କଟକ, ୦୮/୦୩: ସିନେ ତାରକା ତଥା ପୂର୍ବତନ ସାଂସଦ ଅନୁଭବ ମହାନ୍ତି ଓ ଜାଗ୍ରତି ଶୁକ୍ଲାଙ୍କ ବିବାହକୁ ନେଇ ସୋସିଆଲ୍ ମିଡିଆରେ ଚର୍ଚ୍ଚା ଜୋରଦାର ହେଉଛି । ଇତିମଧ୍ୟରେ ନିର୍ବନ୍ଧ ଶେଷ ହୋଇଥିବା ସୂଚନା ମିଳିଛି । ନିର୍ବନ୍ଧ ବେଳର ଫଟୋ ବିଭିନ୍ନ ସୋସିଆଲ୍ ମିଡିଆରେ ଘୂରିବୁଲୁଛି । ଫଟୋରେ ଉଭୟ ପରସ୍ପର ହାତ ଧରିଥିବା ଦେଖିବାକୁ ମିଳିଛି । ନିର୍ବନ୍ଧ ଦିଲ୍ଲୀରେ ହୋଇଥିବା ନେଇ ଚର୍ଚ୍ଚା ହେଉଥିବା ବେଳେ ଅନୁଭବଙ୍କ ପକ୍ଷରୁ କିନ୍ତୁ ଏନେଇ କୌଣସି ସ୍ପଷ୍ଟ ସୂଚନା ଦିଆଯାଇନାହିଁ ।
ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ବିବାହ ବିଚ୍ଛେଦ ପରେ ଅନୁଭବ ଖୁବଶୀଘ୍ର ଜାଗ୍ରତିଙ୍କୁ ବିବାହ କରିବେ ବୋଲି ଚର୍ଚ୍ଚା ହେଉଥିଲା । ଦୀର୍ଘଦିନ ଧରି ଏନେଇ ଆଲୋଚନା ହେଉଥିବା ବେଳେ ଶୁକ୍ରବାର କିନ୍ତୁ ନିର୍ବନ୍ଧ ଶେଷ ହୋଇଥିବା କୁହାଯାଉଛି । ଅବଶ୍ୟ ବିବାହ ତାରିଖ ସଂପର୍କରେ କିନ୍ତୁ ଭିନ୍ନ ଭିନ୍ନ ସୂଚନା ଆସୁଛି । ପୂର୍ବରୁ ୬ ତାରିଖରେ ନିର୍ବନ୍ଧ ଓ ୧୧ ତାରିଖରେ ବିବାହ ହେବ ବୋଲି କୁହାଯାଉଥିଲା ।
୭ ତାରିଖରେ ନିର୍ବନ୍ଧ ଫଟୋ ସୋସିଆଲ୍ ମିଡିଆରେ ଦେଖିବାକୁ ମିଳିଛି । ଉଭୟଙ୍କ ନିର୍ବନ୍ଧ ଫଟୋ ବିଭିନ୍ନ ସିନେମା ହ୍ୱାଟ୍ସ୍ ଆପ୍ ଗ୍ରୁପ୍ ସହ ସୋସିଆଲ୍ ମିଡିଆରେ ପୋଷ୍ଟ୍ କରାଯାଇଛି ଓ ଫ୍ୟାନ୍ମାନେ ଶୁଭେଚ୍ଛା ଜଣାଉଛନ୍ତି । ବାହାଘର ରାଜସ୍ଥାନରେ ହେବା ବୋଲି ଚର୍ଚ୍ଚା ହେଉଛି । କିନ୍ତୁ ବିବାହ ସଂପର୍କରେ ଅନୁଭବ କେବେ ତାଙ୍କ ପ୍ରଶଂସକମାନଙ୍କୁ ସୂଚନା ଦେବେ ତା’ ଉପରେ ସମସ୍ତଙ୍କ ନଜର ରହିଛି ।
