ମୁମ୍ବାଇ,୧୮\୭ : ସଲମାନ ଖାନ୍ ଙ୍କ ପରେ ଲରେନ୍ସ ବିଷ୍ନୋଇ ଗ୍ୟାଙ୍ଗର ଟାର୍ଗେଟରେ ଆମିର ଖାନ୍ । ଲରେନ୍ସ ବିଷ୍ନୋଇ ଗ୍ୟାଙ୍ଗ ପକ୍ଷରୁ ଆରଜୁ ବିଷ୍ନୋଇ ଏବଂ ଟାଇସନ ବିଷ୍ନୋଇ ସୋସିଆଲ ମିଡିଆରେ ଆମିର ଖାନଙ୍କୁ ଧମକ ଦେଇ ପୋଷ୍ଟ ଏବଂ ଅଡିଓ ମେସେଜ ପଠାଇଛନ୍ତି । ଏବେଯାଏଁ ସୋସିଆଲ ମିଡିଆ ପୋଷ୍ଟ ଏବଂ ଅଡିଓର ସତ୍ୟତାକୁ ଯାଞ୍ଚ କରାଯାଇ ପାରି ନାହିଁ ।
ଲରେନ୍ସ ବିଷ୍ନୋଇ ଗ୍ୟାଙ୍ଗ୍ ଠାରୁ ଆମିର ଖାନ୍ ଙ୍କୁ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଯେଉଁ ଧମକ ମିଳିଛି ସେଥିରେ ଲେଖା ଅଛି, "ଜୟ ଶ୍ରୀ ରାମ, ଜୟ ସୀତା ରାମ । "ମୁଁ, ଆରଜୁ ବିଷ୍ନୋଇ, ଏବଂ ଟାଇସନ ବିଷ୍ନୋଇ (ଲରେନ୍ସ ବିଷ୍ନୋଇ ଗ୍ରୁପ୍) ଆମ ସଂସ୍କୃତି ବିରୁଦ୍ଧରେ ଆମ ଦେଶରେ 'ଲଭ୍ ଜିହାଦ' ନାମରେ ଆମିର ଖାନ୍ ଙ୍କ ପରି ଲୋକମାନେ ଏପରି ବିବାହକୁ ପ୍ରୋତ୍ସାହିତ କରୁଛନ୍ତି । ଏହି କୁକୁରକୁ ଆମେ ସହ୍ୟ କରିବୁ ନାହିଁ ଏବଂ ଖୁବ୍ ଶୀଘ୍ର ଉଚିତ ଜବାବ ଦିଆଯିବ । ଏହା ଆମର ସନାତନ ଧର୍ମ ଏବଂ ଆମ ଦେଶ ବିରୁଦ୍ଧରେ ।
