ଭୁବନେଶ୍ୱର,୨୬/୦୯: ୱଣ୍ଡର୍ଲା ଆମ୍ୟୁଜ୍ମେଣ୍ଟ ପାର୍କ ପକ୍ଷରୁ ପ୍ରଥମ ବର୍ଷ ପୂର୍ତ୍ତି ପାଳନ କରାଯାଉଛି । ଏହି ଅବସରରେ ପାର୍ବଣ କାର୍ଯ୍ୟକ୍ରମ ଓ ପୂଜାର ବିଶେଷ ଅଫର ଘୋଷଣା କରାଯାଇଛି । ଏହି ସ୍ୱତନ୍ତ୍ର ଦିବସକୁ ପାଳନ କରିବା ପାଇଁ ଭୁବନେଶ୍ୱର ୱଣ୍ଡର୍ଲା ପକ୍ଷରୁ ଏକ ବିଶେଷ ପୂଜା ପାସ୍ର ଶୁଭାରମ୍ଭ କରାଯାଇଛି । ଏହି ପାସ୍କୁ ୭୯୯ ଟଙ୍କା ଦେଇ ଅନ୍ଲାଇନ ମାଧ୍ୟମରେ ବୁକିଂ କରାଯାଇପାରିବେ । ଏହାକୁ ସେପ୍ଟେମ୍ବର ୨୭ ତାରିଖରୁ ଅକ୍ଟୋବର ୭ ତାରିଖ ମଧ୍ୟରେ ବ୍ୟବହାର କରିହେବ । ଏଥିରେ ରାଇଡ୍ ସହ ଉଚ୍ଚ ଶକ୍ତିର ର୍ୟାପର ସୋ’, ରୋମାଞ୍ଚକାରୀ ପାଇକ ଆଖଡ଼ା କାର୍ଯ୍ୟକ୍ରମ, ଖୋଲା ଆକାଶ ତଳେ ଡିଜେ ନାଇଟ୍ ଭଳି କାର୍ଯ୍ୟକ୍ରମକୁ ଉପଭୋଗ କରିବାର ସୁଯୋଗ ମିଳିବ । ଏନେଇ ୱଣ୍ଡର୍ଲା ଭୁବନେଶ୍ୱର ଶାଖା ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
ଆୟୋଜିତ ସାମ୍ବାଦିକ ସମ୍ମିଳନୀରେ ୱଣ୍ଡର୍ଲା ହଲିଡେଜ୍ ଲିମିଟେଡ୍ର କାର୍ଯ୍ୟନିର୍ବାହୀ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଅରୁନ୍ କେ ଟିଟିଲ୍ଲାପଲ୍ଲି କହିଛନ୍ତି, ୱଣ୍ଡର୍ଲା ୨୦୨୪ ସେପ୍ଟେମ୍ବରରେ ଏହାର ଉଦ୍ଘାଟନ ହୋଇଥିଲା । ଏଯାଏ ୨.୬୪ ଲକ୍ଷରୁ ଅଧିକ ବ୍ୟକ୍ତି ଏହାକୁ ଆସିଛନ୍ତି । ଚଳିତବର୍ଷ ଜୁନ୍ ସୁଦ୍ଧା ୧୧୨ଟି ଶିକ୍ଷାନୁଷ୍ଠାନ, ୪୧୩ଟି କର୍ପୋରେଟ ଗ୍ରୁପ୍ ପରିଦର୍ଶନ କରିଛନ୍ତି ।
‘ପଙ୍କି ମଙ୍କି’ ଓ ‘ୱଣ୍ଡର୍ଲା’ ଦୁଇଟି ନୂତନ ରେମାଞ୍ଚକାରୀ ରାଇଡ୍ ସହ ଆମ୍ୟୁଜ୍ମେଣ୍ଟ ପାର୍କ ଭାବେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛି। ସଂସ୍ଥାର ମୁଖ୍ୟ ପରିଚାଳନା ଅଧିକାରୀ ଧୀରେନ୍ ଚୌଧୁରୀ କହିଛନ୍ତି, ଏହି ଦୁର୍ଗା ପୂଜାରେ ଗ୍ରାହକମାନେ ସ୍ମରଣ କରିବେ । ଅନୁଷ୍ଠାନ ପକ୍ଷରୁ ବିଭିନ୍ନ ସାମାଜିକ କାର୍ଯ୍ୟକ୍ରମ କରାଯାଉଛି । ଏହି ପୂଜା ଅଫର ବୁକିଂ ପାଇଁ ୱଣ୍ଡର୍ଲାର ୱେବ୍ସାଇଟ୍ www.wonderla.com ଫୋନ୍ ନମ୍ବର - ୦୬୭୪ - ୬୬୪୦୩୦ ରେ ଯୋଗାଯୋଗ କରିପାରିବେ।
