ନୂଆଦିଲ୍ଲୀ,୦୭/୧୦: ସୁପ୍ରିମକୋର୍ଟରେ ସୋମବାର ଜଣେ ଓକିଲ ସିଜେଆଇ ବିଆର୍‌ ଗଭଇଙ୍କ ଉପରେ ଆକ୍ରମଣ କରିବାକୁ ଉଦ୍ୟମ କରିଥିଲେ । ସିଜେଆଇଙ୍କ ଖଣ୍ଡପୀଠ ଏକ ମାମଲାର ଶୁଣାଣି କରୁଥିବା ସମୟରେ ଓକିଲ ଜଣକ ତାଙ୍କ ଉପରକୁ ଜୋତା ଫିଙ୍ଗିଥିଲେ । ଅବଶ୍ୟ ଜୋତା ତାଙ୍କ ଖଣ୍ଡପୀଠ ଯାଏ ପହଞ୍ଚି ପାରିନଥିଲା । ସୁରକ୍ଷାକର୍ମୀମାନେ ତୁରନ୍ତ ସମ୍ପୃକ୍ତ ଓକିଲ ରାକେଶ କିଶୋର କୁମାରଙ୍କୁ କାବୁ କରିଥିଲେ । ବାହାରକୁ ଯିବା ସମୟରେ ସେ ସନାତନ ଧର୍ମର ଅପମାନ- ସହିବନି ହିନ୍ଦୁସ୍ତାନ ବୋଲି ନାରା ଲଗାଇଥିଲେ । ଅଭିଯୁକ୍ତ ଓକିଲ ଜଣକ ଏପରି କାହିଁକି କଲେ ତାକୁ ନେଇ ବୟାନ ଦେଇଛନ୍ତି । ସେ କହିଛନ୍ତି ମୋତେ ଦୈବୀକ ଶକ୍ତିର ନିର୍ଦ୍ଦେଶ ଥିଲା ମୁଁ ଚୁପ୍ ବସିଥାନ୍ତି ବା କେମିତି  ।

​​​​​​​ଚିଫ୍ ଜଷ୍ଟିସ୍ ବି.ଆର ଗଭଇଙ୍କ ଖଣ୍ଡପୀଠ ମାମଲାର ଶୁଣାଣି ଚାଲିଥିବାବେଳେ ୭୨ ବର୍ଷୀୟ ରାକେଶ କିଶୋର ଜୋତା ଫିଙ୍ଗିଥିଲେ । କାହିଁକି ଏପରି କଲେ ତାକୁ ନେଇ ବଡ଼ ବୟାନ ଦେଇଛନ୍ତି । ସେ କହିଛନ୍ତି, ''ସନାତନ ଧର୍ମ ସହ ଜଡିତ ମାମଲାରେ ସୁପ୍ରିମକୋର୍ଟ ଆଘାତ ଦେବା ପରି ଆଦେଶ ଦେଇଥାନ୍ତି । ସିଜେଆଇ ଜନସ୍ୱାର୍ଥ ଯାଚିକା ଦାଖଲ କରିଥିବା ଜଣେ ବ୍ୟକ୍ତିଙ୍କୁ ଉପହାସ କରିଥିଲେ । ସେ ସ୍ପଷ୍ଟ ଭାବେ ଭାଗବାନ ବିଷ୍ଣୁଙ୍କ ମୂର୍ତ୍ତି ସହିତ ଜଡିତ ପିଆଇଏଲକୁ ଇଙ୍ଗିତ କରୁଥିଲେ ।  ସେପ୍ଟେମ୍ବର ୧୬ରେ ଦାଖଲ ପିଆଇଏକୁ ଉପହାସ କରିଥିଲେ  ଚିଫ୍ ଜଷ୍ଟିସ୍‌ଙ୍କ କୋର୍ଟ । ସେ କହିଥିଲେ କି ତୁମେ ତୁମ ଭଗବାନଙ୍କୁ ଯାଇ କୁହ ସେ ତାଙ୍କ ସ୍ଥାନ ପୁନଃସ୍ଥାପିତ କରିବେ । ଯାହା ମୋତେ ବହୁତ ଆଘାତ ଦେଇଥିଲା । ଅନେକ ଧର୍ମ ବିରୋଧରେ ଆସୁଥିବା ମାମଲାରେ ସୁପ୍ରିମକୋର୍ଟ ରୋକ ଲଗାଉଛନ୍ତି । ଆମେ ସନାତନ ଧର୍ମ ସହିତ ଜଡ଼ିତ ମାମଲାରେ ତାଙ୍କ ନିର୍ଦ୍ଦେଶ ମୋତେ ଆହତ କରିଛି । ମୁଁ ହିଂସାକୁ ବିରୋଧ କରେ । କୋର୍ଟରେ ଯାହା ବି ଘଟିଲା ତାଙ୍କ ଆକ୍ସନ ବିରୋଧରେ ମୋର ଆକ୍ସନ ଥିଲା । ମୁଁ ଡରୁନାହିଁ କି ଘଟଣାକୁ ନେଇ ମୋତେ କିଛି ଅନୁତାପ ନାହିଁ ।''