ଆନନ୍ଦପୁର, ୨୫/୦୪: ପୋଖରୀରେ ବୁଡ଼ି ଚାଲିଗଲା ନାବାଳକର ଜୀବନ । ଆନନ୍ଦପୁର ଉପଖଣ୍ଡ ଘଷିପୁରା ଥାନା କନ୍ତୋ ପଞ୍ଚାୟତ ନୂଆପଡ଼ା ଗାଁ ପୋଖରୀରେ ବୁଡି ନାବାଳକର ମୃତ୍ୟୁ ଘଟିଛି। ମୃତକ ହେଉଛନ୍ତି ନୂଆପଡ଼ା ଗାଁର ନାଉରୀ ମୁଣ୍ଡାଙ୍କ ୧୨ ବର୍ଷୀୟ ପୁଅ ଆଦିତ୍ୟ ।
ସୂଚନା ମୁତାବକ, ନାଉରୀ ବାହାର ରାଜ୍ୟରେ ରହି କାମ କରୁଥିବା ବେଳେ ତା ସ୍ତ୍ରୀ ଓ ମା ସ୍ଥାନୀୟ ହାଟକୁ ଯାଇଥିଲେ । ଏହି ସମୟରେ ନାଉରୀ ମୁଣ୍ଡାଙ୍କ ୧୨ ବର୍ଷୀୟ ପୁଅ ଆଦିତ୍ୟ ସାଙ୍ଗ ମାନଙ୍କ ସହିତ ପୋଖରୀକୁ ଯାଇଥିଲା । ପୋଖରୀର ଗଭୀର ପାଣିରେ ହଠାତ ବୁଡ଼ିଯାଇଥିଲା । ଏହା ଦେଖି ଅନ୍ୟ ସାଙ୍ଗମାନେ ତାଙ୍କୁ ବଞ୍ଚାଇବାକୁ ଉଦ୍ୟମ କରିଥିଲେ ଏବଂ ଗାଁ ଲୋକଙ୍କୁ ଡାକି ଆଣିଥିଲେ । ଖବର ପାଇ ପରିବାର ଲୋକେ ମଧ୍ୟ ଘଟଣା ସ୍ଥଳରେ ପହଞ୍ଚିଥିଲେ । ଏହାରି ଭିତରେ ସ୍ଥାନୀୟଲୋକେ ଆଦିତ୍ୟକୁ ଗାଁ ପୋଖରୀରୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ ।
