ନୂଆଦିଲ୍ଲୀ,୨୮/୧୦: ଦେଶରେ ଆସ୍ଥାର ମହାପର୍ବ ଛଟ୍କୁ ନେଇ ଉତ୍ସବର ମାହୋଲ । ଉଦୟଗାମୀ ସୂର୍ଯ୍ଯଙ୍କୁ ଅର୍ଘ୍ୟ ଅର୍ପଣ କରିଛନ୍ତି ବ୍ରତଧାରୀ । ବିଭିନ୍ନ ଘାଟରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି । ୩୬ ଘଣ୍ଟାର ନିର୍ଜଳା ବ୍ରତ ସମ୍ପର୍ଣ୍ଣ ହୋଇଛି । ବିହାର, ଝାଡ଼ଖଣ୍ଡ ଏବଂ ଉତ୍ତରପ୍ରଦେଶ ସମେତ ଦେଶର ଅନେକ ସ୍ଥାନରେ ଘାଟରେ ଶ୍ରଦ୍ଧାଳୁ ମାନେ ସୂର୍ଯ୍ୟଙ୍କୁ ପୂଜା କରିଛନ୍ତି । ପାରମ୍ପରିକ ଗୀତ ଏବଂ ପୂଜା ଦେଖିବାକୁ ମିଳିଛି । କେବଳ ସାଧାରଣ ଲୋକ ନୁହଁନ୍ତି ବରଂ ରାଜନେତା ଅଭିନେତା ମଧ୍ୟ ମହାନ ପର୍ବ ପାଳନ କରିଛନ୍ତି । ଦେଶବାସୀଙ୍କ ମଙ୍ଗଳ ଏବଂ ସମୃଦ୍ଧି ପାଇଁ ବ୍ରତ ପାଳିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ଘାଟଗୁଡ଼ିକରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ସୁରୁଖୁରୁରେ କାର୍ଯ୍ୟ ପରିଚାଳନା ପାଇଁ ପ୍ରଶାସନ ପକ୍ଷରୁ ଏକ ସ୍ୱତନ୍ତ୍ର ଟିମ୍ ନିୟୋଜିତ ହୋଇଛି । ଛଟ୍ ପୂଜାର ବିଶେଷତ୍ୱ ହେଉଛି ଲୋକମାନେ ସକାଳୁ ପ୍ରସ୍ତୁତି ଆରମ୍ଭ କରିଥାନ୍ତି । ସନ୍ଧ୍ୟାରେ ଅସ୍ତଗାମୀ ସୂର୍ଯ୍ୟଙ୍କୁ ପ୍ରାର୍ଥନା କରିଥାନ୍ତି । ଆଜି (ସୋମବାର) ପର୍ବର ତୃତୀୟ ଦିନ । ଉପବାସ କରିଥିବା ମହିଳାମାନେ ଉଦୟଗାମୀ ସୂର୍ଯ୍ୟଙ୍କୁ ପ୍ରାର୍ଥନା କରିଛନ୍ତି ବ୍ରତ ଭାଙ୍ଗିଛନ୍ତି । ମୁମ୍ବାଇ ଓ ଥାନେର ୮୩ଟି ଘାଟରେ ସାମୂହିକ ଛଟ୍ ପୂଜାର ଆୟୋଜନ କରାଯାଇଛି । ଦିଲ୍ଲୀର ପ୍ରାୟ ୧୩୦୦ ଘାଟରେ ଛଟ ପୂଜା କରାଯାଉଛି । ସେଥିରୁ ଯମୁନା ନଦୀରେ ୧୭ଟି ଘାଟ କରାଯାଇଛି ।
#WATCH | Uttarakhand: Chhath Puja, symbolising deep faith and devotion, was celebrated with great enthusiasm across the state.
— ANI (@ANI) October 28, 2025
Chief Secretary Anand Bardhan, along with his family, offered Arghya first to the setting sun and later to the rising sun at the Tons River ghat in… pic.twitter.com/otOrQhLsx8
ପର୍ବର ମହତ୍ତ୍ୱ- ଛଟ୍ ମହାପର୍ବ କେବଳ ଧାର୍ମିକ ମହତ୍ତ୍ୱ ରଖେ ନାହିଁ, ବରଂ ପ୍ରକୃତି ପ୍ରତି କୃତଜ୍ଞତା ପ୍ରକାଶ କରିବାର ଏକ ଅନନ୍ୟ ଉପାୟ ମଧ୍ୟ । ଏହି ପର୍ବ ସୂର୍ଯ୍ୟ ଦେବତା (ଶକ୍ତି ଏବଂ ଜୀବନର ଉତ୍ସ) ଏବଂ ଛଟି ମୈୟା (ସନ୍ତାନଙ୍କୁ ସୁରକ୍ଷା ଦେଉଥିବା ଦେବୀ)ଙ୍କୁ ପୂଜା କରାଯାଏ । ଉଦୟ ଏବଂ ଅସ୍ତ ସୂର୍ଯ୍ୟଙ୍କୁ ପ୍ରାର୍ଥନା କରିବାର ପରମ୍ପରା ରହିଛି । ଜୀବନର ପ୍ରତ୍ୟେକ ଦିଗ (ଉଦୟ କିମ୍ବା ଅସ୍ତ)କୁ ସମ୍ମାନ କରାଯିବା ଉଚିତ୍ ବୋଲି ବାର୍ତ୍ତ ଦିଏ ପର୍ବ । ଛଟ ପୂଜା କେବଳ ଏକ ପର୍ବ ନୁହେଁ, ବରଂ ଶ୍ରଦ୍ଧାଳୁଙ୍କ ବିଶ୍ୱାସ ଏବଂ ସାଂସ୍କୃତିକ ଐତିହ୍ୟର ପ୍ରତୀକ । ବିହାରରେ ଏହି ପର୍ବ କେବଳ ବିଶ୍ୱାସର ପର୍ବ ନୁହେଁ, ବରଂ ଏଥର ନିର୍ବାଚନ ଋତୁ ଏଥିରେ ଏକ ରାଜନୈତିକ ମୋଡ଼ ମଧ୍ୟ ଯୋଡିଛି । ବିଧାନସଭା ନିର୍ବାଚନ ଯୋଗୁଁ, ଅନେକ ପ୍ରାର୍ଥୀ ଘାଟ ପରିଦର୍ଶନ କରିଛନ୍ତି ଏବଂ ଭକ୍ତଙ୍କ ସହ ଆଲୋଚନା କରୁଥିବା ଦେଖିବାକୁ ମିଳିଛି ।
ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ- ମହାପର୍ବ ଛଟ୍ର ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସୋସିଆଲ ମିଡ଼ିଆ ଏକ୍ସରେ ପ୍ରଧାନମନ୍ତ୍ରୀ ଲେଖିଛନ୍ତି, '' ଆଜି ସକାଳେ ଭଗବାନ ସୂର୍ଯ୍ୟଙ୍କୁ ପ୍ରାର୍ଥନା ସହିତ ମହାନ ଛଟ୍ ପର୍ବର ଶୁଭ ସମାପ୍ତି ହୋଇ ଛି। ଏହି ୪ ଦିନିଆ ପୂଜାରେ, ଆମେ ଆମ ମହାନ ପରମ୍ପରାର ଦିବ୍ୟ ପ୍ରକାଶନ ଦେଖିଲୁ । ଏହି ପବିତ୍ର ପର୍ବର ଅଂଶୀଦାର ଥିବା ଆମର ସମସ୍ତ ପରିବାର ସଦସ୍ୟଙ୍କୁ ହାର୍ଦ୍ଦିକ ଅଭିନନ୍ଦନ । ଛଟି ମୈୟାଙ୍କ ଅସୀମ ଆଶୀର୍ବାଦ ସର୍ବଦା ଆପଣଙ୍କ ଜୀବନକୁ ଆଲୋକିତ କରୁ ।''
भगवान सूर्यदेव को प्रात:कालीन अर्घ्य के साथ आज महापर्व छठ का शुभ समापन हुआ। चार दिवसीय इस अनुष्ठान के दौरान छठ पूजा की हमारी भव्य परंपरा के दिव्य दर्शन हुए। समस्त व्रतियों और श्रद्धालुओं सहित पावन पर्व का हिस्सा बने अपने सभी परिवारजनों का हृदय से अभिनंदन! छठी मइया की असीम कृपा से…
— Narendra Modi (@narendramodi) October 28, 2025
