ନୂଆଦିଲ୍ଲୀ,୨୫/୦୪; ରାଘବ ଚଢ଼ାଙ୍କ ସମେତ ଆମ୍ ଆଦ୍ମୀ ପାର୍ଟି(ଆପ୍)ର ୭ ରାଜ୍ୟସଭା ସାଂସଦ ଶୁକ୍ରବାର ଆପ୍ ଛାଡି଼ଛନ୍ତି । ଅନ୍ୟ ସାଂସଦଙ୍କ ମଧ୍ୟରେ ଅଛନ୍ତି ଅଶୋକ ମିତ୍ତଲ, ସନ୍ଦୀପ ପାଠକ, ହରଭଜନ ସିଂହ, ସ୍ୱାତୀ ମାଲିୱାଲ, ରାଜିନ୍ଦର ଗୁପ୍ତା ଓ ବିକ୍ରମ ସାହନି । ଇସ୍ତଫାର କିଛି ଘଣ୍ଟା ପରେ ଚଢ଼ା, ମିତ୍ତଲ ଓ ପାଠକ ବିଜେପିରେ ସାମିଲ ହୋଇଛନ୍ତି । ନୂଆଦିଲ୍ଲୀସ୍ଥିତ ବିଜେପି ମୁଖ୍ୟାଳୟରେ ଦଳୀୟ ଅଧ୍ୟକ୍ଷ ନୀତୀନ ନବୀନଙ୍କ ଉପସ୍ଥିତିରେ ଏହି ସାଂସଦମାନେ ପଦ୍ମ ଧରିଛନ୍ତି । ଦୁର୍ନୀତି ବିରୋଧୀ ଆନ୍ଦୋଳନ ଏବଂ ଜନସାଧାରଣଙ୍କ ବିଶ୍ୱାସରୁ ଜନ୍ମିତ ଆମ ଆଦମୀ ପାର୍ଟି ଏବେ ସବୁଠାରୁ ନାଟକୀୟ ଆଭ୍ୟନ୍ତରୀଣ ବିଦ୍ରୋହ ଅନୁଭବ କରୁଛି । ୭ ଜଣ ଆପ୍ ସାଂସଦ ବିଜେପିରେ ମିଶି ପରେ ବଡ଼ ରାଜନୈତିକ ଅସ୍ଥିରତା ସୃଷ୍ଟି ହୋଇଛି ।
ଚଢା ଦାବି କରିଥିଲେ ଯେ ହରଭଜନ ସିଂହ, ସ୍ୱାତୀ ମାଲିୱାଲ, ରାଜିନ୍ଦର ଗୁପ୍ତା ଏବଂ ବିକ୍ରମ ସାହାଣୀଙ୍କ ସମେତ ୧୦ ଜଣ ରାଜ୍ୟସଭା ସାଂସଦଙ୍କ ମଧ୍ୟରୁ ସାତ ଜଣ ତାଙ୍କ ସହିତ ଅଛନ୍ତି । ଏହି ସାଂସଦମାନେ ରାଜ୍ୟସଭା ଅଧ୍ୟକ୍ଷଙ୍କୁ ଏକ ଆନୁଷ୍ଠାନିକ ଚିଠି ପଠାଇଛନ୍ତି ଯେ ସେମାନେ ନିଜର ସଂସଦୀୟ ପରିଚୟକୁ ବିଜେପି ସହିତ ମିଶ୍ରଣ କରି ଦଳ ପରିବର୍ତ୍ତନ ବିରୋଧୀ ଆଇନକୁ ଏଡାଇବା ପାଇଁ ଦୁଇ-ତୃତୀୟାଂଶ ବହୁମତ ସଂଖ୍ୟା ଅତିକ୍ରମ କରି ରାଜ୍ୟସଭାରେ ଏନଡିଏର ସଂଖ୍ୟା ୧୪୧ରୁ ୧୪୮କୁ ବୃଦ୍ଧି କରିଛନ୍ତି । ରାଘବଙ୍କ ସମେତ ୭ ଜଣ ଆପ୍ ସାଂସଦଙ୍କ ବିଦାୟ ପଞ୍ଜାବ ବିଧାନସଭା ନିର୍ବାଚନ ସହିତ ଜଡ଼ିତ ଥିବା ପରି ମନେ ହେଉଛି ।
ଗତ କିଛି ମାସ ଧରି, ଏପରି ସୂଚନା ମିଳୁଥିଲା ଯେ ବିଜେପି ପଞ୍ଜାବର କିଛି ପ୍ରମୁଖ ରାଜନୈତିକ ନେତାଙ୍କ ଦଳତ୍ୟାଗକୁ ସହଜ କରିବା ପାଇଁ ଯୋଜନା କରୁଛି, ଏବଂ ଦଳ ଏହି ପଦକ୍ଷେପ କାର୍ଯ୍ୟକାରୀ କରିବା ପାଇଁ ସଠିକ୍ ମୁହୂର୍ତ୍ତକୁ ଅପେକ୍ଷା କରୁଛି। ଏବଂ ବିଜେପି ସାମ୍ବାଦିକ ସମ୍ମିଳନୀକୁ ନେଇ ଟିକେ ବ୍ୟସ୍ତ ଥିଲା; ଆଲୋଚନା ପାଇଁ ସ୍ଥାନ ଚୂଡ଼ାନ୍ତ ହୋଇଯାଇଥିଲା ଏବଂ ମାଇକ୍ରୋଫୋନ୍ ପ୍ରସ୍ତୁତ ଥିଲା । ତା ପରେ ହସି ହସି ରାଘବ ଚଢା, ସନ୍ଦୀପ ପାଠକ ଏବଂ ଆଶୋକ ମିତ୍ତଲ ଉଭା ହେଲେ ।
୨/୩ ର ଗଣିତ - ରାଜନୈତିକ ବିଶେଷଜ୍ଞଙ୍କ ମତରେ, ୧୦ ଜଣ ସାଂସଦଙ୍କ ମଧ୍ୟରୁ ୭ଜଣଙ୍କ ଏକକାଳୀନ ବିଦାୟକୁ ବୈଷୟିକ ଭାବରେ "ମିଳନ" ଭାବରେ ବିବେଚନା କରାଯିବ, ଯାହା ସେମାନଙ୍କ ସଦସ୍ୟତାକୁ ବିପଦରେ ପକାଇବ ନାହିଁ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନଙ୍କର ସମ୍ମତି ପାଇବା ପରେ ରାଜ୍ୟସଭା ସଚିବାଳୟ ଏବେ ଏ ସମ୍ପର୍କରେ ଏକ ଆନୁଷ୍ଠାନିକ ବିଜ୍ଞପ୍ତି ଜାରି କରିବ । ଭାରତୀୟ ଗେଜେଟରେ ବିଜ୍ଞପ୍ତି ପ୍ରକାଶିତ ହେବା ପରେ, ସମସ୍ତ ୭ ଜଣ ସାଂସଦଙ୍କୁ ଆନୁଷ୍ଠାନିକ ଭାବରେ ବିଜେପିର ସଦସ୍ୟ ଭାବରେ ବିବେଚନା କରାଯିବ । ବର୍ତ୍ତମାନ, ରାଘବ ଚଢା, ସନ୍ଦୀ ପାଠକ ଏବଂ ଅଶୋକ ମିତ୍ତଲ ଦଳର ସଭାପତିଙ୍କୁ ଭେଟିଛନ୍ତି । ଯେତେବେଳେ ବାକି ଚାରି ଜଳ ସାଂସଦ ଆଗାମୀ କିଛି ଦିନ ମଧ୍ୟରେ ବରିଷ୍ଟ ନେତୃତ୍ୱଙ୍କୁ ଭେଟିବେ । ଦୁଇ- ତୃତୀୟାଂଶ ଉପରେ ଗୁରୁତ୍ୱ ଦିଆଯାଉଛି କାରଣ ଏହା ଦଳ ପରିବର୍ତ୍ତନ ବିରୋଧୀ ଆଇନର ଉଲ୍ଲଂଘନ କରେ ।
ଏହା ବି ପଢନ୍ତୁ...ରାଘବ ଚଢ଼ାଙ୍କ ସହ ଆପ୍ ଛାଡ଼ିଥିବା ୭ ସାଂସଦ କିଏ ?
ବିଜେପିର ନଜର ପଞ୍ଜାବ ଉପରେ- ସୂତ୍ର ଅନୁସାରେ ବିଜେପି ଏବେ ସମ୍ପୂର୍ଣ୍ଣ ଭାବରେ ପଞ୍ଜାବ ଉପରେ ଧ୍ୟାନ ଦେଇଛି । ବିଡମ୍ବନାର ବିଷୟ ହେଉଛି, ଯେଉଁ ରଣନୀତିକାରମାନେ ୨୦୨୨ ମସିହାରେ ପଞ୍ଜାବରେ ଆପକୁ ସରକାର ଗଠନ କରିବାରେ ସାହାଯ୍ୟ କରିଥିଲେ ସେମାନେ ବିଜେପିକୁ ନେତୃତ୍ୱ ଦେଉଛନ୍ତି । ସୂତ୍ର ଅନୁଯାୟୀ ରାଘବ ଚଢା ଏବଂ ସନ୍ଦୀପ ପାଠକ କିଛି ମାସ ଧରି ବିଜେପି ସହିତ ସମ୍ପର୍କରେ ଥିଲେ । ବିଜେପି ଏବେ ପଞ୍ଜାବର ବିଭିନ୍ନ ଭୋଟର ଗୋଷ୍ଠୀକୁ ଆକର୍ଷିତ କରିବା ପାଇଁ ଆହୁରି ଅନେକ ବଡ ନେତା, ସାମାଜିକ କର୍ମୀ ଏବଂ ଧାର୍ମିକ ସଂଗଠନର ସଦସ୍ୟଙ୍କୁ ନିଯୁକ୍ତି ଦେବାକୁ ଯୋଜନା କରୁଛି ।
ନୀତିନ ନବୀନଙ୍କ ପ୍ରଥମ ମାଷ୍ଟରଷ୍ଟୋକ୍- ନୂଆ ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କ ଅଧୀନରେ ଏହା ପ୍ରଥମ ପ୍ରମୁଖ ରାଜନୈତିକ ମିଶ୍ରଣ । ନୀଳ ଜ୍ୟାକେଟ୍ ପିନ୍ଧି ସନ୍ଧ୍ୟା ୫ଟାରେ ଆତ୍ମବିଶ୍ୱାସର ସହିତ ବିଜେପି ମୁଖ୍ୟାଳୟରେ ପହଞ୍ଚିବା ପରେ ତାଙ୍କ ମୁହଁରେ ବିଜୟର ହସ ସ୍ପଷ୍ଟ ଦେଖାଯାଉଥିଲା। ୨୭ ବର୍ଷ ପରେ ଦିଲ୍ଲୀରେ କ୍ଷମତାକୁ ଫେରିବା ଏବଂ ଏବେ ପଞ୍ଜାବ ସାଂସଦମାନଙ୍କୁ ଏକାଠି କରିବା ତାଙ୍କ ଆକ୍ରମଣାତ୍ମକ ରଣନୀତିର ଏକ ଅଂଶ ଭାବରେ ଦେଖାଯାଉଛି। ନୂତନ ସଦସ୍ୟମାନଙ୍କୁ ଖୋଲା ହାତରେ ସ୍ୱାଗତ କରାଯିବାର ଫଟୋ ଏବଂ ଭିଡିଓଗୁଡ଼ିକ ଭାରତୀୟ ରାଜନୀତିର କଠୋପ ବାସ୍ତବତାକୁ ପୁନରାବୃତ୍ତି କରେ । କୌଣସି ବିଶ୍ୱସ୍ତତା ସ୍ଥାୟୀ ନୁହେଁ ।
