ମୁମ୍ୱାଇ : ଆଜି ମଧ୍ୟ ଲୋକେ ବଲିଉଡର ଶେହେନଶାହ ଅମିତାଭ ବଚ୍ଚନଙ୍କ ଗୋଟିଏ ଝଲକ ପାଇବାକୁ ବ୍ୟାକୁଳିତ। ତାଙ୍କୁ ଦେଖିବାକୁ ଘଣ୍ଟା ଘଣ୍ଟା ଅପେକ୍ଷା କରନ୍ତି। ଅମିତାଭ ବଚ୍ଚନ ପ୍ରାୟତଃ ପ୍ରତି ରବିବାର ତାଙ୍କ ଘର ଜଳସାର ବାହାରେ ପ୍ରଶଂସକଙ୍କୁ ଦେଖା କରିବାକୁ ଚାଲି ଆସନ୍ତି, ଯାହାକି ଏହିପରି ଅନେକ ଦିନରୁ ଚାଲି ଆସୁଛି। ଏହି ସମୟରେ, ହଜାର ହଜାର ଲୋକ ତାଙ୍କ ଘର ସାମ୍ନାରେ ଏକାଠି ହୁଅନ୍ତି ଏବଂ ବିଗ୍ ବି ବାଲକୋନି କିମ୍ବା ଗେଟ୍ ପାଖକୁ ଆସି ସମସ୍ତଙ୍କୁ ହାତ ଯୋଡ଼ି ନମସ୍କାର କରନ୍ତି। ବିଗତ ଦିନରେ ତାଙ୍କର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇ ଥିଲା।
ଆହୁରି ମଧ୍ୟ ପଢନ୍ତୁ : ହଜି ଯାଇଥିବା ପିଲାକୁ ପରିବାର ସହ ମିଳାଇଲେ ସୋନୁ ନିଗମ , ହାତ ଧରି ଷ୍ଟେଜରେ ଗାଇଲେ ଗୀତ
ଭିଡିଓରେ ଦେଖିବାକୁ ମିଳୁଛି ଯେ, ଅମିତାଭ ବଚ୍ଚନ ଏବଂ ରବିବାର ଜଲସା ବାହାରେ ପ୍ରଶଂସକଙ୍କ ଭିଡ଼ ଜମିଛି। ଏହାସହ ତାଙ୍କର (ଅମିତାଭ) ପଡ଼ୋଶୀ ନିର୍ମିତ ଜେସରାନି ମଧ୍ୟ ନଜର ଆସୁଥିଲେ ,ଯିଏକି ପାଖ ବିଲ୍ଡିଂରେ ରୁହନ୍ତି। ଭିଡିଓରେ ଜେସରାନି ଅଭିନେତାଙ୍କ ବିନମ୍ରତା ଏବଂ ଅନେକ ଦିନରୁ ଚାଲି ଆସୁଥିବା ଏହି ପରମ୍ପରା ବିଷୟରେ ମଧ୍ୟ କହି ଥିଲେ ଏବଂ ଲେଖିଥିଲେ ଯେ, ତାଙ୍କର ପଡ଼ୋଶୀମାନେ ମଧ୍ୟ ତାଙ୍କୁ ଭେଟିବାକୁ ଆସି ଥା’ନ୍ତି। ଏବେ ଭିଡିଓଟି ଭାଇରାଲ ହେବା ପରେ, ନିର୍ମିତଙ୍କୁ ଅମିତାଭ ବଚ୍ଚନଙ୍କୁ ଭେଟିବାର ସୁଯୋଗ ମିଳି ଯାଇଥିଲା।
ଏହି ଭିଡ଼ିଓଟି ଏତେ ଜୋରରେ ଭାଇରାଲ ହୋଇଛି ଯେ, ଲକ୍ଷ ଲକ୍ଷ ଲୋକେ ଏହାକୁ ଦେଖିବା ସହ ପସନ୍ଦ କରିଛନ୍ତି। ଏହାପରେ ଯେତେବେଳେ ଅମିତାଭ ବଚ୍ଚନଙ୍କ ଟିମର ସଦସ୍ୟଙ୍କୁ ଏହି ଭାଇରାଲ ପୋଷ୍ଟଟି ମିଳିଲା, ତ ସେ ଏହା ଉପରେ ପ୍ରତିକ୍ରିୟା ଦେଇଥିଲେ ଏବଂ ନିର୍ମିତଙ୍କୁ ୮ ଫେବ୍ରୁଆରୀ ୨୦୨୬ରେ ଜଲସାରେ ଏକ ଭେଟଘାଟ ପାଇଁ ଡ଼କାଯାଇ ଥିଲା। ଏହା ସାକ୍ଷାତ୍ ସନ୍ଧ୍ୟା ୫ଟାରେ ହୋଇଥିଲା। ନିର୍ମିତ ଅମିତାଭ ବଚ୍ଚନଙ୍କ ସହ ସେମାନଙ୍କର ସାକ୍ଷାତର ଫଟୋ ସେୟାର କରିଛନ୍ତି , ଯେଉଁଥିରେ ସେ ପାଇଥିବା ଏକ ଅଟୋଗ୍ରାଫ୍ ମଧ୍ୟ ରହି ଥିଲା।
ଏହି ସାକ୍ଷାତର ଏକ୍ସପେରିଏନ୍ସକୁ ପ୍ରକାଶ କରି ନିର୍ମିତ ଲେଖିଛନ୍ତି – ମୁଁ ବିଶ୍ୱାସ କରି ପାରୁନାହିଁ। ମୁଁ ମହାନ ଅଭିନେତା ଅମିତାଭ ବଚ୍ଚନଙ୍କୁ ଭେଟିବାର ସୁଯୋଗ ପାଇଲି। ମୁଁ ଏଥିପାଇଁ ଗଭୀର କୃତଜ୍ଞ। ତାଙ୍କର ପ୍ରେମ ଏବଂ ସରଳତା ପ୍ରକୃତରେ ହୃଦୟସ୍ପର୍ଶୀ ଥିଲା। ମୁଁ ତାଙ୍କ ଘର ବାହାରେ ରବିବାର ତାଙ୍କୁ ଦେଖିଥିଲି ଏବଂ ସତ କହିବାକୁ ଗଲେ ମାହୋଲ ଅଜବ ଧରଣର ଥିଲା। ଏହି ଅଭିଜ୍ଞତା ସର୍ବଦା ସ୍ମରଣୀୟ ହୋଇ ରହିବ।
