ହରଭଙ୍ଗା,୨୩/୪ : ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ୫୭ନମ୍ବର ଜାତୀୟ ରାଜପଥ ଦିଗସିରା ନିକଟରେ ବାଇକକୁ ଧକ୍କା ଦେଲା କାର୍ । ଦୁର୍ଘଟଣାରେ ବାଇକ୍ ଅରୋହୀ ଦୁଇ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇପଡ଼ିଛନ୍ତି । ଦୁର୍ଘଟଣା ଘଟାଇ ଘଟଣାସ୍ଥଳରୁ କାର୍ ଡ୍ରାଇଭର ଫେରାର ହୋଇପଡ଼ିଛନ୍ତି । ଗୁରୁତର ଓ ମୃତକଙ୍କୁ ଅଗ୍ନିଶମବାହିନୀ ଉଦ୍ଧାର କରି ପୁରୁଣାକଟକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ବୌଦ୍ଧ ମୁଖ୍ୟ ଡାକ୍ତରଖାନାରେରେ ଭର୍ତ୍ତି କରିଛନ୍ତି। ଘଟଣାସ୍ଥଳରେ ପୁରୁଣାକଟକ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସୂଚନା ଅନୁଯାୟୀ ବୁଧବାର ଅପରାହ୍ନ ସମୟରେ ବୌଦ୍ଧ ପଟୁ ଦ୍ରୁତଗତିରେ ଯାଉଥିବା ଏକ କାର ଚାରିଛକ ପଟରୁ ବାଇକ୍ ଯୋଗେ ପୁରୁଣା କଟକକୁ ଆସୁଥିବା ଗୋଟିଏ ବାଇକରେ ତିନି ଜଣ ବାଇକ ଆରୋହୀଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଜଣେ ବାଇକ ଅରୋହୀଙ୍କ ମୃତ୍ୟ ଘଟିଥିବାବେଳେ ଦୁଇ ଜଣ ଗୁରୁତର ହୋଇପଡ଼ିଥିଲେ । ସମସ୍ତଙ୍କୁ ଅଗ୍ନିଶମବାହିନୀ ଆଣି ପୁରୁଣାକଟକ ସ୍ୱାସ୍ଥ୍ୟକେନ୍ଦ୍ର ଓ ବୌଦ୍ଧ ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ଅନ୍ୟପଟେ ଘଟଣାସ୍ଥଳରେ ପୁରୁଣାକଟକ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ମୃତକ ଦୁଇ ଜଣ ହେଲେ ଗଞ୍ଜାମ ଅଂଚଳର ଜଣେ ଟ୍ରକ ଡ୍ରାଇଭର ଓ ଅନ୍ୟ ଜଣେ ପୁରୁଣାକଟକ ଥାନା ଜାମୁପଦର ଗ୍ରାମର ବିଦ୍ୟାଧର ଦେହୁରୀ ହୋଇଥିବାବେଳେ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସାଧିନ ଗୁରୁତର ସେହି ଗ୍ରାମର ଅଭିନାଶ ପ୍ରଧାନ ବୋଲି ଜଣାପଡ଼ିଛି ।
