ଭୁବନେଶ୍ୱର,୦୯/୧୧: ଯୁଗ୍ମ ପ୍ରବେଶିକା ପରୀକ୍ଷା(ଜେଇଇ) ମେନ୍ ଆବେଦନ ପାଇଁ ପାଇଁ ସମସ୍ତ ଏକାଦଶ ଓ ଦ୍ୱାଦଶ ଶ୍ରେଣୀ ପିଲାଙ୍କୁ ପଞ୍ଜୀକରଣ ନମ୍ବର ପ୍ରଦାନ କର । ଏପରି ନିର୍ଦ୍ଦେଶ ଦେଇଛି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ(ସିବିଏସ୍ଇ) ।
ସିବିଏସ୍ଇ ପକ୍ଷରୁ ସମସ୍ତ ଅନୁବନ୍ଧିତ ସ୍କୁଲକୁ ଲେଖାଯାଇଥିବା ଚିଠିରେ ଉଲ୍ଲେଖ ରହିଛି, ଜେଇଇ ମେନ୍-୨୦୨୬ ଆବେଦନ ପାଇଁ ଯେଉଁ ପିଲାମାନେ ଆବେଦନ କରିବାକୁ ଚାହୁଁଛନ୍ତି, ସେମାନଙ୍କୁ ସ୍କୁଲ କର୍ତ୍ତୃପକ୍ଷ ପଞ୍ଜୀକରଣ ପ୍ରଦାନ କରନ୍ତୁ । ଅନେକ ପିଲା ପଞ୍ଜୀକରଣ ପାଇବାରୁ ବଞ୍ଚିତ ହେଉଥିବା ଅଭିଯୋଗ କରିଛନ୍ତି ଅଭିଭାବକ । ତେଣୁ ପିଲା ସମସ୍ୟାକୁ ଆଖି ଆଗରେ ରଖି ସିବିଏସ୍ଇ ପକ୍ଷରୁ ସମସ୍ତ ସ୍କୁଲକୁ ଚିଠି ହୋଇଛି ।
