ମାଲକାନଗିରି, ୩୦।୬ (ଆପ୍ର ): ରୋଗୀକୁ ଆଣିବାକୁ ଯାଇଥିବା ଆମ୍ବୁଲାନ୍ସ ରାସ୍ତା ଅବସ୍ଥା  ଶୋଚନୀୟ ଯୋଗୁଁ ଫସିଲା । ଟ୍ରାକ୍ଟର ଦ୍ଵାରା ଭିଡା ହେବା ପରେ ରୋଗୀ ସେବା ଯୋଗାଇବାରେ ସକ୍ଷମ ହୋଇଛି ଆମ୍ବୁଲାନ୍ସ। ଏପରି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ଅନ୍ତର୍ଗତ ନାକାମାମୁଡି ପଞ୍ଚାୟତରେ। 

ସୂଚନାଯୋଗ୍ୟ ଯେ, ମାଲକାନଗିରି ଜିଲ୍ଲା କୋରକୁଣ୍ଡା ବ୍ଲକସ୍ଥ ନାକାମାମୁଡି ପଞ୍ଚାୟତ କର୍କାଗୁଡା ଗ୍ରାମର ମାଲାବତି ବିଶୋଇ ଘରେ ପ୍ରସବ କରି ଏକ ପୁତ୍ର ସନ୍ତାନ ଜନ୍ମ କରିଥିଲେ l ମାଲାବତୀ ଶରୀର ଅସୁସ୍ଥ ଦେଖି ପରିବାର ଲୋକ ୧୦୮ ଆମ୍ବୁଲାନ୍ସକୁ ଫୋନ କରିଥିଲେ l ନିକଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରୁ ଆମ୍ବୁଲାନ୍ସ  କାର୍କା ଗୁଡା ଯିବା ପାଇଁ ବାହାରିଥିଲା l  ହନ୍ତାଳ ଗୁଡା ଓ ଗୋନ୍ଦିଗୁଡା ଗ୍ରାମ ମଝିରେ ବର୍ଷା ଯୋଗୁଁ କାଦୁଅ ରାସ୍ତାରେ  ଆମ୍ବୁଲାନ୍ସ ଫସିଯାଇଥିଲା l ଦୀର୍ଘ ସମୟ ଦରି   ଆମ୍ବୁଲାନ୍ସ ପହଞ୍ଚି ନ ଥିବାରୁ ଗାଁ ଲୋକ ଆମ୍ବୁଲାନ୍ସ ଡ୍ରାଇଭରକୁ କଲ କରି ଥିଲେ l ଗାଡ଼ି କାଦୁଅ ରେ ଫସି ଯାଇଥିବା ୧୦୮ ଆମ୍ବୁଲାନ୍ସ ଡ୍ରାଇଭର କହିଥିଲେ l ଗ୍ରାମବାସୀ ଗୋଟାଏ ଟ୍ରାକ୍ଟର ପଠେଇ ଆମ୍ବୁଲାନ୍ସକୁ ଦୌଡ଼ିରେ  ବାନ୍ଧି କାଦୁଅରୁ ବାହାର କରି ଥିଲେ। ପରେ  କାର୍କlଗୁଡାରେ ଆମ୍ବୁଲାନ୍ସ ପହଞ୍ଚି ମା’ ଓ ଛୁଆ  ଏବଂ  ଆଶା କର୍ମୀ ଙ୍କୁ ନେ଼ଇ ଅନ୍ୟ ଗୋଟାଏ ରାସ୍ତାରେ ଯାଇଥିଲେ।  ୬୦ କିମି ନlକlମାମୁଡ଼ିରୁ ବାଲିମେଳା ଛକ ଦେଇ କୁଡୁମୁଲୁଗୁମ୍ମା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ଆମ୍ବୁଲାନ୍ସ ପହଞ୍ଚିଥିଲା l ବର୍ତ୍ତମାନ ମା’  ଓ ଛୁଆ ସୁସ୍ଥ ଅଛନ୍ତି l ଏହି ରାସ୍ତା  ଗୋଟାଏ କଲଭଟ୍ ଓ ରାସ୍ତା ଅତି ଶୀଘ୍ର ନିର୍ମାଣ କରିବାକୁ ଗ୍ରାମବାସୀ ଦାବି କରିଛନ୍ତି।