ନୂଆଦିଲ୍ଲୀ,୦୨/୧୧: ସବୁବେଳେ ନିଜର ନିଆରା କଥାକୁ ନେଇ ଚର୍ଚ୍ଚାରେ ଥାନ୍ତି କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ । ନାଗପୁରରେ ଏକ କାର୍ଯ୍ୟକ୍ରମରେ ଟଙ୍କାକୁ ନେଇ ଦେଇଥିବା ବୟାନ ପାଇଁ ଚର୍ଚ୍ଚାରେ ଅଛନ୍ତି । ନାଗପୁରରେ ଶିଳ୍ପ ବିକାଶ ସଂଘ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ନୀତିନ ଗଡକରୀ ଯୋଗ ଦେଇ ସେ କହିଛନ୍ତି ଯେ, ଭାରତରେ ଟଙ୍କାର ଅଭାବ ନାହିଁ, ବରଂ ଶ୍ରମିକଙ୍କ ଅଭାବ ଅଛି । ମୋ ପାଖରେ ୧୫ ଲକ୍ଷ କୋଟି ଟଙ୍କା ପଡ଼ି ରହିଛି, କିନ୍ତୁ ମୁଁ ଏହାକୁ ଖର୍ଚ୍ଚ କରିପାରୁନାହିଁ । ବଜାରରେ ଟଙ୍କା ଉପଲବ୍ଧ ଅଛି ହେଲେ ଶ୍ରମିକ ନାହାନ୍ତି । ଯଦି ତୁମେ ବଜାର ଯିବ, ସେଠାରେ ଟଙ୍କା ଧରି ଛିଡ଼ା ହୋଇଥିବା ଲୋକଙ୍କୁ ପାଇବ ।
କେନ୍ଦ୍ରମନ୍ତ୍ରୀ ନୀତିନ ଗଡକରୀ ଆହୁରି କହିଛନ୍ତି, '' ଯେତେବେଳେ ତୁମେ କାମ ଆରମ୍ଭ କରିବ,ଜାଣିବ ଯେ ଏତେ ଲୋକ ଆସିବେ ଏବଂ ଏତେ ଚାକିରି ସୃଷ୍ଟି ହେବ ଯେ ତୁମେ ସେମାନଙ୍କୁ ଯୋଗାଇ ପାରିବ ନାହିଁ । ଭାରତରେ ଏତେ ସମ୍ଭାବନା ଅଛି ଯେ ଯଦି କାମ ଆରମ୍ଭ କରାଯାଏ, ତେବେ ଏହା ଦେଶର ଚିତ୍ର ବଦଳାଇ ପାରିବ । ସରକାରଙ୍କ ପାଖରେ ଟଙ୍କା ଅଛି, କିନ୍ତୁ ଶ୍ରମିକଙ୍କ ଅଭାବ ଅଛି । ଶିଳ୍ପପତିମାନଙ୍କୁ ଆଗକୁ ଆସି ଦେଶର ବିକାଶରେ ଯୋଗଦାନ ଦେବାକୁ ହେବ । ''
୫ ବର୍ଷରେ ୫ ଲକ୍ଷ ନିଯୁକ୍ତି- ଅନେକ ଲୋକଙ୍କୁ ରୋଜଗାର ମିଳିବ । ଆମେ ୫ ଲକ୍ଷର ନିଯୁକ୍ତି ଟାର୍ଗେଟ ରଖିଛୁ । ଆଗାମୀ ୫ ବର୍ଷରେ ୫ ଲକ୍ଷ ରୋଜଗାର ସଂକଳ୍ପ ହୋଇଛି । ଏହା ପୂରଣ କରିବାକୁ ପ୍ରୟାସ କରିବା ଦରକାର । ଏହା କିଛି ବଡ଼ କଥା ନୁହେଁ । କାମ କରିବା ଆରମ୍ଭ କରିବା ପରେ, ଆପଣ ଏହି ଅଞ୍ଚଳରେ ଥିବା ସମ୍ଭାବନାକୁ ଅନୁଭବ କରିବେ । ଏତେ ସୁଯୋଗ ସୁଯୋଗ ସୃଷ୍ଟି ହେବ ଯେ ତାହାକୁ ପୂରଣ କରିପାରିବେ ନାହିଁ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।
କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କ ବୟାନ ଭାରତରେ ଆର୍ଥିକ ଅଭିବୃଦ୍ଧି ଏବଂ ଭିତ୍ତିଭୂମି ବିକାଶର ଗୁରୁତ୍ୱକୁ ଗୁରୁତ୍ୱ ଦେଇଛି । ତାଙ୍କ ବକ୍ତବ୍ୟ ସ୍ପଷ୍ଟ କରେ ଯେ, ସରକାରଙ୍କ ପାଖରେ ଯଥେଷ୍ଟ ଟଙ୍କା ଅଛି କେବଳ ବିନିଯୋଗର ଆବଶ୍ୟକତା ରହିଛି । ଏବେ ଦେଖିବାକୁ ବାକି ରହିଲା ଯେ ସରକାର ଏବଂ ଶିଳ୍ପପତିମାନେ ମିଶି ଦେଶକୁ ବିକାଶ କରିବା ପାଇଁ କ’ଣ ପଦକ୍ଷେପ ନେଉଛନ୍ତି ।
