ପ୍ରମୂଖ ଖବର
  • ସୁନ୍ଦରଗଡ଼ : ବ୍ରାହ୍ମଣୀ ନଦୀରେ ବୁଡ଼ି ନାବାଳକ ନିଖୋଜ, ସର୍ଚ୍ଚ ଅପରେସନ୍‌ ଜାରି
  • ||
  • ଇଂଲଣ୍ଡ ଗସ୍ତ ପୂର୍ବରୁ ଭାରତକୁ ଲାଗିପାରେ ବଡ଼ ଝଟକା; ସାମି-ବୁମରାଙ୍କ ଖେଳିବାକୁ ନେଇ ସନ୍ଦେହ
  • ||
  • ସମ୍ୱଲପୁର : କଫ୍‌ ସିରପ୍‌ ଭର୍ତ୍ତି ବକ୍ସ ଚୋରି କରିବା ପଡ଼ିଲା ମହଙ୍ଗା, ସମ୍ବଲପୁର ଟାଉନ୍ ଥାନା ଏଏସ୍‌ଆଇ ନିଲମ୍ବିତ
  • ||
  • ରେକର୍ଡ ଭାଙ୍ଗିଲା ଶ୍ରୀନଗର ତାତି ; ୫୪ ବର୍ଷ ପରେ ୩୪ ଡିଗ୍ରୀ ପାର୍‌, ୧୩୩ ବର୍ଷ ପରେ ଜଳିଲା ମେ'
  • ||
  • ଭୁବନେଶ୍ୱର : ବିଦେଶରେ ଚାକିରି ଲୋଭ ଦେଖାଇ କୋଟି କୋଟି ଟଙ୍କା ଠକେଇ, ଅଭିଯୁକ୍ତ ଗିରଫ
  • ||
  • ମେ ୨୭ ନୁହେଁ, ୨୬ରେ ସାବିତ୍ରୀ ଛୁଟି ଘୋଷଣା କଲେ ସରକାର, ୨୭ରେ ଖୋଲା ରହିବ ସରକାରୀ ଅଫିସ୍
  • ||
  • ବିଳିବିଳଉଛି ପାକିସ୍ତାନ; 'ପାଣି ବନ୍ଦ କଲେ ଆମେ ତୁମ ନିଶ୍ୱାସ ବନ୍ଦ କରିଦେବୁ', ପୁରୁଣା ଡଇଲଗ ଦୋହରାଇଲେ ପାକ୍‌ ଜେନେରାଲ
  • ||
  • ସମ୍ବଲପୁର: ମାଲଖାନାରୁ କଫ୍‌ ସିରପ୍ ଚୋରି କରିଟାଉନ୍‌ ଥାନାରେ କାର୍ଯ୍ୟରତ ASI ବିଦ୍ୟୁତ୍ ପଣ୍ଡା ନିଲମ୍ବିତ
  • ||
  • ଭିଜିଲାନ୍ସ ଜାଲରେ R&B ଡିଭିଜନ୍‌ର କନିଷ୍ଠ ଯନ୍ତ୍ରୀ ସୁଶାନ୍ତ ସେଠୀ, ଏକକାଳୀନ ୮ ଟି ସ୍ଥାନରେ ଭିଜିଲାନ୍ସ ଟିମ୍‌ର ଚଢ଼ାଉ
  • ||
  • ୨୭ ଯାଏ ଘୁଞ୍ଚିଲା ସ୍ପେସାଲ୍‌ ଓଟିଇଟି ଆବେଦନ, ଫର୍ମ ପୂରଣର ଅବଧିକୁ ବଢ଼ାଇଲା ବୋର୍ଡ
  • ||
  • କେନ୍ଦୁଝର : ବେଆଇନ ବାଲି ଚୋରା ଚାଲାଣ ବେଳେ ୩ ହାଇୱା ଜବତ, ୬ ଲକ୍ଷରୁ ଉର୍ଦ୍ଧ୍ୱ ଟଙ୍କା ଜରିମାନା ଆଦାୟ
  • ||
  • ଏବେ ୭୮୮ ଭାରତୀୟ ଛାତ୍ରଙ୍କର କଣ ହେବ ? ହାର୍ଭାର୍ଡରେ ବିଦେଶୀ ଛାତ୍ରଙ୍କ ନାମଲେଖା ଉପରେ ରୋକ୍ ଲଗାଇଲେ ଟ୍ରମ୍ପ
  • ||
  • ବାଂଲାଦେଶରେ କିଛି ଠିକ୍ ନାହିଁ ; ବିପଦରେ ୟୁନୁସଙ୍କ ଗାଦି, ସେନାମୁଖ୍ୟ ଦେଲେ ଅଲଟିମେଟ୍
  • ||
  • ନେପାଳରେ ଭୂକମ୍ପ ଝଟକା,ରିକ୍ଟର ସ୍କେଲରେ ତୀବ୍ରତା ୪.୭ ରେକର୍ଡ
  • ||
  • ରାଜ୍ୟ ସରକାରଙ୍କ ବର୍ଷ ପୂର୍ତ୍ତି : ମନ୍ତ୍ରିମଣ୍ଡଳ ସମ୍ପ୍ରସାରଣ ଚର୍ଚ୍ଚା, ୬ ମନ୍ତ୍ରୀ ପଦ ପାଇଁ ଆଶାୟୀଙ୍କ ଲବି ଭୁବନେଶ୍ୱରରୁ ଦିଲ୍ଲୀ
  • ||
  • ସୁବର୍ଣ୍ଣପୁର : ଭାରସାମ୍ୟ ହରାଇ ରାସ୍ତା ତଳକୁ ଖସିଲା ବାଜା ଗାଡ଼ି: ୨ ମୃତ, ୨୫ ଆହତ
  • ||
  • ଦେଶ ସମ୍ଭାଳିପାରୁ ନାହାନ୍ତି ବାଂଲାଦେଶ ଅନ୍ତରୀଣ ସରକାର ମହମ୍ମଦ ୟୁନୁସ, ଇସ୍ତଫା ଦେବାକୁ ବଳାଇଲେ ମନ
  • ||
  • ରାଜ୍ୟରେ ବଦଳିଲା ପାଗର ମିଜାଜ୍, ଖସିଲା ତାତି : ଏ ମାସ ଶେଷ ସୁଦ୍ଧା ମୌସୁମୀ, ୨୭ରେ ଲଘୁଚାପ ସମ୍ଭାବନା
  • ||

ଅଦିନିଆ କାଳ ବୈଶାଖୀ ଦେଲା ଦୁଃଖ, ଭଙ୍ଗା ଘରେ ବିତୁଛି ଅଞ୍ଜନାଙ୍କ ଜୀବନ

Published By : Prameya | May 23, 2025 10:18 PM

ହରଭଙ୍ଗା,୨୩/୫ (ଚିତ୍ତରଞ୍ଜନ ସିଂହ) : ଭଙ୍ଗା ଘରେ ବିତୁଛି ଜୀବନ । ଯାହା ଟିକେ ଥିଲା ଅଦିନିଆ କାଳ ବୈଶାଖୀ ଆସି ସବୁ କିଛି ଉଜାଡ଼ିଦେଲା । ଏବେ ଦିନରେ ସୂର୍ଯ୍ୟ, ରାତିରେ ତାରା ଦେଖି କଟୁଛି ଜୀବନ। ବାସ ହରା ହୋଇ କଟୁଛି ଦିନ । ଆଖିରେ ଲୁହ, ପେଟରେ ଭୋକ ଧରି ଭଗବାନଙ୍କ ଭରସାରେ ପଡ଼ି ରହିଛନ୍ତି । ପଂଚାୟତ ସ୍ତରୀୟ ଅଧିକାରୀ ସାଜିଛନ୍ତି ନିରବଦ୍ରଷ୍ଟା । କୋହ ଭରା କଣ୍ଠରେ ଘର ଖଣ୍ଡିଏ ପାଇଁ ଗଣମାଧ୍ୟମ ଆଗରେ ନେହୁରା କରିଛନ୍ତି । ଏଭଳି ଏକ ଚିତ୍ର ନଜରକୁ ଆସିଛି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଛତ୍ରଙ୍ଗ ପଂଚାୟତ କୁଟୀଗାଡୁ ଗ୍ରାମରେ । 

           ଗାଁର ଅଞ୍ଜନା ମଲିକ(୫୦) । ୩୦ବର୍ଷ ପୂର୍ବେ ଗୋପାଳ ମଲିକଙ୍କୁ କନ୍ଧ ସମାଜର ବୈଦିକ ରୀତିନୀତିରେ ବିବାହ କରିଥିଲେ l ଗରିବ ପରିବାର ହୋଇଥିଲେ ମଧ୍ୟ ମୂଲ ମଜୁରୀ କରି ଖୁବ ଖୁସିରେ ଦିନ କାଟୁଥିଲେ l ପରିବାର ବଢ଼ି ୨ପୁଅ ଓ ଗୋଟିଏ ଝିଅ ମିଶି ୫ପ୍ରାଣୀ କୁଟୁମ୍ବ ସୁଖ ଦୁଃଖରେ ଚଳି ଆସୁଥିଲେ l ଆଜକୁ ୧୫ବର୍ଷ ପୂର୍ବେ ହଠାତ ଅଞ୍ଜନାଙ୍କ ସ୍ୱାମୀ ଗୋପାଳ ପରିବାର ଓ ସ୍ତ୍ରୀକୁ ଛାଡ଼ି ଆର ପାରିକୁ ଚାଲିଗଲେ । ଏହାପରେ ଅଞ୍ଜନାଙ୍କ ପରିବାର ଉପରେ  କଳା ବାଦଲ ମାଡ଼ି ଆସିଲା l ସ୍ୱାମୀ ହରାଇ ଦୁଃଖରେ ଭାଙ୍ଗି ପଡ଼ିଲେ ଅଞ୍ଜନା। କିନ୍ତୁ ହାର୍ ନ ମାନି ପୁଣି ପୁଅ ଝିଅଙ୍କ ଭବିଷ୍ୟତ ପାଇଁ ଅଣ୍ଟା ଭିଡ଼ିଲେ l ବଢିଲା ଝିଅକୁ ପର ଘରେ ମୂଲ ମଜୁରୀ କରି ଦଶପଲ୍ଲା ବ୍ଲକ ଜାମୁ ସାହିଠାରେ ବିବାହ କରାଇଥିଲେ l ବଡ଼ ପୁଅ ବାପା (ଗୋପାଳ )ମୃତ୍ୟୁର ପାଞ୍ଚ ବର୍ଷ ପୂର୍ବରୁ ଆଜକୁ ୨୦ବର୍ଷ ହେବ ବାହାର ରାଜ୍ୟରେ । କିଛି ଯୋଗାଯୋଗ ନାହିଁ, ସାନ ପୁଅ ଅଜଣା ରୋଗରେ ରୋଗାକ୍ରାନ୍ତ ହୋଇ ଭଉଣୀର ବୋଝ ହୋଇ ଜାମୁ ସାହିରେ l 

ନୀରିହା ବିଧବା, ସର୍ବହରା ଅଞ୍ଜନା ବର୍ତ୍ତମାନ ନିରାଶ୍ରୟା ହୋଇ ଏକୁଟିଆ ଦିନ କାଟୁଥିବାବେଳେ ଅଦିନିଆ କାଳ ବୈଶାଖୀ ଚାଳ ଛପର ଘର ଉଜାଡ଼ି ଦେଇଛି l ପୂର୍ବରୁ ପାଇଥିବା ୩୫ହଜାର ଟଙ୍କାର ସରକାରୀ ଯୋଜନାର ଘର ବହୁ ବର୍ଷରୁ ଭାଙ୍ଗି ଚୁରମାର ହୋଇଯାଇଛି l ବର୍ତ୍ତମାନ ଅଞ୍ଜନା ବାସ ହୀନ l ପଂଚାୟତର ସରପଞ୍ଚ ବିନୋଦିନୀ ପ୍ରଧାନ ଓ ମମିତି ସଭ୍ୟା କମଳିନୀ ବଘାର, କାର୍ଯ୍ୟନିର୍ବାହି ଅଧିକାରୀ ଜଗଦୀଶ ମଲିକଙ୍କୁ ବାରମ୍ବାର ଗୁହାରି କରିଲେ ବି ସମସ୍ତେ ଅଣଦେଖା କରୁଥିବା ଜଣାପଡ଼ିଛି । ଫଳରେ ଗଣମାଧ୍ୟମ ଆଗରେ ଘର ଖଣ୍ଡିଏ ଯୋଗାଇ ଦେବା ପାଇଁ ହାତଯୋଡ଼ି ନେହୁରା ହୋଇଛନ୍ତି l ଏଣୁ ବ୍ଲକ ଓ ଜିଲ୍ଲା ପ୍ରଶାସନ ନୀରିହା ଅଞ୍ଜନାଙ୍କୁ ବାସଗୃହ ଖଣ୍ଡିଏ ଯୋଗାଇ ଦେବା ପାଇଁ କୁଟୀଗାଡୁ, ତିଲିଚା ପଦର, ବାଇଶି ପଦା ଗ୍ରାମବାସୀ ସହ ଅଂଚଳର ବୁଦ୍ଧିଜୀବୀ ମହଲରେ ଦାବି ହୋଇଛି l

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.