ନୂଆଦିଲ୍ଲୀ – ଆମ୍‌ ଆଦମୀ ପାର୍ଟିର ନେତା ତଥା ଦିଲ୍ଲୀର ଉତ୍ତମ ନଗରରୁ ବିଧାୟକ ନରେଶ ବାଲିୟନଙ୍କର ମୁସ୍କିଲ ବଢିବାରେ ଲାଗିଛି, ନରେଶ ବାଲିୟାନଙ୍କୁ ଦିଲ୍ଲୀ ପୁଲିସର କ୍ରାଇମ୍‌ ବ୍ରାଞ୍ଚ ଗିରଫ କରିଛି। ବର୍ଷେ ପୂର୍ବର ପୁରୁଣା ଜୋରଜବରଦସ୍ତ ଅର୍ଥ ଆଦାୟ କେସ୍‌ରେ ତାଙ୍କୁ ପୋଲିସ ପ୍ରଥମେ ହେପାଜତକୁ ନେଇଥିଲା, କିନ୍ତୁ ପରେ ଗିରଫ କରିଛି। ନରେଶ ବାଲିୟାନ ଓ ଗ୍ୟାଙ୍ଗଷ୍ଟର କପିଲ ସାଙ୍ଗୱାନ ଓରଫ ନନ୍ଦୁଙ୍କ କଥିତ ଭାଇରାଲ ଅଡ଼ିଓର ମାମଲାରେ ପୁଲିସ ପଚରାପଚରି କରୁଛି।

କ୍ରାଇମ୍‌ ବ୍ରାଞ୍ଚ ସୂତ୍ରାନୁସାରେ , ବିଧାୟକ ନରେଶ ବାଲିୟନ ପଚରାପଚରିରେ ସହଯୋଗ କରୁ ନଥିଲେ, ଏଥିପାଇଁ ତାଙ୍କୁ ଗିରଫ କରାଯାଇଛି, ଏବେ ପୁଲିସ କାଲି ବାଲିୟାନଙ୍କୁ କୋର୍ଟରେ ହାଜର କରିବାକୁ ରିମାଣ୍ଡ ମାଗି ପାରେ। 

ଗ୍ୟାଙ୍ଗଷ୍ଟର କପିଲ ସାଙ୍ଗୱାନ କିଏ ? 

କହି ରଖୁଛୁ କି , କପିଲ ସାଙ୍ଗୱାନ ଓରଫ ନନ୍ଦୁ ଜଣେ କୁଖ୍ୟାତ ଗ୍ୟାଙ୍ଗଷ୍ଟର , ସେ ବର୍ତ୍ତମାନ ୟୁକେରେ ଅଛି, କପିଲ ଦିଲ୍ଲୀର ନଜଫଗଡରେ ରହୁଥିଲା। ତା ବିରୋଧରେ ୨୦ରୁ ଅଧିକ ମାମଲା ରୁଜୁ ହୋଇଛି। ହରିଆଣାର ନଫେ ସିଂହ ହତ୍ୟାକାଣ୍ଡରେ କପିଲ ସାଙ୍ଗୱାନ ହେଉଛି ମାଷ୍ଟରମାଇଣ୍ଡ। କେବଳ ଏତିକି ନୁହେଁ , କପିଲ ସାଙ୍ଗୱାନ ବିଜେପି ନେତା ସୁରେନ୍ଦ୍ର ମାଟିୟାଲା ହତ୍ୟାକାଣ୍ଡରେ ମଧ୍ୟ ମାଷ୍ଟରମାଇଣ୍ଡ। ନନ୍ଦୁ ଗତ ୫ ବର୍ଷରେ ୟୁକେରେ ରହିଛି । ଏହା ପୂର୍ବରୁ ସେ ଦିଲ୍ଲୀ ଜେଲ୍‌ରେ କଏଦ ଥିଲା। କପିଲ ସାଙ୍ଗୱାନା ଦିଲ୍ଲୀ –ଏନସିଆରରେ ଏକ୍ସଟର୍ସନ କରି ଥାଏ ଏବଂ ହତ୍ୟାକାଣ୍ଡ କରାଇ ଥାଏ। ୨୦୨୩ରେ ସେ ଦିଲ୍ଲୀର ଉତ୍ତମ ନଗରରେ ବିଜେପି ନେତାଙ୍କ ହତ୍ୟା କରାଇ ଥିଲା।