ନୂଆଦିଲ୍ଲୀ,୧୧/୦୭: କେନ୍ଦ୍ର ସରକାରଙ୍କ ଅଷ୍ଟମ ବେତନ କମିଶନ ଘୋଷଣା ପରେ, ସରକାରୀ କର୍ମଚାରୀମାନେ ଉତ୍ସାହ ବଢ଼ିଛି । ଅଷ୍ଟମ କମିଶନ ଲାଗୁ ହେଲେ ଆଶା ଠାରୁ ଅଧିକ ଦରମା ବଢ଼ିବ । ଆମ୍ବିଟ୍ କ୍ୟାପିଟାଲର ଆକଳନ ଅନୁଯାୟୀ, ଅଷ୍ଟମ ବେତନ କମିଶନ ୨୦୨୬ ଶେଷ କିମ୍ବା ଓ ୨୦୨୭ରେ ଲାଗୁ ହେବାର ଆଶା କରାଯାଉଛି। ଅଷ୍ଟମ ବେତନ କମିଶନ ଲାଗୁ ହେବା ପରେ, କେନ୍ଦ୍ର ସରକାରୀ କର୍ମଚାରୀଙ୍କ ଦରମା ଏବଂ ଅବସରପ୍ରାପ୍ତ କର୍ମଚାରୀଙ୍କ ପେନସନରେ ୩୦ରୁ ୩୪ ପ୍ରତିଶତ ବୃଦ୍ଧି ପାଇବାର ସମ୍ଭାବନା ରହିଛି ।
ବର୍ତ୍ତମାନ, ଅଷ୍ଟମ ବେତନ କମିଶନ କାର୍ଯ୍ୟକାରୀ କରିବାର ସମୟସୀମା ସମ୍ପର୍କରେ ସରକାରଙ୍କ ପକ୍ଷରୁ କୌଣସି ବିବୃତ୍ତି ଦିଆଯାଇ ନାହିଁ। ଏନଡିଟିଭି ପ୍ରଫିଟର ଏକ ରିପୋର୍ଟ କୁହାଯାଇଛି, ଅଷ୍ଟମ ବେତନ କମିଶନ ଏପର୍ଯ୍ୟନ୍ତ ଗଠନ ହୋଇନଥିବାରୁ ଏହାର କାର୍ଯ୍ୟକାରିତା ୨୦୨୭ ଆର୍ଥିକ ବର୍ଷ ପର୍ଯ୍ୟନ୍ତ ବିଳମ୍ବ ହୋଇପାରେ। ଅଷ୍ଟମ ବେତନ କମିଶନର ଆନୁଷ୍ଠାନିକ ଗଠନ ପରେ, ରିପୋର୍ଟ ଉପସ୍ଥାପନ କରିବାକୁ କିଛି ମାସ ସମୟ ଲାଗିବ। ପୂର୍ବ ବେତନ କମିଶନ ରିପୋର୍ଟ ଉପସ୍ଥାପନ କରିବାକୁ ୧୮ମାସ ସମୟ ନେଇଥିଲେ। ଏହି ପ୍ରକ୍ରିୟାରେ, କମିଶନର ସଦସ୍ୟମାନେ ସମସ୍ତ ଅଂଶୀଦାରଙ୍କ ସହିତ ପରାମର୍ଶ କରନ୍ତି ଏବଂ ଦରମା ସଂଶୋଧନ ପାଇଁ ଫିଟମେଣ୍ଟ ଫ୍ୟାକ୍ଟର ଏବଂ ଅନ୍ୟାନ୍ୟ ପଦ୍ଧତି ସ୍ଥିର କରନ୍ତି।
ଆମ୍ବିଟ୍ କ୍ୟାପିଟାଲ ଅନୁଯାୟୀ, ୮ମ ବେତନ କମିଶନ ୧.୮୩ ରୁ ୨.୪୬ ମଧ୍ୟରେ ଫିଟମେଣ୍ଟ ଫ୍ୟାକ୍ଟର ସୁପାରିଶ କରିପାରେ। ଯଦି ଏହା ହୁଏ, ତେବେ କେନ୍ଦ୍ର ସରକାରୀ କର୍ମଚାରୀଙ୍କ ସର୍ବନିମ୍ନ ଦରମା ୧୮,୦୦୦ ଟଙ୍କାରୁ ୩୨,୯୪୦ ରୁ ୪୪,୨୮୦ ଟଙ୍କା ମଧ୍ୟରେ ବୃଦ୍ଧି ପାଇପାରେ। ୧.୮୩ ଫିଟମେଣ୍ଟ ଫ୍ୟାକ୍ଟର ସହିତ, ମୂଳ ଦରମା ୧୮,୦୦୦ ଟଙ୍କାରୁ ପ୍ରାୟ ୩୨,୯୪୦ ଟଙ୍କାକୁ ବୃଦ୍ଧି ପାଇବ। ସେହିପରି, ୨.୪୬ ଫ୍ୟାକ୍ଟର ସହିତ, ମୂଳ ଦରମା ୪୪,୨୮୦ ଟଙ୍କାକୁ ବୃଦ୍ଧି ପାଇବ।
ବେତନ କମିଶନ ପ୍ରତି ୧୦ ବର୍ଷରେ ଥରେ ଗଠନ କରାଯାଏ, ଯାହାର ଲକ୍ଷ୍ୟ ମୁଦ୍ରାସ୍ଫୀତି ଅନୁଯାୟୀ କର୍ମଚାରୀଙ୍କ ଦରମା ବୃଦ୍ଧି କରିବା। ତଥାପି, କେନ୍ଦ୍ର ସରକାର ବର୍ଷକୁ ଦୁଇଥର କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରନ୍ତି। ଷଷ୍ଠ ବେତନ କମିଶନ ଅନୁଯାୟୀ, ୭,୦୦୦ ଟଙ୍କା ମୂଳ ଦରମା ପାଉଥିବା କର୍ମଚାରୀ ୧୫,୭୫୦ ଟଙ୍କା ପାଇବେ। ସପ୍ତମ ବେତନ କମିଶନ ୨.୫୭ ଫିଟମେଣ୍ଟ ଫ୍ୟାକ୍ଟର ସୁପାରିଶ କରିଥିଲେ, ଯାହା ସର୍ବନିମ୍ନ ମୂଳ ଦରମା ୧୮,୦୦୦ ଟଙ୍କାକୁ ବୃଦ୍ଧି କରିଥିଲା। ଆମ୍ବିଟ୍ କ୍ୟାପିଟାଲର ନୋଟରେ କୁହାଯାଇଛି ଯେ କେନ୍ଦ୍ର ସରକାରଙ୍କ ପ୍ରାୟ ୧.୧ ୨ କୋଟି କର୍ମଚାରୀ ଏବଂ ପେନସନଭୋଗୀ ସଂଶୋଧିତ ଦରମା ଏବଂ ପେନସନର ଲାଭ ପାଇବେ। ଯେଉଁଥିରେ ୫୦ଲକ୍ଷରୁ ଅଧିକ କେନ୍ଦ୍ରୀୟ କର୍ମଚାରୀ ଏବଂ ୬୫ଲକ୍ଷରୁ ଅଧିକ ପେନସନଭୋଗୀ ଅନ୍ତର୍ଭୁକ୍ତ।
