ନୂଆଦିଲ୍ଲୀ: ସୁନା ଚୋରା କାରବାରରେ ଫସିବା ପରେ ପ୍ରସିଦ୍ଧ ଦକ୍ଷିଣୀ ଅଭିନେତ୍ରୀ ରାନ୍ୟା ରାଓଙ୍କୁ ପୋଲିସ ବେଙ୍ଗାଲୁରୁ ବିମାନବନ୍ଦରରୁ ଗିରଫ କରିଥିଲା। ସେ ସୋମବାର ମଧ୍ୟରାତ୍ରୀରେ ସେ ଦୁବାଇରୁ ଫେରି ବେଙ୍ଗାଲୁରୁ ବିମାନ ବନ୍ଦରରେ ଚେକ ଆଉଟ କରିବା ସମୟରେ ସନ୍ଦେହ ହେବାରୁ କଷ୍ଟମ ବିଭାଗ ତାଙ୍କୁ ଅଟକ ରଖିଥିଲା। ଖାନତଲାସି ସମୟରେ ତାଙ୍କ ନିକଟରୁ ୧୨ କୋଟି ଟଙ୍କା ମୁଲ୍ୟର ୧୪.୮ କିଲୋ ଓଜନର ସୁନା ଜବତ କରାଯାଇଥିଲା।
ସୂଚନା ମୁତାବକ ରାନ୍ୟା ଗୋଟିଏ ବର୍ଷରେ ୨୭ ଥର ଦୁବାଇ ଯାଆସ କରିଥିଲେ। ରାନ୍ୟାଙ୍କ ଏତେଥର ବିଦେଶ ଗସ୍ତ ରାଜସ୍ୱ ଗୁପ୍ତଚର ନିର୍ଦ୍ଦେଶକ(ଡିଆରଆଇ)ଙ୍କ ଦୃଷ୍ଟି ଆକର୍ଷଣ କରିଥିଲା। ଏଣୁ ସେ ଦୁବାଇରୁ ଫେରିବା ପରେ ବିମାନବନ୍ଦରରେ ପୂର୍ବରୁ ପ୍ରସ୍ତୁତ ଥିବା ଅଧିକାରୀମାନେ ତାଙ୍କୁ ହେପାଜତକୁ ନେଇଥିଲେ। ତେବେ ଗୁରୁବାର ତାଙ୍କ ମାମଲାର ଶୁଣାଣି ବେଳେ ଡିଆରଆଇଙ୍କ ତରଫରୁ ମାମଲା ଲଢୁଥିବା ଓକିଲ ଏହି ମାମଲାରେ ତାଙ୍କ ଭାଗିଦାରି ଓ ସେ କିପରି ସୁନା ଚୋରାକାରବାର କରୁଥିଲେ ସମସ୍ତ ତଥ୍ୟ ଜାଣିବା ପାଇଁ ତାଙ୍କୁ ଡିଆରଆଇ ବିଭାଗ ହେପାଜତକୁ ନେବାପାଇଁ ଦାବି କରିଥିଲେ।
ଅନ୍ୟପଟେ ରାନ୍ୟା ରାଓଙ୍କ ପକ୍ଷରୁ ଲଢୁଥିବା ଓକିଲ ଡିଆରଆଇ ବିଭାଗ ବିଭାଗ ପକ୍ଷରୁ ତାଙ୍କୁ ପର୍ଯ୍ୟାପ୍ତ ପ୍ରଶ୍ନ ପଚରା ସରିଛି ବୋଲି ଅଦାଲତରେ ଦାବି କରିଥିଲେ। ଏଣୁ ତାଙ୍କୁ ଜଳଦି ବାଚାର ବିଭାଗୀୟ ହାଜତକୁ ପଠାଇବା ପାଇଁ ଦାବି କରିଥିଲେ। ରାନ୍ୟାଙ୍କ ଜାମିନ ପରେ ହଠାତ ନିଜ ହେପାଜତକୁ ନେବା କଥା କିପରି ମନେ ପଡିଲା ବୋଲି କହି ରାନ୍ୟାଙ୍କ ଓକିଲ ଡିଆରଆଇ ବିଭାଗକୁ ସମାଲୋଚନା କରିଥିଲେ। ଏହା ସହ ବିଭାଗ ଯଦି ପ୍ରମାଣ ସ୍ୱରୁପ ରାନ୍ୟାଙ୍କ ଲାପଟପକୁ ଜବତ କରି ରଖିଛି ଫୁଣି ତାଙ୍କୁ ହେପାଜତରେ ରଖିବାର ମାନେ କଣ ବୋଲି ରାନ୍ୟାଙ୍କ ଓକିଲ ପ୍ରତିପକ୍ଷଙ୍କୁ ପ୍ରଶ୍ନ ପଚାରିଥିଲେ।
ତେବେ ରାନ୍ୟାଙ୍କ ଜାମିନ ଆବେଦନ ଉପରେ ଅଦାଲତ ଆସନ୍ତା କାଲି ତାଙ୍କ ଫଇସାଲା ଶୁଣାଇବେ। ତେବେ ଏହି ମାମଲା ଏବେ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି।
