ନୂଆଦିଲ୍ଲୀ: ମହିଳା କଂଗ୍ରେସ ସଭାପତି ଅଳକା ଲାମ୍ବା ଭାରତ ବନାମ ପାକିସ୍ତାନ ମହିଳା ବିଶ୍ୱକପ୍ ମ୍ୟାଚ୍ ଉପରେ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ‘ମହିଳା ମ୍ୟାଚ୍ ହେଉ କି ପୁରୁଷ ମ୍ୟାଚ୍, ମୋର ବ୍ୟକ୍ତିଗତ ମତ ହେଉଛି ଭାରତ-ପାକିସ୍ତାନ ମ୍ୟାଚ୍ ଆୟୋଜନ କରାଯିବା ଉଚିତ୍ ନୁହେଁ।’ ସେ ପହଲଗାମ ଆତଙ୍କବାଦୀ ଆକ୍ରମଣ ସଂପର୍କରେ ମନ୍ତବ୍ୟ ଦେଇ କହିଛନ୍ତି ଯେ, ନିରୀହ ଲୋକଙ୍କ ମୃତ୍ୟୁ ହୋଇଥିଲା ଏବଂ ଏପରି ପରିବେଶରେ ମ୍ୟାଚ୍ ଆୟୋଜନ କରାଯିବା ଉଚିତ୍ ନୁହେଁ। ସବୁକିଛିକୁ ଭୁଲି କେବଳ ଟଙ୍କା ଏବଂ କ୍ରିକେଟକୁ ପ୍ରାଥମିକତା ଦିଆଯାଇଛି।
ନ୍ୟୁଜ୍ ଏଜେନ୍ସି ଆଇଏଏନଏସକୁ ପ୍ରତିକ୍ରିୟା ଦେଇ ଅଳକା ଲାମ୍ବା କହିଛନ୍ତି, ‘ପହଲଗାମରେ ଆତଙ୍କବାଦୀ ଆକ୍ରମଣ ହୋଇଥିଲା , ନିର୍ଦ୍ଦୋଷ ନାଗରିକଙ୍କୁ ହତ୍ୟା କରାଗଲା ଏବଂ ମୃତକଙ୍କ ପରିବାର ସେମାନଙ୍କ ପାଇଁ ସହିଦ ମାନ୍ୟତା ଦାବି କରୁଛନ୍ତି। ୬ ଜଣ ଆତଙ୍କବାଦୀଙ୍କୁ ଦଣ୍ଡ ଦେବା ବିଷୟରେ କହୁଛନ୍ତି । କିନ୍ତୁ କେହି ସେମାନଙ୍କ ବିଷୟରେ ଚିନ୍ତା କରନ୍ତି ନାହିଁ।’
କଂଗ୍ରେସ ନେତ୍ରୀ ଆହୁରି କହିଛନ୍ତି, ‘ଦେଶ ଯାହା ଚାହୁଁଥିଲା ତାହା ହୋଇପାରିଲା ନାହିଁ। ତେଣୁ, ଭାବନା ନୁହେଁ ଟଙ୍କାକୁ ବିଚାର କରାଯାଇଥିଲା। ମୃତକଙ୍କ ପରିବାର ମଧ୍ୟ ଚାହୁଁ ନଥିଲେ ଯେ, ଏହି ପରିବେଶରେ ଏକ କ୍ରିକେଟ୍ ମ୍ୟାଚ୍ ଖେଳାଯାଉ। ପ୍ରଥମେ ନ୍ୟାୟ ପ୍ରଦାନ କରନ୍ତୁ ।ସେହି ଆତଙ୍କବାଦୀଙ୍କୁ ଦଣ୍ଡ ଦିଅନ୍ତୁ। ଅନ୍ୟ ସବୁକିଛି ଭୁଲି କେବଳ ଟଙ୍କା ଏବଂ କ୍ରିକେଟକୁ ପ୍ରାଥମିକତା ଦିଆଯାଇଛି। ଏହା ଦେଶକୁ ବହୁତ ଯନ୍ତ୍ରଣା ଦେଇଛି।’
ଅଳକା ଲାମ୍ବା ମଧ୍ୟ ରାହୁଲ ଗାନ୍ଧୀଙ୍କ ‘ଭାରତ ଯୋଡୋ ଯାତ୍ରା’ ଉପରେ ପ୍ରଶ୍ନ ଉଠାଇଥିବା ଲୋକଙ୍କୁ ଜବାବ ଦେଇଛନ୍ତି। ସେ କହିଛନ୍ତି, ‘ଯେଉଁମାନେ ପଚାରୁଛନ୍ତି ରାହୁଲ ଗାନ୍ଧୀଙ୍କୁ 'ଭାରତ ଯୋଡୋ ଯାତ୍ରା' କରିବାର ଆବଶ୍ୟକତା କାହିଁକି ପଡ଼ିଲା । ରାହୁଲ ଗାନ୍ଧୀଙ୍କ ଏହି ଯାତ୍ରା ନିଜସ୍ୱ ଅସ୍ତିତ୍ୱ ଏବଂ ଗୁରୁତ୍ୱ ରଖିଛି । ଧର୍ମ ଆଧାରରେ ଏହି ଘୃଣା ଏବଂ ବିଷର ବୀଜ ବୁଣାଯାଇଛି।’
