ନୂଆଦିଲ୍ଲୀ: ଭାରତରେ ଏବେ ଲୋକସଭା ନିର୍ବାଚନ ଚାଲିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିର୍ବାଚନ ପ୍ରଚାରରେ ବ୍ୟସ୍ତ ଅଛନ୍ତି। ତୃତୀୟ କାର୍ଯ୍ୟକାଳ ଜିତିବା ପାଇଁ ପ୍ରଧାନମନ୍ତ୍ରୀ ମୋଦୀ କଠିନ ପରିଶ୍ରମ କରୁଛନ୍ତି । ଏହି ପ୍ରସଙ୍ଗରେ ବିଦେଶୀ କମ୍ପାନୀ ପିଏମ ମୋଦୀଙ୍କୁ ପ୍ରଶଂସା କରିଛନ୍ତି। ଆମେରିକାର ବ୍ୟାଙ୍କିଙ୍ଗ୍ ଫାର୍ମ ଜେପି ମୋର୍ଗାନ୍ ଚେଜ୍ ର ସିଇଓ ଜେମି ଡିମନ୍ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀ ୧୦ ବର୍ଷ ମଧ୍ୟରେ ନିଜ ଦେଶର ବହୁ ଜନସଂଖ୍ୟାକୁ ଦାରିଦ୍ର୍ୟତାରୁ ବାହାର କରିଛନ୍ତି । ଜେମି ଡିମନ୍ କହିଛନ୍ତି ଯେ, ପିଏମ ମୋଦୀ ଭାରତରେ ଅଦ୍ଭୁତପୂର୍ବ ତଥା ଅବିଶ୍ୱସନୀୟ କାର୍ଯ୍ୟ କରିଛନ୍ତି । ଆମେରିକାରେ ନରେନ୍ଦ୍ର ମୋଦୀଙ୍କ ପରି ମଧ୍ୟ ଜଣେ ପ୍ରଧାନମନ୍ତ୍ରୀ ରହିବା ଉଚିତ୍।
ଇକୋନୋମିକ୍ କ୍ଲବ୍ ଅଫ୍ ନ୍ୟୁୟର୍କ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ଜେମି ଡିମନ୍ ବୋଲ୍ କହିଛନ୍ତି ଯେ, ମୁଁ ଆମେରିକାର ଲେବରାଲ ପ୍ରେସକୁ ଜାଣିଛି, ଯାହା କ୍ରମାଗତ ଭାବେ ନରେନ୍ଦ୍ର ମୋଦୀଙ୍କ ଉପରେ ଆଲୋଚନା କରୁଛି । ସେ ୪୦ କୋଟି ଲୋକଙ୍କୁ ଦାରିଦ୍ର୍ୟରୁ ବାହାର କରିଛନ୍ତି । ଏହି ସମୟରେ, ଡିମନ୍ ଭାରତରେ ଦାରିଦ୍ର୍ୟ ଦୂରୀକରଣ, ଭିତ୍ତିଭୂମି ଏବଂ ଅର୍ଥନୈତିକ ବିକାଶ ତଥା ଅନ୍ୟାନ୍ୟ ବିଷୟ ଉପରେ ଖୋଲାଖୋଲି ଭାବରେ ଆଲୋଚନା କରିଥିଲେ ।
ଜେପି ମୋର୍ଗାନ୍ ଚେଜ୍ ସିଇଓ ଡିମନ୍ କହିଛନ୍ତି ଯେ, 'ଅନେକ ଆମେରିକୀୟ ଅଧିକାରୀ ଭାରତ ବିଷୟରେ ଅନେକ କଥା କୁହନ୍ତି, କିନ୍ତୁ ଆମ ଦେଶ କିପରି ଚାଲିବ ସେ ବିଷୟରେ ଚିନ୍ତା କରିବାର ଆବଶ୍ୟକତା ରହିଛି । ଭାରତରେ ନରେନ୍ଦ୍ର ମୋଦୀ ଚ୍ୟାଲେଞ୍ଜର ସମ୍ମୁଖୀନ ହେଉଛନ୍ତି। ସେ କହିଛନ୍ତି ଯେ କିଛି ଦେଶର ସରକାର ଜଳବାୟୁ ପରିବର୍ତ୍ତନ ଏବଂ ଶ୍ରମ ଅଧିକାର ଉପରେ ଭାରତକୁ ସମାଲୋଚନା କରୁଛନ୍ତି, ଯେତେବେଳେକି ସେଠାରେ ଶୌଚାଳୟ ଭଳି ମୌଳିକ ସୁବିଧା ନାହିଁ । ତଥାପି, ସେ ସାହସର ସହିତ ଚ୍ୟାଲେଞ୍ଜର ସମ୍ମୁଖୀନ ହେଉଛନ୍ତି । ସେ କହିଛନ୍ତି, 'ଭାରତ ଏକ ନୂଆ ଧାରା ଆରମ୍ଭ କରିଛି ଯେଉଁଥିରେ ଆଙ୍ଗୁଠି ଛାପ ଏବଂ ଆଖି ମାଧ୍ୟମରେ ଲୋକଙ୍କୁ ଚିହ୍ନଟ କରାଯାଇଥାଏ । ଏହା ମଧ୍ୟ ଭାରତ ପାଇଁ ଏକ ଉଲ୍ଲେଖନୀୟ ।
ଡିମନ୍ ଆହୁରି ମଧ୍ୟ କହିଛନ୍ତି ଯେ ମୌଳିକ ସୁବିଧା ଉପରେ କାର୍ଯ୍ୟ କରି ଭାରତ ଆଗକୁ ବଢୁଛି । ବିକାଶଶୀଳ ଦେଶରୁ ଏକ ବିକଶିତ ଦେଶକୁ ଯିବା ପାଇଁ ସେଠାରେ ସରକାର ନିରନ୍ତର ଉଦ୍ୟମ କରୁଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଅଗ୍ରଗତି ପାଇଁ ନିରନ୍ତର କାର୍ଯ୍ୟ କରୁଛନ୍ତି।