ମନମୁଣ୍ଡା, ୫/୬ : ଗଞ୍ଜେଇ କ୍ଷେତ୍ରରେ ମନମୁଣ୍ଡା ପୁଲିସକୁ ଏକ ବଡ଼ ସଫଳତା । ରାଜ୍ୟ ବାହାରକୁ ଅଭିନବ ଢଙ୍ଗରେ ଗଞ୍ଜେଇ ଚୋରା ଚାଲାଣବେଳେ ଗଞ୍ଜେଇ ଓ ଗାଡ଼ି ଜବତ ସହ ରାଜ୍ୟ ବାହାର ମାଫିଆକୁ ଗିରଫ କରିଛି । ବୁଧବାର ଶଗଡ଼ା ଦିଗରୁ ଏକ ପଶ୍ଚିମବଙ୍ଗ ନଂ ଥିବା ଆଇଚର୍ ଗାଡ଼ି ମନମୁଣ୍ଡା ଆଡ଼କୁ ଆସିବାବେଳେ ମନମୁଣ୍ଡା ବାଇପାସ୍ ନିକଟ ଶଗଡ଼ା ରାସ୍ତାରେ ପୁଲିସ ହାବୁଡରେ ପଡ଼ିଥିଲା।
ପଶ୍ଚିମବଙ୍ଗ ଗାଡ଼ି ନଂ ଦେଖି ପୁଲିସ ଗାଡ଼ି ଯାଞ୍ଚ କରିଥିଲା । ପନି ପାରିବା ପ୍ଲାଷ୍ଟିକ ଟ୍ରେ ଭିତରେ ବସ୍ତାରେ ଗଞ୍ଜେଇ ଥିବା ପୁଲିସ ଦେଖିବାକୁ ପାଇ ଗାଡ଼ି ସହ ତାହାକୁ ଜବତ କରିଥିଲା ଏବଂ ଗାଡ଼ି ଚାଳକ ଅଭିଯୁକ୍ତ ବିହାର ରାଜ୍ୟ ରୋହତକ ଜିଲ୍ଲା ଦରିଗାୱାଁ ଗ୍ରାମର ଅମିତ କୁମାରକୁ ପୁଲିସ ଗିରଫ କରିଥିଲା। ଗଞ୍ଜେଇ ଓଜନ କରିବାରୁ ୨.୯୦ କୁଇଣ୍ଟାଲ ହୋଇଥିଲା । ଏ ନେଇ ଥାନାରେ ଏକ ମାମଲା ନଂ ୧୮୬ରୁଜୁ କରାଯାଇ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଥିବା ଆଇଆଇସି ଅଞ୍ଜଳି ବିଶ୍ଵାଳଙ୍କଠାରୁ ଜାଣିବାକୁ ମିଳିଛି।
