଭଳି ପ୍ରାୟ ୫୦ ଟି ଗ୍ରୁପ୍ ଭାଗ ନେବେ। ଡେୟାର୍ ଡେଭିଲ୍ସ ଟିମ୍ ଚିତ୍ତାକର୍ଷକ କୌଷଳ ପ୍ରଦର୍ଷନ କରିବେ। ଏଥିପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯିବା ସହ ବିଭିନ୍ନ ବିଭାଗର ୧୨ ଟି ପ୍ରଜ୍ଞାପନ ମେଢ଼ ପ୍ରଦର୍ଶିତ ହେବା । ସେଥିପାଇଁ ଖୋଲିଛି ପୋଲିସ କଣ୍ଟ୍ରୋଲ ରୁମ୍। ୧୪ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି।
