ନୂଆଦିଲ୍ଲୀ,୦୯/୦୫: ଚଣ୍ଡିଗଡ଼ରେ ବାଜିଲା ଯୁଦ୍ଧ ସାଇରନ୍‌ । ଗତକାଲିର ଆକ୍ରମଣ ପରେ ଆଜି ପୁଣିଥରେ ଚଣ୍ଡିଗଡରେ ବାଜିଛି ଯୁଦ୍ଧ ସାଇରନ୍  । ଏୟାରଫୋର୍ସ ଷ୍ଟେସନ ପକ୍ଷରୁ ଆଲର୍ଟ ଜାରି କରାଯାଇଛି । ସମସ୍ତ ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଥିବା ବେଳେ ଘଟଣା ଉପରେ କଡ଼ା ନଜର ରଖିଛି ଭାରତୀୟ ସେନା ।

ଆକାଶ ମାର୍ଗରୁ ଆକ୍ରମଣ ନେଇ ଆଶଙ୍କା ରହିଛି । ଯୁଦ୍ଧ ସାଇରନ୍ ବଜାଇ ସମସ୍ତଙ୍କୁ ସଜାଗ କରାଯାଇଛି ।  ଘର ଭିତରେ ରହିବା ପାଇଁ କୁହାଯାଇଛି ।ଆକାଶ ମାର୍ଗରୁ ଆକ୍ରମଣ ଆଶଙ୍କା ରହିଥିବାରୁ ସେନା ମଧ୍ୟ ସଜାଗ ରହିଥିବା କଥା କୁହାଯାଇଛି । ପ୍ରତିରକ୍ଷା ସୂତ୍ରରୁ ଜଣାପଡିଛି ଯେ ଆଜି ଭୋର ୪ଟା ପରେ ପାକିସ୍ତାନ ପୁଣି ଥରେ ଡ୍ରୋନ୍ ସାହାଯ୍ୟରେ ଆକ୍ରମଣ କରିବାକୁ ଚେଷ୍ଟା କରିଥିଲା। କିନ୍ତୁ ଏଥର ମଧ୍ୟ ଭାରତୀୟ ବାୟୁ ପ୍ରତିରକ୍ଷା ପ୍ରଣାଳୀ ସେଗୁଡ଼ିକୁ ନିଷ୍କ୍ରିୟ କରିଦେଇଛି । ରାତିରେ ପାକିସ୍ତାନ ପକ୍ଷରୁ ଡ୍ରୋନ୍ ସାହାଯ୍ୟରେ ଆକ୍ରମଣ କରିବାକୁ ଚେଷ୍ଟା କରାଯାଇଥିଲା।ଗତକାଲି ରାତିରେ, LoC ଏବଂ ଅନ୍ତର୍ଜାତୀୟ ସୀମାରେ ଅନେକ ସ୍ଥାନରେ ଡ୍ରୋନ୍ ପଠାଇଥିଲା, ଯାହାକୁ ଡ୍ରୋନ୍-ବିରୋଧୀ ଅପରେସନ୍ ଦ୍ୱାରା ପଣ୍ଡ କରାଯାଇଥିଲା। ଉଧମପୁର, ସାମ୍ବା, ଜମ୍ମୁ, ଅଖନୁର, ନାଗ୍ରୋଟା ଏବଂ ପଠାଣକୋଟରେ ଭାରତୀୟ ସେନାର ବାୟୁ ପ୍ରତିରକ୍ଷା ୟୁନିଟ୍ଗୁଡ଼ିକ ବଡ଼ ଧରଣର ଡ୍ରୋନ୍ ପ୍ରତି ଅପରେସନ୍ କରିଥିଲେ ଏବଂ50 ରୁ ଅଧିକ ଡ୍ରୋନ୍ ଖସାଇ ଦେଇଥିଲେ। L-70 ଗନ୍‌, ZU-23MM ଗନ୍, ସିଲକା ସିଷ୍ଟମ ଏବଂ ଅନ୍ୟ ଉନ୍ନତ କାଉଣ୍ଟର-UAS ଭଳି ଅତ୍ୟାଧୁନିକ ଅସ୍ତ୍ରଶସ୍ତ୍ର ବ୍ୟବହାର କରି ଏହି ସବୁ ଡ୍ରୋନ୍ ଗୁଡ଼ିକୁ ନଷ୍ଟ କରିଛି ଭାରତୀୟ ସେନା। ସେହିପରି ପୋଖରାନ, ଆରଏସ୍‌ପୁରା, ଅରନିଆ, ସତବରୀ ଏବଂ ସାମ୍ବାରେ S-400 ଯୋଗେ ପାକିସ୍ତାନର ମିଜାଇଲ୍ ଖସାଇଲା ଭାରତ। ଏହା ସହ ପାକିସ୍ତାନର ୨ଟି ଫାଇଟର୍ ଜେଟ୍‌ FJ-17କୁ ମାରି ଖସାଇଛି ଭାରତ।